Fréttablaðið - 06.05.2008, Blaðsíða 17

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Hrafnhildur Tryggvadóttir, bókasafns- og upp-
lýsingafræðingur, gekk á hæsta tind Íslands í
blíðskaparveðri.
Hrafnhildur er bókasafnsfræðingur hjá menntamála-
ráðuneytinu og er mikil útivistarkona. Hún hefur
gengið margar af helstu gönguleiðum landsins og
þannig eru Hornstrandir, Laugavegurinn og Fjörður
á afrekaskránni og stefnan sett á Lónsöræfin á næstu
misserum.
„Ég hef mjög gaman af því að ganga og reyni yfir-
leitt að fara eina sumarleyfisferð á ári. Í október
byrjaði ég svo í hlaupahóp í Laugaskokki og æfi með
honum þrisvar til fjórum sinnum í viku,“ segir Hrafn-
hildur. „Lengst hef ég hlaupið sautján kílómetra á
æfingu en ég hleyp yfirleitt svona um tíu til þrettán
kílómetra. Svo stefni ég á að hlaupa hálft maraþon í
haust og ætla að hefja undirbúning fyrir það í
sumar.“
Fyrir tveim vikum gekk Hrafnhildur svo á hæsta
tind landsins. „Mér bauðst að fara á Hvannadalshnúk
með vinkonu minni og vinnufélögum hennar. Ég fór
tvær æfingaferðir upp Esjuna til að prófa formið
aðeins, en svo voru hlaupin líka ágætis undirbúning-
ur.“
Gangan sjálf tekur um sextán tíma í heildina og
ætlaði hópurinn sér að leggja af stað aðfaranótt laug-
ardags. Veðrið setti strik í reikninginn svo göngunni
var frestað og lagt af stað eftir miðnætti aðfaranótt
sunnudags.
„Við gengum fyrstu klukkutímana í myrkri sem
var mjög spennandi og gaman að sjá þegar birti allt í
kring. Það var líka ágætt að sjá ekki til að byrja með
hvað maður átti eftir að labba langt. Í 1.100 metra
hæð vorum við fest í línu og svo var mallað rólega
áfram.“
Hvannadalshnúkur er um 2.110 metrar á hæð og er
hæsti tindur á landinu. Hópurinn var heppinn með
veður á göngunni og náði toppnum klukkan tíu um
morguninn. Hrafnhildur segir stemminguna hafa
verið frábæra.
„Stemningin á toppnum var mjög skemmtileg. Ekki
eitt ský á himni og sást yfir allan heiminn að manni
fannst. Ég væri til í að fara aftur og þá í minni hóp
bara til að njóta betur tilfinningarinnar þarna uppi.“
heida@frettabladid.is
Gengið á hæsta tind
Hrafnhildur á toppi Hvannadalshnúks í blíðskaparveðri. MYND/HRAFNHILDUR TRYGGVADÓTTIR
Thai box námskeið hefst hjá
Baðhúsinu 13. maí. Innfalið í
námskeiðinu eru tveir lokaðir
tímar á viku, frjáls mæting í
alla opna tíma og tækjasal
og mælingar og vigtun við
upphaf og lok námskeiðs,
uppskriftahefti og fleira. Nám-
skeiðið er fjögurra vikna langt.
Allar nánari upplýsingar á www.
badhusid.is.
Sólveig Eiríksdóttir hjá Himn-
eskri hollustu stendur fyrir byrj-
endanámskeiði 19. maí ætlað
þeim sem vilja endurskoða
mataræði sitt og nota hollari
hráefni í matargerðina. Á nám-
skeiðinu er þátttakendum kennt
að útbúa einfalda og fljótlega
grænmetis- og eftirrétti. Nánari
upplýsingar í síma 554 7273 eða á
eða www.himneskt.is.
Aðhaldsnámskeið
ætlað konum hefst í Árbæj-
arþreki í dag en skráning er
enn opin. Námskeiðið verður
kennt þriðju- og fimmtu-
daga í sex vikur, en þriðji
tíminn verður felldur inn í
opinn tíma. Á námskeiðinu
verður boðið upp á fitumæl-
ingu, vigtun og fróðleik sem
tengist heilsurækt. Kennsla í tækjasal er
innifalin. Nánari upplýsingar og skráning í
síma 567 6471.
Krókhálsi 16, Reykjavík - Gleráreyrar 2, Akureyri - Sími 588 2600
Slitsterk og endingargóð gúmmíbelti undir
flestar gerðir mini og midi beltavélar
Á súperverði!