Fréttablaðið - 06.05.2008, Blaðsíða 42

26 6. maí 2008 ÞRIÐJUDAGUR
FRÉTTABLAÐIÐ SPÁIR BREIÐABLIK 5. SÆTINU Í LANDSBANKADEILD KARLA 2008
GENGI SÍÐUSTU ÁRA 2007 5. sæti í A-deild 2006 5. sæti í A-deild 2005 1. sæti í B-deild 2004 4. sæti í B-deild 2003 7. sæti í B-deild 2002 7. sæti í B-deild
AÐRIR
LYKILMENN
GENGI Á VORMÓTUNUM
■ Sigrar ■ Jafntefli ■ Töp
1 4
2SRDJAN GASIC NENAD PETROVIC PRINCE RAJCOMAR
> LYKILMAÐURINN
Arnar Grétarsson fór á kostum á miðjunni hjá
Blikum í fyrra og frábær leikur hans var lykillinn að góðri
spilamennsku Blika. Arnar er leiðtogi liðsins og maðurinn
sem stýrir spilinu hjá Blikum. Hann
þarf klárlega að leika af sömu
getu í sumar ef Blikar ætla
sér að berjast með þeim
bestu á toppnum.
> X-FAKTORINN
Marel Baldvinsson er kominn
heim og á að skora mörk Blika í
sumar. Marel var markakóngur síðast
er hann spilaði hér og allir vita hvað
hann getur. Hann meiðist aftur á móti
oft og það skiptir Blika gríðarlegu
máli að hafa hann í lagi.
Líklega í fyrsta skipti í sögu félagsins eru
gerðar verulegar væntingar til Blikaliðsins
í sumar. Það spilaði frábæran fótbolta á
köflum í fyrra en gekk skelfilega að ganga
frá leikjum eins og níu jafntefli í átján leikj-
um bera vitni um. Nú verða gerðar þær
kröfur til liðsins að það geri enn betur og
blandi sér í baráttuna á toppnum.
Liðið er gríðarlega vel mannað og leik-
mannahópurinn lítið breyttur. Þessir strák-
ar þekkja vel inn á hvern annan og vita
hvernig þjálfarinn vill að liðið spili.
Liðið hefur aðeins bætt við sig einum leik-
manni og það er framherjinn Marel Jóhann
Baldvinsson sem er kominn heim frá Nor-
egi. Hann var markakóngur deildarinnar
sumarið 2006 og margir voru á því að hann
væri púslið sem vantaði í Blikaliðið síðasta
sumar. Það vantaði mann til þess að binda
enda á sóknir Blikaliðsins. Svo verður
Prince Rajcomar líklega skæðari í sumar
eftir að hafa fengið reynslu af íslenska bolt-
anum síðasta sumar en honum óx ásmegin
eftir því sem leið á mótið.
Nú er síðasta púslið komið og því eru
engar afsakanir í boði í Kópavoginum leng-
ur. Verður áhugavert að sjá hvernig Blika-
liðinu gengur síðan að spila undir þessari
pressu.
Tveir menn fóru frá liðinu í vetur. Kant-
maðurinn efnilegi, Gunnar Örn Jónsson, fór
í KR og Kristján Óli Sigurðsson ákvað að
þjálfa og spila með liði Hvatar frá Blöndu-
ósi.
Væntingar í Kópavoginum
HANDBOLTI Ársþing HSÍ verður haldið þann 17.
maí næstkomandi. Þingið verður með talsvert
öðrum hætti en oft áður þar sem í raun liggja
aðeins fyrir tvær tillögur á þinginu. Þær eru
breytingar á lögum sambandsins og breyting
á mótafyrirkomulaginu.
HSÍ leggur til stórfelldar breytingar á
lögum sambandsins sem eru til þess ætlað-
ar að færa meiri völd til stjórnar HSÍ.
Hingað til hafa allar reglugerðarbreyt-
ingar þurft að fara í gegnum ársþing en
verði tillagan samþykkt mun stjórn HSÍ geta
afgreitt hin ýmsu mál sjálf í stað þess að bíða
þurfi ársþings. Með því verður öll vinna skil-
virkari í hreyfingunni.
