Fréttablaðið - 06.05.2008, Blaðsíða 14

14 6. maí 2008 ÞRIÐJUDAGUR
EFNAHAGSMÁL Róbert Aliber, próf-
essor emeritus í alþjóðahagfræði
og fjármálum við Viðskiptaháskól-
ann í Chicago, telur að næstu tvö
árin verði íslensku þjóðfélagi
ákaflega erfið í efnahagsmálum.
Hann telur að Seðlabanki Íslands
eigi að setja verðbólgumarkmið
sitt til hliðar í tvö ár meðan þjóðin
sé að vinna sig út úr erfiðleikun-
um.
Prófessor Aliber hélt fyrirlestur
um þróun alþjóðafjármála, eigna-
verðbólgu og ójafnvægi í viðskipt-
um á milli landa í Háskóla Íslands í
gær. Í erindinu fjallaði hann sér-
staklega um áhrif þróunarinnar á
íslenskt efnahagslíf og það hvaða
möguleg úrræði íslensk stjórnvöld
hefðu um þessar mundir.
Aliber sagði að efnahagserfið-
leikar Íslendinga væru hluti af
hnattrænu vandamáli, ekki bara í
hinum enskumælandi heimi.
Íslensku bankarnir væru „nánast
dauðir“, að minnsta kosti þeir þrír
stærstu. Endurskipulagning
þeirra væri óhjákvæmileg enda
væru íslensku bankarnir ekki
bankar lengur í hefðbundnum
skilningi þess orðs heldur sjóðir.
Bankarnir þyrftu að renna saman
og síðan þyrfti að skipta þeim í
tvennt, í A-banka sem væru hefð-
bundnir viðskiptabankar og B-
banka sem væru sjóðir og sæju
um fjárfestingar og slík viðskipti.
Aliber gagnrýndi einnig for-
ystumenn bankanna harðlega og
sagði að þeir stjórnuðust annað
hvort af græðgi, fáfræði eða hvoru
tveggja. Allt benti til þess að gert
yrði áhlaup á bankanna, enginn
myndi vilja lána bönkunum í
útlöndum og því gæti farið svo að
fólk færi að taka út peningana
sína.
Aliber benti líka á að Íslending-
ar væru með heimatilbúin undir-
málslán, húsnæðislán, sem búast
mætti við að fólk gæti ekki staðið
undir, og því gætu bankarnir tapað
á þeim.
„Niðurstaða mín er sú að
íslenska þjóðin þurfi að spenna
öryggisbeltin. Haldið ekki að allir
hinir í heiminum séu að ofsækja
ykkur. Þetta verða erfið tvö ár,“
sagði Aliber og taldi gríðarleg
mistök að binda krónuna við evru
eða annan gjaldmiðil nú. Betra
væri að leyfa myntinni að fljóta
áfram þar til þjóðin væri komin í
gegnum erfiðleikana. Óhjákvæmi-
legt væri að einstaklingar yrðu
gjaldþrota og misstu húsnæði og
bíl. ghs@frettabladid.is
Verðbólgu-
markmið
sett til hliðar
Bandarískur prófessor telur að Seðlabankinn eigi
að setja verðbólgumarkmiðið til hliðar í tvö ár. Ís-
lensku bankarnir verði að endurskipuleggja sig.
HEIMSÓKN Friðrik krónprins Dan-
merkur og eiginkona hans, Mary
Donaldson krónprinsessa, komu
til Íslands í gærmorgun. Munu
þau dvelja hér á landi fram á
fimmtudag í boði forseta Íslands
Ólafs Ragnars Grímssonar og
Dorritar Moussaieff forsetafrúar.
Mikil dagskrá hefur verið útbú-
in fyrir krónprinshjónin meðan á
dvöld þeirra stendur. Eftir form-
lega kynningarathöfn og hádegis-
verð á Bessastöðum í gær heim-
sóttu krónprinshjónin og
for seta hjónin Áslandsskóla í
Hafnarfirði. Þar tóku þau þátt í
samverustund og hlýddu á ávörp
skólastjóra og dönskukennara
skólans, auk þess sem skólakórinn
söng fyrir gestina á íslensku og
dönsku.
Þaðan lá leiðin í Þjóðmenningar-
húsið við Hverfisgötu þar sem
gestunum var fylgt um handrita-
sýninguna. Að henni lokinni héldu
krónprinsinn og forsetinn á ráð-
stefnu um jarðvísindi, jöklafræði
og loftslagsbreytingar í Öskju,
húsi náttúruvísinda í HÍ. Á sama
tíma kynntu krónprinsessan og
forsetafrúin sér íslenska hönnun í
verslununum Kirsuberjatrénu við
Vesturgötu og Kraumi við Aðal-
stræti.
Næstu daga mun ýmislegt drífa
á daga krónprinshjónanna, meðal
annars fara þau í reiðtúr, göngu-
ferð á Þingvöllum og í heimsókn
til Stykkishólms, svo fátt eitt sé
nefnt. - kg
Dönsku krónprinshjónin í
opinberri heimsókn á Íslandi
VELKOMIN Nemendur Áslandsskóla buðu gestina hjartanlega velkomna og veif-
uðu íslenska og danska fánanum.
HJÓNAKORN
Forsetahjónin
buðu krónprins-
hjónin velkomin
við athöfn á
Bessastöðum.
Friðrik sagðist
mjög ánægður
með að vera á
landinu og hlakka
mikið til að ríða
út á íslenskum
hesti. Hann sagðist
einnig hafa lesið
íslenskar fornsögur
í skóla og þótt þær
afar blóðugar og
spennandi.
FRÉTTABLAÐIÐ/GVA
SMELLPASSAR Dorrit gefur Mary álit sitt á forláta
pilsi í Kirsuberjatrénu. Mary festi kaup á bolla úr
hönnunarlínu Kristínar Sigfríðar Garðarsdóttur,
sem hún hugðist færa eiginmanni sínum að gjöf.
VINÁTTA Þau Helga Guðrún
Oddsdóttir og Darri Aronsson
í Áslandsskóla fluttu stuttar
ræður á dönsku og lýstu
meðal annars yfir ánægju
sinni með þá miklu vináttu
sem ríkir milli þjóðanna
tveggja. Með þeim á myndinni
er Leifur S. Garðarsson, skóla-
stjóri Áslandsskóla.
YNGSTI GESTURINN Krónprinshjónin dást að Róberti Daða Jóns-
synisem fylgdist með dagskránni ásamt Lindu Björku Ragnars-
dóttur móður sinni, en hún starfar sem skólaliði í Áslandsskóla.
ÍSLENDINGAR SPENNI BELTIN Róbert
Aliber, prófessor emeritus við Viðskipta-
háskólann í Chicago telur að næstu tvö
árin verði íslensku þjóðfélagi ákaflega
erfið. FRÉTTABLAÐIÐ/PJETUR