Fréttablaðið - 13.05.2008, Blaðsíða 12
12 13. maí 2008 ÞRIÐJUDAGUR
AÐ BÖRN FRÁ 2–15 ÁRA
FÁ ALLTAF 50% AFSLÁTT AF
VILDARPUNKTAVERÐI MEÐ
ÁÆTLUNARFLUGI
ICELANDAIR?
VISSIR ÞÚ …
Vildarklúbbur
ÍS
L
E
N
S
K
A
S
IA
.I
S
I
C
E
4
19
81
0
5
/0
8
WW
W.VI
LDARKLUBBUR.IS ÍÞRÓTTIR Fyrsta sjósundslands-liðið æfir stíft þessa dagana fyrir
sund yfir Ermarsund sem ráð-
gert er í sumar. Þetta er eina
landsliðið sem samanstendur af
bæði körlum og konum.
Benedikt Hjartarson landsliðs-
maður segir vaskan hóp þarna á
ferð. „Við erum til dæmis með
þann eina sem synt hefur milli
lands og Eyja, annan þeirra sem
synt hafa yfir Þingvallavatn og
síðan fólk sem hefur synt um í
Jökulsárlóni svo það kallar ekki
allt ömmu sína.“
Það er líka eins gott því þess
bíður að synda yfir Ermarsund í
boðsundi. Benedikt ætlar hins
vegar að synda alla leið en hann
varð að hætta síðasta sumar
þegar tæpir þrír kílómetrar eru
eftir. Þess má geta að til að ná á
milli stranda geta menn þurft að
synda fimmtíu kílómetra.
- jse
Fyrsta sjósundslandslið Íslands hefur æfingar:
Synda fimmtíu kílómetra
SJÓSUNDSLANDSLIÐIÐ Tvær konur eru í
sjósundslandsliðinu en tíu karlar.
DÓMSMÁL „Við fórum yfir þetta
mál á sínum tíma, þegar það kom
upp, og við höfðum að sjálfsögðu
hug á því að verja hagsmuni íbúa
Seltjarnarness. Ég lít svo á að það
sé skylda sveitarfélaga að verja
hagsmuni skattgreiðenda í þessu
máli,“ segir Jónmundur Guðmars-
son, bæjarstjóri Seltjarnarness, en
nokkur sveitarfélög íhuga að fara í
skaðabótamál vegna samráðs olíu-
félaganna Skeljungs, Olís og Kers,
áður Olíufélagsins.
Dómur sem féll í Hæstarétti 30.
apríl í máli Sigurðar Hreinssonar
gegn Keri, þar sem Sigurði voru
dæmdar fimmtán þúsund krónur í
bætur vegna samráðsins, er að
mörgum talinn gefa fordæmi um
að allir sem eiga gögn um viðskipti
sín við olíufélögin á árunum 1993
til og með meirihluta árs 2001, hafi
forsendur til þess að fara í mál og
krefjast skaðabóta.
Sigrún Björk Jakobsdóttir,
bæjar stjóri á Akureyri, segir
bæjar stjórnina vera að skoða
málið með það í huga að verja
hagsmuni íbúa sveitarfélagsins.
„Það var farið vel yfir þetta á
sínum tíma og þá var fyrir hendi
réttaróvissa sem nú hefur verið
leyst úr með dómi. Við munum
fara vandlega yfir það hvort for-
sendur séu fyrir málsókn,“ segir
Sigrún Björk.
Eitt þeirra fyrirtækja sem nú er
að skoða réttarstöðu sína í ljósi
dóms Hæstaréttar er Icelandair.
Samkvæmt heimildum Frétta-
blaðsins hefur ekki enn verið tekin
ákvörðun um hvort af málsókn
fyrir tækisins verður en meðal þess
sem kemur til greina er að semja
um frekari afsláttarkjör á kaupum
á eldsneyti í stað málsóknar.
Í samtali við Fréttablaðið útilok-
aði Gunnar Birgisson, bæjarstjóri
Kópavogs, ekki málsókn vegna
samráðsins og sagði málið vera í
skoðun.
Lögfræðistofa Reykjavíkur
vinnur að undirbúningi mála á
þriðja hundrað einstaklinga og lít-
illa fyrirtækja vegna samráðs olíu-
félaganna. Hugsanlegt er að olíu-
félögin semji um lyktir málsins en
ekkert er þó ljóst um það enn.
Mál íslenska ríkisins gegn olíu-
félögunum vegna samráðs þeirra
fyrir útboð á vegum Landhelgis-
gæslunnar og lögreglunnar hefur
ekki verið dómtekið enn. Málið
hefur verið í undirbúningi frá því
árið 2004, þegar olíufélögin voru
sektuð um 1,5 milljarða af sam-
keppnisyfirvöldum. Vilhjálmur H.
Vilhjálmsson hæstaréttarlög maður
fer með málið fyrir hönd ríkisins.
Eins og greint hefur verið frá í
Fréttablaðinu hefur gagnaöflun
fyrir kröfugerð í málinu tekið
lengri tíma en reiknað var með í
fyrstu, og hefur það öðru fremur
tafið undirbúninginn.
magnush@frettabladid.is
Sveitarfélög
verja hags-
muni íbúa
Mörg sveitarfélög íhuga að fara í skaðabótamál
vegna samráðs olíufélaganna. Skylda sveitarfélaga að
verja hagsmuni íbúa, segir bæjarstjóri Seltjarnarness.
Bæjarstjórnir og fyrirtæki með málið til skoðunar.
JÓNMUNDUR
GUÐMARSSON
SIGRÚN BJÖRK
JAKOBSDÓTTIR
TANKAR OLÍUFÉLAGANNA Réttaróvissu um hvort viðskiptavinir olíufélaganna geti
fengið skaðabætur vegna samráðs olíufélaganna frá 1993 til og með meirihluta árs
2001 hefur verið eytt með hæstaréttardómi. Samkvæmt honum geta allir þeir sem
eiga gögn um viðskipti sín gert kröfu um bætur vegna samráðsins. FRÉTTABLAÐIÐ/GVA