Fréttablaðið - 08.05.2008, Blaðsíða 62
42 8. maí 2008 FIMMTUDAGUR
folk@frettabladid.is
Til styrktar Jóni Gunnari
Tónleikar verða haldnir til styrkt-
ar Jóni Gunnari Einarssyni og
fjölskyldu hans í Hólaneskirkju á
Skagaströnd. Jón Gunnar slasað-
ist alvarlega í mótorhjólaslysi í
apríl og var nýverið útskrifaður
af gjörgæsludeild.
Jón á von á þriðja barni sínu
með konu sinni Guðrúnu og þurfa
þau nauðsynlega á hjálp að halda
til að takast á við þetta mikla
áfall. Á tónleikunum koma fram
ýmsir tónlistarmenn sem gefa
allir vinnu sína. Þeim sem kom-
ast ekki á tónleikana en vilja
styrkja málefnið er bent á söfn-
unarreikninginn 0160-26-61400,
kt: 290483-3799.
Bókaútgefandinn Jóhann
Páll Valdimarsson hefur
óvænt ákveðið að fara út í
plötuútgáfu eftir kvartaldar
hlé en þá gaf Jóhann Páll
út Megas. Hann féll hins
vegar fyrir KK og hafa þeir
félagar ákveðið að ganga til
samstarfs.
„Ég stóðst ekki þennan dreng.
Þennan frábæra músíkant og ynd-
islega dreng. Þannig að ég braut
öll prinsipp,“ segir Jóhann Páll
Valdimarsson bókaútgefandi.
Blaðamaður Fréttablaðsins hitti
Jóhann Pál og KK á Kaffivagnin-
um og óhætt að segja að þar hafi
kærleikurinn svifið yfir vötnum,
svo mjög að það datt upp úr ljós-
myndaranum hvort ekki væri rétt
að þeir fengju sér bara herbergi?
Hráslagalegt grín ljósmyndarans
var snarlega slegið út af borðinu.
Enda er verið að ræða næstu afurð
KK. Ný plata sem væntanleg er 1.
október. Jón Ólafsson pródúserar
ásamt KK og fjöldi tónlistarmanna
kemur að málum. Þó ekki JPV sem
mun ekki gera kröfu um að syngja
þó hann fylgist með vinnslu plöt-
unnar. „Mjög gott þegar útgefandi
er svona áhugasamur,“ segir KK.
Jóhann Páll hefur ekki komið
nálægt plötuútgáfu í um 25 ár en
þá gaf hann út plötur með Megasi
svo sem Á bleikum náttkjólum
undir merkjum Iðunnar, Vísna-
plötur Gunnars Þórðarsonar sem
og Ísbjarnarblús Bubba. Þrátt
fyrir þessar glæsilegu útgáfur
ætlaði Jóhann Páll ekki að koma
nálægt plötuútgáfu aftur en sner-
ist hugur þegar hann hitti KK. „Ég
er ekki búinn að þekkja KK lengi
en hef verið gríðarlegur aðdáandi
hans lengi. Mig langaði til að gefa
út bók um hann á sínum tíma en
það var slegið út af borðinu af
samstarfsfólki mínu. Seinna gaf
Edda út bók um KK sem Einar
Kárason skráði. Metsölubók og
síðan hef ég ekki tekið mark á
samstarfsmönnum mínum,“ segir
Jóhann Páll.
KK segir þá ekki hafa þekkst
lengi. „Ég fann á mér að ég þyrfti
að tala við Jóhann. Þegar maður er
búinn að leggja mikla vinnu í plötu
vill maður að gengið sé vel um
afurðina. Og almennt má segja að
þar séu bókaútgefendur í öðrum
klassa en plötuútgefendur.“
Þó JPV og KK séu af sömu kyn-
slóð tókust ekki kynni með þeim
fyrr en í innflutningsveislu For-
lagsins þar sem KK kom fram. Þá
féllust þeir tveir í faðma. JPV
segir það svo í grunninn í útgáfu
að viðkomandi listamaður og
manngerð verði að vera þannig að
ánægja sé að starfa með viðkom-
andi. Og svo sé með KK. „Ég er
ekkert að fara á kaf í plötuútgáfu.
Ætla að einbeita mér að aðalmann-
inum og ætla ekki að dreifa fókus-
inum.“
Eitt frægasta lag KK er „Besti
vinur“ þar sem ónefndur útgef-
andi fær það óþvegið. KK hefur
misjafna reynslu af útgefendum.
