Fréttablaðið - 01.06.2008, Blaðsíða 20

HVAÐ? Hotel TwentySeven HVAR? Löngangsstræde 27, Kaupmannahöfn www.hotel27.dk
4 FERÐALÖG
Kaupmannahöfn blómstrar í orðsins fyllstu merkingu á
sumrin. Kaffi hús og barir færa kvíarnar út á götur og torg
og tónleikahald á sér stað í lystigörðum um alla borg. Hotel
TwentySeven er fullkomlega staðsett rétt hjá Kóngsins Nýja-
torgi og þykir eitt það smartasta í Kaupmannahöfn. Her-
bergin eru einstaklega skemmtilega hönnuð eins og reyndar
hótelið allt og þar er einnig að fi nna veitingastað/bar sem
heitir Rhum:ble og er í fallegum bakgarði þar sem hægt er að
njóta blíðunnar. Ef þú ert svo alveg að deyja geturðu farið inn
á ísbar hótelsins sem er eins og nafnið gefur til kynna, búinn
til algjörlega úr ís sem kemur beint frá Lapplandi.
KÚLHEIT Í
KÖBEN
UPPÁHALDSVEITINGASTAÐURINN? Oyster er
frábær veitingastaður í gamla hluta miðborg-
arinnar sem sérhæfir sig í ostrum og öðrum
sjávarréttum. Á hverjum degi er happy-hour
milli hálf sex og hálf sjö, þar sem allar ostrur
eru á hálfvirði. Sart er ítalskur veitingastaður
sem er í fínni kantinum og maður þarf yfirleitt
að bóka með minnst tveggja vikna fyrirvara,
en hann er vel þess virði.
HVAR ER BEST AÐ FÁ SÉR ÖL? Á sumrin
er það Rooftop Bar. Maður er undir
berum himni ofan á hárri byggingu í
miðborginni milli allra háhýsanna,
þeir eru með útibíó á sumrin og
sýna yfirleitt bara gamlar myndir,
meiriháttar huggulegt. Á veturna
er það Section 8, falinn lítill bar
í Kínahverfinu sem er alltaf með
ótrúlega góða strauma.
FLOTTASTI BARINN? Það er án
efa Panama Dining Room í Fitzroy,
á einni opinni hæð í New York-
stíl. Þar er yfirleitt fólk á aldrinum
23-35 ára.
BESTU GÖTURNAR TIL AÐ KAUPA
FÖT? Í Brunswick St. í Fitzroy-hverfi er
„alternative“ og „retro“-fatnaður, litlar
hönnunarbúðir með frábæra hluti inni á
milli. Um helgar er markaður á þessari
götu sem selur ódýra Melbourne-
hönnun. Svo er Little Colin Street í
miðborginni, fyrir smart fatnað og skó.
Ótrúlega evrópsk gata með mjóum
göngustígum og litlum kaffihúsum á
hverju horni. Loks er það Chapel Street
í South Yarra-hverfi sem er talið tísku-
hverfi Melbourne og búðirnar sýna það vel.
BESTI STAÐURINN EFTIR KLUKKAN TVÖ
AÐ NÓTTU? Er Night Cat í Fitzroy. Þar er
rómanskur/Kúbu-fílíngur og það bregst
ekki að það eru fleiri á dansgólfinu en á
barnum eða annars staðar á staðnum.
Þar spilar líka stór hljómsveit og
stemningin er góð.
RÓMANTÍSKASTI GÖNGUTÚRINN?
St. Kilda-ströndin. Ótrúlega falleg
gönguleið meðfram sjónum með
borgina í baksýn.
HEIMAMAÐURINN
Melbourne, Ástralíu
ÓLAFUR PÁLSSON
Í um fjögurra stunda akstursleið
frá glys og glamúrlífi Dubai-borg-
ar liggur ríkið Óman. Þetta dular-
fulla land er nýjasta ferðabóla
Mið-Austurlanda en þeir sem hafa
heimsótt landið segja að það sé
eins og að fara aftur á tíma gamla
testamentisins. Óman er eyði-
merkurland þar sem hægt er að
skoða stórfenglegar hallir, mið-
aldaþorp þar sem fólk ræktar pap-
aya og ástaraldin, og fornar hafn-
arborgir en Ómanir voru mikil
siglingaþjóð. Hér lifa heimamenn
að mörgu leyti eins og þeir gerðu
fyrir tvö þúsund árum þrátt fyrir
að olíugróði hafi skilað sér í bættu
vegakerfi, skólum og sjúkrahús-
um. Ferðamenn til Óman geta
farið í reiðtúra á kameldýrum,
farið í skútusiglingar, skoðað sjáv-
arskjaldbökur eða slappað af í lúx-
usheilsulindum. Í höfuðborginni
Múskat er hægt að gista á
afbragðs góðum hótelum sem
bjóða upp á öll vestræn þægindi
en stutt er í dularfullar sandöldur,
litskrúðuga markaði og túrban-
klædda fjárhirða. Dubai er sögð
vera að missa alla sálina, en ferða-
straumurinn til Óman er rétt að
byrja.
GIMSTEINN
PERSAFLÓANS