Ársþingið mun aftur á móti taka á laga-
breytingum. Einnig er lagt til að fjölga
stjórnarmönnum HSÍ úr sjö í níu. Stjórn-
armenn fá í kjölfarið aukna ábyrgð sem
formenn hinna ýmsu nefnda.
Svo er lagt fyrir þingið að endurvekja
úrslitakeppnina, en þó með nokkuð
breyttu formi. Það er að fjögur efstu
liðin spili í úrslitakeppni. Fastlega er
búist við því að þetta verði samþykkt
enda lagt fyrir eftir fundi for-
manna félaga.
Einnig er lagt til að aðeins
eitt lið falli úr efstu deild en
liðið sem endi í næstneðsta
sæti fari í umspil við liðið í fjórða sæti 1.
deildar. Liðin í öðru og þriðja sæti 1.
deildar spili einnig í sama umspili og
sigurvegarar þessara leikja spili
síðan úrslitaleik um síðasta lausa
sætið í efstu deild.
Guðmundur Ingvarsson hefur einn
boðið sig fram til formennsku en
Hlynur Sigmarsson stjórnarmaður
íhugar einnig framboð. - hbg
Handknattleikshreyfingin vill sjá breytingar á mótafyrirkomulaginu á næsta ársþingi:
Úrslitakeppnin væntanlega tekin upp aftur
GUÐMUNDUR INGVARSSON
Sækist eftir áframhaldandi
formennsku hjá HSÍ.
FRÉTTABLAÐIÐ/VILHELM
KÖRFUBOLTI Bakvörðurinn öflugi,
Justin Shouse, hefur ákveðið að
semja við úrvalsdeildarlið
Stjörnunnar en Shouse hefur
verið einn aðalmaður Snæfells
síðustu ár. Frá þessu var greint á
Vísi í gær.
Justin kemur til með að fylla
skarð Makedónans Dimitar
Karadzovski, sem var rekinn frá
Stjörnunni á dögunum er í
ljós kom að hann hafði
verið að stela af liðsfélög-
um sínum.
Forráðamenn
Snæfells höfðu greint
frá því að Shouse
hefði verið til í að
spila áfram í Hólmin-
um, en Snæfell hefur
ekki enn ráðið þjálfara
og staða Shouse því
óörugg. Hann ákvað
því að semja við
Stjörnuna. - hbg
Stjarnan fær góðan liðsstyrk:
Shouse semur
við Stjörnuna
FÓTBOLTI Þróttarar hafa orðið
fyrir nokkru áfalli því nú er ljóst
að framherjinn efnilegi, Viktor
Unnar Illugason, mun ekki geta
leikið með liðinu í sumar vegna
meiðsla í baki.
Viktor Unnar er samningsbund-
inn Reading en Þróttarar voru
búnir að ganga frá lánssamningi
við enska liðið vegna Viktors.
„Það er agalegt að missa Viktor
því ég hafði góða tilfinningu fyrir
því að hann myndi spjara sig með
okkur í sumar,“ sagði Gunnar
Oddsson, þjálfari Þróttar.
„Það er allt eins líklegt að við
bregðumst við þessu og reynum
að fá annan framherja. Við erum
byrjaðir að líta í kringum okkur
en það er ekkert í hendi. Það er
samt ljóst að við verðum að hafa
hraðar hendur enda stutt í mót,“
sagði Gunnar. - hbg
Áfall fyrir Þróttara:
Viktor Unnar
ekki með
VIKTOR UNNAR Spilar ekki á Íslandi í
sumar.
FÓTBOLTI Það er ljóst að baráttan
um enska meistaratitilinn fer alla
leið þetta árið. Chelsea vann
Newcastle í gær á útivelli, 0-2, og
er því jafnt Man. Utd að stigum
þegar aðeins ein umferð er eftir.
United heldur aftur á móti
toppsætinu þar sem United á 17
fleiri mörk í plús en Chelsea.