„Já, og þeir af mér. Útgefendur
eru eins og aðrir menn – misjafn-
ir.“ Honum þykir það langsótt
spurning til útgefanda síns hvort
það sé ekki stressandi að gefa KK
út og mega búast við níðvísu ef
eitthvað fer aflaga. En það vefst
ekki fyrir Jóhanni að svara: „Sko,
KK er svo góður strákur. Ég fengi
ekkert í andlitið nema það væri
verðskuldað. Og það er þá bara
ágætt.“ jakob@frettabladid.is
JPV orðinn besti vinur KK
BESTU VINIR JPV segir enga hættu á að
fá níðvísu um sig frá KK nema þá eiga
það skilið.
JPV OG KK Á kajanum í rigningunni. Mikill vinskapur hefur tekist með þeim tveimur
og JPV ætlar að gefa næstu plötu KK út en von er á henni í haust. FRÉTTABLAÐIÐ/ARNÞÓR
> LÍTUR UPP TIL VICTORIU BECKHAM
Vanessa Hudgens sagði nýverið í viðtali við tíma-
ritið Glamour að hún liti upp til Vikt-
oríu Beckham þegar kæmi að tísku.
Disney-nýstirnið dáist einnig að
fatastíl Nichole Richie og Mary-
Kate Olsen og segir þær kunna
að leika sér með tískuna. Va-
nessa, sem hefur slegið í gegn
í High School Musical, setur
verðið ekki fyrir sig og telur
það ekki eftir sér að kaupa dýra
hluti ef henni finnst þeir flottir.
„Ég er algjörlega sannfærður um
að íslenska lagið fer áfram og í
aðalkeppnina,“ segir Sigmar Guð-
mundsson. „Við förum áfram og
sænska lagið og svo verður restin
austur-evrópsk súpa.“
Sigmar fer til Serbíu eftir viku
og tekst á við það viðamikla verk-
efni að lýsa þremur beinum
útsendingum: undankeppnunum
þriðjudagskvöldið 20. og fimmtu-
dagskvöldið 22. maí, og aðal-
keppninni laugardagskvöldið 24.
maí. „Ég er aðeins búinn að kynna
mér lögin, miklu meira reyndar lögin sem
eru í okkar riðli. Þarna er fullt af
lögum sem maður roðnar yfir en
margt er fínt, til dæmis ballaðan
frá Albaníu og gott gleðilag frá
Búlgaríu. Heilt yfir er þetta þó
ekki alveg jafn fjölbreytt og
skemmtilegt og í hin tvö skiptin
sem ég hef lýst. Mér finnst of
hátt hlutfall af froðudiskói og
Celine Dion-legum ballöðum. Og
svo er hátt hlutfall grínlaga.
Maður veit ekki hvort þau virka
fyrr en maður sér þau flutt á
sviði.“
Ragnhildur Steinunn fer líka til Serbíu
fyrir hönd Sjónvarpsins og sér um að
gera innslög. Sigmar segir meira en nóg
að sjá um þrjár beinar lýsingar. „Ég er
ekkert búinn að kynna mér Belgrad enda
er það mín reynsla að maður hefur engan
tíma til að skoða sig um. Í Aþenu varð ég
að láta mér nægja að sjá Akrópólis í móðu
í gegnum rúðuna á fjölmiðlahöllinni.“
Þótt Sigmar sé alveg klár á því að Euro-
bandið fari upp úr undanriðlinum telur
hann Friðrik og Regínu ekki sigurstrang-
leg. „Þau munu dóla sér í kringum tíunda
sætið. Lögin sem ég tel hins vegar sigur-
stranglegust eru frá Rússlandi, Serbíu,
Grikklandi og Armeníu.“
Sannfærður um að við förum áfram
SIGMAR GUÐ-
MUNDSSON.
Lýsir Eurovision í
þriðja sinn
FJÓRTÁN DAGAR TIL STEFNU
www.raudikrossinn.is
Rauði krossinn hefur gefi ð út bókina Skyndihjálp og endur lífgun – þú getur
hjálpað þegar á reynir. Í bókinni er sýnt með einföldum aðferðum hvernig
bregðast má við slysi eða veikindum fullorðinna og barna. Bókin byggir á viður-
kenndum leiðbeiningum um skyndihjálp sem nýlega hafa verið endurskoðaðar.
Bókin er þægilegt uppfl ettirit og er nauðsynleg hverju heimili.
Bókin fæst hjá Rauða krossi Íslands,
Efstaleiti 9, sími 570 4000 og kostar
2.000 krónur.
TILBOÐ
kr.: 129.900
Íslenskt stjórnborð
Íslenskar leiðbeiningar
Stórt hurðarop
20 ára ending
Eirvík kynnir
sportlínuna
frá Miele
Miele gæði
Miele þvottavélar