Fréttablaðið - 08.05.2008, Blaðsíða 10
8. maí 2008 FIMMTUDAGUR
Gegnheilt Yberaro
Ármúla 23
108 Reykjavík
sími 568 1888
Njarðarnesi 4
603 Akureyri
sími 464 7878
www.pog.is
Ómeðhöndlað
Þykkt: 14 mm
Breidd: 70 mm
Lengd: 450 mm
Tilboð: 3.000 kr m²
Fáðu sýnishorn hjá
okkur!
RÚSSLAND, AP Dmítrí Medvedev lét
það verða sitt fyrsta verk í emb-
ætti forseta Rússlands að gera
Vladimír Pútín, forvera sinn, að
forsætisráðherra.
Medvedev sór embættiseið sinn
í gylltum viðhafnarsal Kremlar-
hallar. Í innsetningarræðu sinni
sagði hann að mikilvægasta verk-
efni sitt næstu árin yrði að „efla
borgaralegt og efnahagslegt
frelsi“.
Einungis tveimur stundum síðar
tilnefndi hann Pútín í embætti for-
sætisráðherra. Formlega þarf
þjóðþing Rússlands að staðfesta
tilnefninguna með atkvæða-
greiðslu, og er reiknað með að það
verði gert strax í dag.
Samkvæmt stjórnarskrá Rúss-
lands eru völd forsetans mikil, en
völd forsætisráðherra geta hins
vegar verið teygjanleg eftir því
hvernig á er haldið. Ljóst þykir að
Pútín ætli sér að hafa veruleg
áhrif á stefnu landsins, og síðustu
vikurnar hefur hann unnið mark-
visst að því að styrkja völd for-
sætisráðherraembættisins á
kostnað forsetaembættisins.
Bæði Medvedev og Pútín hafa
hafnað því að sterk formleg völd
þeirra beggja muni leiða til
árekstra og óstöðugleika. Þeir
hafa þekkst lengi og starfað náið
saman allt frá því Pútín var borg-
arstjóri í Pétursborg og réð Med-
vedev til sín sem aðstoðarmann.
Stjórnmálaskýrendur telja
margir hverjir að Medvedev verði
nær því að teljast strengjabrúða í
höndum Pútíns heldur en sjálf-
stæður leiðtogi þjóðarinnar. Med-
vedev hefur í það minnsta heitið
því að halda áfram á sömu braut
og Pútín, og fyrstu mánuðina í
embætti mun hann vafalaust leita
óspart ráða hjá forvera sínum.
Íbúar Rússlands fylgdust náið
með hátíðlegri innsetningarathöfn
í beinni sjónvarpsútsendingu.
Ungir lífverðir í bláum búningum
gengu gæsagang og stóðu síðan
hnarreistir álengdar meðan Pútín
og Medvedev gengu hjá.
Pútín nýtur mikilla vinsælda í
Rússlandi og hörðustu stuðnings-
menn hans hvöttu hann til að
breyta stjórnarskrá landsins
þannig að hann gæti setið lengur á
forsetastóli. Pútín neitaði því jafn-
an og sagðist virða þá stjórnar-
skrá, sem hann hefur starfað
eftir.
„Fyrir átta árum, þegar ég sór
embættiseið minn sem forseti í
fyrsta sinn, þá hét ég því að starfa
fyrir opnum dyrum og af heiðar-
leika, að þjóna þjóðinni og ríkinu
af heilindum,“ sagði Pútín í stuttu
ávarpi við innsetningarathöfn
Medvedevs í gær. „Ég gekk ekki á
bak orða minna.“
gudsteinn@frettabladid.is
Medvedev kominn
til valda í Rússlandi
Forsetaskipti urðu í Rússlandi í gær. Dmítrí Medvedev tók við af Vladimír Pút-
ín, sem verður forsætisráðherra í staðinn. Óljóst hvernig þeir muni skipta með
sér völdum. Medvedev lofar að efla borgararéttindi og styrkja efnahaginn.
PÚTÍN OG MEDVEDEV Mikil viðhöfn var þegar Medvedev var settur í embætti sem þriðji forseti Rússlands frá því að Sovétríkin
hrundu. NORDICPHOTOS/AFP
Daginn fyrir embættistöku nýs for-
seta í Rússlandi handtók lögreglan
í Moskvu tugi stjórnarandstæðinga
sem höfðu ætlað sér að efna til
mótmælagöngu.
Lögreglan hafði ekki gefið leyfi
fyrir mótmælunum og sat meðal
annars á þriðjudaginn um hús þar
sem sautján mótmælendur voru
staðsettir, og segja mótmælend-
urnir að lögreglan hafi reynt að
koma í veg fyrir að þeir kæmust til
mótmælanna.
Stjórnarandstæðingarnir hættu
við mótmælafundinn, sem átti að
vera sá síðasti í röð mótmæla, sem
skipulögð voru af bandalagi stjórn-
arandstöðuhópa undir forystu Garrís
Kasparov, fyrrverandi heimsmeistara
í skák. - gb
Stjórnarandstaðan í Moskvu:
Hættu við mótmælagöngu
MÓTMÆLENDUR OG LÖGREGLA Stjórn-
arandstæðingarnir ætla að leita réttar
síns fyrir dómi. NORDICPHOTOS/AFP
FÓLK Dorrit Moussaieff forsetafrú
er með eindæmum alþýðleg. Því
fengu viðstaddir á Þingvöllum að
kynnast, en þar voru forsetahjón-
in á ferð ásamt dönsku krónprins-
hjónunum.
Einn þeirra var Einar Árnason,
kvikmyndatökumaður hjá Stöð 2.
Hann vissi ekki hvaðan á sig stóð
veðrið þegar Dorrit vatt sér að
honum.
„Hana langaði til að taka mynd-
ir af Ólafi Ragnari,“ segir Einar.
„Mér fannst það alveg sjálfsagt og
fékk henni vélina. Hún bar sig
eins og sannur fagmaður og mynd-
aði forsetann um stund. Hún var
það góð í þessu að í „kreditlista“
fréttatímans síðar um kvöldið var
hún titluð sem myndatökumaður.“
Dorrit líkaði svo vel við nýja
starfið að hún gerði Einari tilboð.
„Já hún bauð mér að skipta um
starf. Ég tók nú heldur ólíklega í
það. Ég er viss um að hún mundi
pluma sig vel í myndatökunni, en
er ekki alveg jafn viss um að ég
væri góð forsetafrú,“ segir Einar
og hlær.
Einar hefur fylgt forsetahjón-
unum eftir á ferð þeirra um landið
með danska kóngafólkinu. Hann
segir að hvert sem komið sé hafi
Dorrit heillað viðstadda með
alþýðleik sínum. „Hún leikur á als
oddi og brýtur upp formleg tilefni
með því að vera hress og kát. Hún
nær vel til fólksins og er ofboðs-
lega vinsæl,“ segir Einar að lokum.
- kóp
Forsetafrúin slær á létta strengi með myndatökumanni Stöðvar 2:
Dorrit bauð upp á starfskipti
OG HORFA HÉR Einar sýnir Dorrit
handbragðið, en hún sýndi mikla fag-
mennsku. MYND/RÚV