Fréttablaðið - 08.05.2008, Blaðsíða 16
16 8. maí 2008 FIMMTUDAGUR
nær og fjær
„ORÐRÉTT“
„Mér finnst nú hálfkjánaleg sóun
á almannafé að bjóða þessum
annars ágætu
hjónum hingað
til lands,“
segir Hafþór
Ragnarsson,
verkefnastjóri
hjá Blindra-
bókasafni
Íslands og fyrr-
verandi skáld,
um heimsókn
þeirra Friðriks,
krónprins
Dana, og Maríu
konu hans.
„Ekki það að þetta er hið besta
fólk og Friðrik hefur staðið sig
vel sem krónprins. Hann hefur
uppfyllt sínar konunglegu skyldur
og getið ríkinu erfingja sem getur
tekið við af honum sjálfum þegar
fram líða stundir. Hann er því
búinn að gera það sem hann á
að gera og búa til ríkisarfa.
Það er hið besta mál að efla
tengsl við frændþjóð okkar Dani
og ekki síst í því ljósi að Frið-
rik verður kóngur fyrr en síðar
í Danaríki. Hins vegar finnst
mér að hann, sem er með 220
milljónir í vasapening á ári, geti
einfaldlega borgað sjálfur fyrir sín
ferðalög.“
SJÓNARHÓLL
HEIMSÓKN KRÓNPRINSHJÓNANNA
Sóun á fé
HAFÞÓR
RAGNARSSON
verkefnastjóri.
Æi hvað þið eruð næs
„Við ætlum að huga að því
hvernig við getum varið
stöðu og kjör þess fólks sem
er bæði búið að fjárfesta í
íbúðarhúsnæði og gera sína
kjarasamninga.“
INGIBJÖRG SÓLRÚN GÍSLADÓTTIR,
UTANRÍKISRÁÐHERRA
Fréttablaðið, 7.maí.
Það er alltaf eitthvað
„Ég þarf því miður að drífa
mig að gera við sprungna
vatnslögn í sumarbústaðnum.
Ég þarf að rjúka.“
SIGURÐUR PÉTUR HARÐARSON,
MÁLSHÖFÐANDI
DV, 7. maí.
A
T
A
R
N
A
Nóatúni 4 · Sími 520 3000
www.sminor.is
■ Fréttir af því að Abkasíumenn
hafi skotið niður tvær ómannaðar
njósnavélar Georgíuhers hafa enn
á ný aukið spennuna í deilunni um
yfirráð yfir héraðinu.
Abkasía er tæplega níu þúsund
ferkílómetra stórt landsvæði við
Svartahafið, innan landamæra
Georgíu en við landamæri Rúss-
lands. Abkasíumenn vilja aðskilnað
frá Georgíu og frá árinu 1992 hefur
Abkasía í raun notið sjálfsstjórnar,
þótt Georgía vilji ekki frekar en önnur
ríki viðurkenna sjálfstæði héraðsins.
Íbúar héraðsins eru nú um 300
þúsund, eða jafnvel færri, en voru
nálægt hálfri milljón fyrir hrun
Sovétríkjanna. Meðan Sovétríkin voru
og hétu var löngum talið að íbúar
Abkasíu yrðu langlífari en annað fólk.
FRÓÐLEIKSMOLI
DEILAN UM ABKASÍU
Ania Leoniak setur upp
ljósmyndasýningu af
börnum á landsbyggðinni
í miðbæ Reykjavíkur 16.
maí, í félagi við Paul Fi-
ann. Sýningunni, sem er í
tengslum við Listahátíð í
Reykjavík, verður komið
fyrir á horni Lækjargötu
og Austurstrætis, við húsin
sem brunnu þar í fyrra.
„Sýningin snýst um landsbyggð-
ina og flóttann frá henni til höf-
uðborgarsvæðisins,“ segir Ania.
„Mig langaði að fanga einhvern
þátt íslensks veruleika og datt
fljótt niður á þennan á ferðalög-
um mínum um landið. Þorpin eru
mörg hver hálftóm og börnin,
framtíð landsins, eiga fjölmörg
eftir að flytja á mölina.“
Ania starfar sem arkitekt og
hönnuður og tekur ljósmyndir í
hjáverkum. Upphaflega hafði
hún metnaðarfullar hugmyndir
um verkefni. „Ég vildi gera heim-
ildarmynd um hvern og einn ein-
asta Íslending,“ segir hún og
hlær. „Mér fannst þetta ekki
mikið mál, bara 300 þúsund
manns! En félagi minn kom mér
niður á jörðina.“
Ania og Paul tóku um 33 þús-
und myndir af rúmlega 1.000
börnum víðs vegar um land, en
630 verða á sýningunni. Með
þeim í för var Czarek Iber, kvik-
myndagerðarmaður, sem gerði
heimildarmynd um verkefnið.