Sigur hjá United gegn Wigan á
útivelli í lokaumferð tryggir þeim
því titilinn en Chelsea tekur á sama
tíma á móti Bolton á heimavelli.
Það var markalaust í leikhléi í
gær en Michael Owen fékk tvö
kjörin tækifæri til þess að skora
fyrir Newcastle og Michael
Ballack eitt fyrir Chelsea. Ballack
gerði engin mistök á 61. mínútu
þegar hann skallaði sendingu
Didiers Drogba í netið af stuttu
færi. Þjóðverjinn var reyndar
glæpsamlega illa dekkaður inni í
miðjum markteig Newcastle og
eftirleikurinn því auðveldur.
Florent Malouda bætti við öðru
marki tíu mínútum fyrir leikslok
og stigin þrjú fóru þar með til
Chelsea. John Terry, fyrirliði
Chelsea, var brattur eftir leikinn
en hann spáir því að Wigan, sem er
á mikilli siglingu og hefur ekki
tapað fimm leikjum í röð,
muni standa sig vel gegn
United.
„Ég held að Wigan muni
sjá til þess að réttlætinu
verði fullnægt í úrvals -
deildinni. Wigan er
öruggt með sæti sitt
en með frábæran
stjóra eins og Steve
Bruce er ljóst að
liðið mun leggja
allt sitt í leikinn,“
sagði Terry. „Ef
við klárum okkar
dæmi og vinnum
Bolton þá er ég
viss um að við
eigum góðan
möguleika.“
Avram Grant,
knattspyrnustjóri
Chelsea, var eðl-
i lega sáttur við
sína menn en
játar að United
hafi öll spil á
hendi.
„Ég held að þetta
sé eitt af bestu tíma-
bilunum í sögu Chelsea og liðið
hefur sýnt frábæran karakter.
United er vissulega í betri stöðu en
verkefnið er ekki auðvelt og liðið
verður að vinna. Við höfum veitt
United mikla keppni og munum
berjast fram á síðustu mínútu,“
sagði Avram Grant en hann hefur
staðið sig stórkostlega með liðið.
henry@frettabladid.is
Chelsea gefst ekki upp
Manchester United og Chelsea eru jöfn að stigum þegar aðeins ein umferð er
eftir í ensku úrvalsdeildinni. Chelsea vann góðan útisigur á Newcastle í gær.
0-1 Michael Ballack skallar hér boltann í netið í gær og kemur Chelsea
yfir. Ballack hefur verið mjög drjúgur liði sínu upp á síðkastið. FRÉTTA-
FÓTBOLTI Arsenal varð fyrir miklu
áfalli í gær þegar miðjumaðurinn
Mathieu Flamini skrifaði undir
fjögurra ára samning við AC
Milan. Það sem verra er fyrir
Lundúnaliðið er að félagið fær
ekki krónu fyrir leikmanninn sem
var orðinn samningslaus.
Flamini var algjör lykilmaður
hjá Arsenal í vetur. Hann var 39
sinnum í byrjunarliðinu og
skoraði ein þrjú mörk.
Þetta er ekki í fyrsta skiptið
sem Flamini skilur knattspyrnu-
stjórann sinn eftir sársvekktan.
Þegar hann yfirgaf Marseille
fyrir Arsenal árið 2004 var hann
lykilmaður hjá Marseille, sem fór
í úrslit UEFA-bikarsins. Hann fór
einnig frítt frá Marseille þar sem
hann var ekki búinn að skrifa
undir atvinnumannasamning við
félagið á þeim tíma. - hbg
Mathieu Flamini:
Samdi við
AC Milan
MATHIEU FLAMINI Spilar á Ítalíu næsta
vetur. NORDIC PHOTOS/GETTY IMAGES
FÓTBOLTI Hans Mathiesen, sem var
leystur undan samningi við Fram,
er búinn að semja við Keflavík.
Hann er annar fyrrverandi
leikmaður Fram sem fer til
Keflavíkur, áður hafði Keflavík
samið við Patrick Redo. - hbg
Hans Mathiesen:
Frá Fram til
Keflavíkur