Fréttablaðið - 13.05.2008, Blaðsíða 32
13. MAÍ 2008 ÞRIÐJUDAGUR8 ● fréttablaðið ● híbýli - svefnherbergi
Þorbjörg Jónsdóttir, flugfreyja
og MBA-nemi við Háskólann
í Reykjavík, hefur lagt mikla
vinnu í svefnherbergið sitt.
„Ég er mjög hrifin af dönskum
stíl,“ segir Þorbjörg. „Ég bjó í
Danmörku í nokkur ár og hreifst
mikið af þessum hvítmálaða við,
sem mikið er notaður þar í landi.
Ég átti gömul náttborð frá ömmu
minni og afa, en liturinn á þeim
passaði ekki inn í svefnherbergið.
Ég pússaði þau því upp og lakk-
aði. Svo keypti ég fallegar höld-
ur í Danmörku og skipti þeim út
fyrir þær gömlu. Þetta var svolítil
vinna, en svo sannarlega þess
virði.“ Þorbjörg gerði slíkt hið
sama við spegil sem hún keypti
sér.
Hillu í svefnherberginu hann-
aði hún hins vegar alfarið sjálf.
„Ég keypti mér einfalda hillu í
gamaldags stíl og festi undir hana
króka. Þarna hengi ég síðan fal-
lega undir- og náttkjóla sem gefa
skemmtilega, kvenlega stemmn-
ingu. Ég hafði séð í dönskum blöð-
um að fólk er stundum með falleg
föt hangandi upp á vegg hjá sér
þannig að mér datt í hug að útbúa
þessa hillu undir fallegustu blúnd-
urnar mínar,“ segir Þorbjörg og
hlær.
Hana langaði til að hafa vegleg-
an rúmgafl í svefnherberginu, en
hún vildi gera hann sjálf og helst
fyrir lítinn pening. „Ég er mjög
hrifin af leðri og mig langaði að
bæta leðri og lit inn í svefnher-
bergið því hér er flest hvítt. Ég
keypti því fjóra málningarstriga
og klæddi hvern og einn í leður.
Svo púslaði ég þeim saman og
hengdi upp á vegg.“
Þorbjörg er mjög ánægð með
afrakstur erfiðisins og finnst
svefnherbergið hafa orðið per-
sónulegra fyrir vikið. „Mér finnst
ég eiga meira í því þar sem ég hef
gert svo margt sjálf.“ - kka
Undir dönskum áhrifum
Húsgögnin í svefnherberginu eru ekki þau einu sem Þorbjörg hefur gert upp. Hún
tók líka borðstofuhúsgögnin í gegn, pússaði þau upp og málaði.
Þorbjörg pússaði upp þennan fallega
spegil og málaði hvítan.
Hér sést í rúmgaflinn sem Þorbjörg hannaði og gömlu náttborðin sem hún gerði upp. FRÉTTABLAÐIÐ/VALLI
Þessa skemmti-
legu hillu hann-
aði Þorbjörg
sjálf og hengir
á hana nátt- og
undirkjóla.
Svefnherbergið er undir
augljósum skandinavískum
áhrifum.
Morgunverður í rúmið er lofandi
og dásamleg byrjun á fallegum
sumardegi. Það skiptir ekki öllu
hvað velst á morgunverðarbakk-
ann og reyndar erfitt að klikka á
slíkum málsverði því flest sem
gómsætt finnst í búrinu kemur til
álita.
Mikilvægasta innihaldsefnið
verður þó alltaf ást, blíða og
natni þess sem útbýr morgunverð
handa þeim sem góðgætisins mun
njóta.
Konur hafa dálæti á því þegar
ástmenn þeirra færa þeim ný-
bakað smjördeigshorn, pressað-
an ávaxtasafa og eitthvað sætt
í munninn í svefnherbergið. En
ekki er síður gleðilegt fyrir alla
aðila þegar börnin á heimilinu
fá að vera með í svo óvæntri og
heimatilbúinni veislu. - þlg
Lofandi og dásamleg byrjun
Freistandi morgunverðarbakki hlaðinn kræsingum. NORDICPHOTOS/GETTY
● ÓMISSANDI Á NÁTTBORÐIÐ Bókasafn heimilisins á
kannski ekki best heima í svefnherberginu en nokkrar bækur ættu þó
alltaf að vera til taks á náttborðinu. Það er til dæmis tilvalið að hafa
góða draumaráðningabók við höndina sem hægt er að seilast í áður
en maður fer á fætur og meðan draumarnir eru enn í fersku minni.
Litla minnisbók og penna er einnig gott að hafa við höndina til að
skrifa niður drauma. Margir kannast líka við að fá sínar bestu hug-
myndir þegar þeir eru við það að sofna á kvöldin og þá er gott að
geta hripað þær strax niður á blað.