Öll eru þau frá Póllandi. Sú mynd
verður sýnd á Listahátíð og
aðstandendur vonast til að hún
verði einnig sýnd í Ríkissjón-
varpinu, „svo fólk á landsbyggð-
inni þurfi ekki að ferðast til
Reykjavíkur til að sjá hana,“
segir Ania.
Verkefnið hefur staðið yfir í
tvö ár, en myndatakan sjálf fór
fram í nóvember í fyrra. Mestur
tími hefur farið í að fá leyfi hjá
hinum ýmsu stjórnvöldum og
segist Ania í það minnsta hafa
lært þolinmæði.
Í fyrstu var ætlunin að setja
sýninguna upp á útveggjum Þjóð-
minjasafnsins en það þótti of
langt frá miðbænum. Sjónum var
næst beint að Hverfisgötu en þá
varð bruninn á Lækjartorgi.
„Mér fannst það frábært stað-
setning. Að skapa eitthvað nýtt
úr þeim rústum.“
Ania vonar að hægt verði að
færa sýninguna út á land og eins
sé möguleiki á því að nýta hana í
landkynningu erlendis.
kolbeinn@frettabladid.is
Landsbyggðarbörn í miðbænum
LJÓSMYNDARINN Ania og félagi hennar
tóku 33 þúsund myndir af börnum á
landsbyggðinni. FRÉTTABLAÐIÐ/STEFÁN
FER HÚN SUÐUR? Ein myndanna á
sýningunni.
SÝNINGIN Svona mun sýningarsvæðið líta út.
„Það er helst að frétta að það er brjál-
að að gera,“ segir Ásdís Ósk Einarsdótt-
ir, meistaranemi í þróunarfræðum og
eigandi verslunarinnar Fair Trade við
Laugaveg. „Ég hef verið á kafi við að
taka upp nýja sendingu í búðinni auk
þess sem ég er að leggja lokahönd á
síðustu verkefnin í þróunarfræðum
á þessari önn. Ég ætla að reyna
að klára það sem allra fyrst svo
ég missi ekki af sauðburðinum
hjá afa og ömmu á Seftjörn á
Barðaströnd.“
Ásdís hefur flakkað um heim-
inn þveran og endilangan, bjó
meðal annars í Kambódíu fyrir
nokkrum árum og er á leiðinni
þangað aftur í sumar. „Í þetta
sinn ætla ég að taka manninn
minn og dóttur með. Við förum út í júní
og verðum í þrjár vikur. Ég hlakka ekki
lítið til.“ Ásdísi þykir reyndar súrt í brotið
að fyrir vikið missir hún af sjómanna-
deginum. „Ég ólst upp á Patreksfirði og
það er sterk hefð fyrir því að halda upp
á sjómannadaginn þar en ég kemst
ekki vestur í þetta sinn. Sem er fúlt
því ég á fimmtán ára fermingar-
afmæli og gamli bekkurinn minn
ætlar að hittast þessa helgi!“
Það sem eftir lifir sumars
verður Ásdís í vinnu í Fair Trade-
búðinni og hefur hugsað sér að
fara á Fair Trade-ráðstefnu í Noregi
í ágúst. „Markmiðið er að hvíla
mig eins og ég get á skólanum og
safna kröftum áður en ég ræðst í
lokaverkefnið í haust. Ekki veitir af!“
HVAÐ ER AÐ FRÉTTA? ÁSDÍS ÓSK EINARSDÓTTIR VERSLUNARKONA
Próf, sauðburður og Kambódía
SÝNING Hin árlega sölusýning á
vinnustofum Skálatúnsheimilis-
ins í Mosfellsbæ verður haldin í
dag frá klukkan 12.00 til 18.00.
Skálatún er heimili 45 einstakl-
inga með þroskahömlun. Marg-
vísleg starfsemi fer fram á heim-
ilinu á degi hverjum og er ætlunin
að sýna gestum hluta af afrakstri
þeirrar vinnu í dag. Meðal annars
verður til sýnis og sölu mikið
úrval af handunnum listmunum
og öðru handverki. Vinnustofurn-
ar í Skálatúni hafa verið starf-
ræktar í rúmlega 20 ár. Síðustu ár
hefur sýning af þessu tagi farið
fram í tengslum við hátíðina List
án landamæra, sem haldin var í
fimmta sinn í ár og lýkur um
næstu helgi.
Íbúar og starfsmenn Skálatúns
lofa góðri skemmtun og heitu á
könnunni í dag. Allir eru hjartan-
lega velkomnir. - kg
Sölusýning Skálatúnsheimilisins fer fram í dag:
Úrval handunn-
inna listmuna
VEFSTÓLL Guðrún Hilmarsdóttir er meðal þeirra sem taka þátt í árlegri sölusýningu
Skálatúns.