Fréttablaðið - 01.06.2008, Blaðsíða 79

SUNNUDAGUR 1. júní 2008 23
folk@frettabladid.is
Breski tónlistarmaðurinn
James Blunt heldur tónleika
í Laugardalshöll 12. júní
næstkomandi og bíða marg-
ir spenntir eftir komu hans.
Freyr Bjarnason ræddi við
hann um það sem á daga
hans hefur drifið undan-
farið.
Blunt, sem er að koma til Íslands í
fyrsta sinn, hefur verið á stífri
tónleikaferð um heiminn síðan í
janúar og lýkur henni ekki fyrr en
í febrúar á næsta ári. Fyrr í mán-
uðinum ferðaðist hann um Suð-
austur-Asíu en þegar blaðamaður
ræddi við hann var staddur í
Höfðaborg í Suður-Afríku. „Við
höfum verið á túr síðan í janúar og
höfum skemmt okkur mjög vel.
Fólk mætir á tónleikana þúsund-
um saman og syngur með, þannig
að þetta hefur verið frábært.“
Fimmtán milljónir seldar
Blunt sló í gegn með plötu sinni
Back to Bedlam sem kom út fyrir
þremur árum þar sem hið geysi-
vinsæla You´re Beautiful var að
finna. Platan hefur selst í ellefu
milljónum eintaka um heim allan
og þar af um 5.500 eintökum á
Íslandi, sem verður að teljast frá-
bær árangur. Nýja platan hans, All
the Lost Souls, kom út í fyrra og
hefur þegar selst í fjórum milljón-
um eintaka, þar af í um þremur
þúsundum hér heim. „Ég samdi
hana á Ibiza þar sem ég hef til
umráða píanó og gítar. Ég vildi
semja lög sem væru sterk og gætu
staðið ein og sér,“ segir Blunt, sem
á hús á Ibiza með eigin hljóðveri.
Hin auðvelda önnur plata
Fjölmiðlar tala oft um að lista-
menn lendi í erfiðleikum með sína
aðra plötu eftir gott gengi á þeirri
fyrstu en Blunt blæs á slíkar full-
yrðingar. „Af hverju tala þeir
aldrei um hina auðveldu aðra
plötu? Í annað sinn sem maður
gerir plötu er það auðveldara
vegna þess að maður hefur meiri
reynslu, þekkingu og sjálfstraust.
Fyrsta platan mín var frekar sak-
laus og barnaleg og kannski var
hún svona vinsæl út af því. En á
þessari hafði ég miklu meira að
semja um vegna þess að ég hafði
ferðast um fleiri staði en nokkru
sinni áður, hitt fleira fólk og unnið
með fleiri tónlistarmönnum. Öll
þessi reynsla hjálpaði mér og
þessi plata er betri en sú fyrsta.
Mér finnst ég hafa búið til eitt-
hvað sem ég er stoltur af og elska
að hlusta á.“
Bjargaði fjölda mannslífa
Blunt stundaði herþjónustu í sex
ár á vegum breska hersins og
starfaði meðal annars í Kosovo-
héraði þegar sú deila stóð sem
hæst árið 1999. Sú reynsla hefur
að sögn Blunts skilað sér í lögin
No Bravery og Cry af Back to
Bedlam-plötunni og Same Mistake
og I Really Want You af All the
Lost Souls. „Ég sem lög um allt
sem ég upplifi en fólk hefur mest-
an áhuga á þessari reynslu minni,“
segir Blunt um herþjónustuna.
Spurður hvort hann hafi einhvern
tímann þurft að skjóta úr byssu
sinni þessi sex ár er aftur á móti
lítið um svör: „Það væri eiginlega
kurteisara að spyrja hermenn
hversu mörgum lífum þeir hafi
bjargað. Í sameiningu björguðum
við þúsundum mannslífa.“
Góðgerðastarf hefur verið Blunt
afar hugleikið og hefur hann
meðal annars starfað fyrir sam-
tökin Lækna án landamæra. „Það
gefur lífi mínu meiri tilgang. Ég
er mikið spurður út í einkalíf mitt
en það er mikil grunnhyggni fólg-
in í því vegna þess að heimurinn
er með stjörnur á heilanum,“ segir
hann.
Ást eða hatur?
Svo virðist sem fólk skiptist í tvo
flokka þegar tónlist Blunt er ann-
ars vegar, annaðhvort elskar fólk
hana eða hatar. Hann er þó ekki
sammála því og segir að allt slíkt
tal sé tilbúningur fjölmiðla sem
vilji búa til áhugaverðar fréttir.
„Ég er ekki að spinna upp sögur
eins og fjölmiðlarnir heldur er ég
að fjalla um raunveruleikann og
veistu hvað?, sumum líkar vel við
tónlistina eins og hún er og hafa
engar sterkar skoðanir á henni. Að
segja að fólk annaðhvort elski eða
hati tónlistina er eitthvað sem er
ýkt af fjölmiðlum.“
Kraftmikil hljómsveit
Blunt lofar skemmtilegum tón-
leikum í Laugardalshöll 12. júní.
„Ég held að fólki komi á óvart
krafturinn sem er í gangi á tón-
leikunum okkar. Fjölmiðlar reyna
að setja mig í bás sem einn maður
með gítar en svo er alls ekki. Þetta
er fimm manna hljómsveit og
virkilega kraftmikil. Við spilum
bæði hröð lög og hægari. Við
ætlum að koma með þessa orku til
Íslands og vonandi eiga áhorfendur
eftir að njóta tónleikanna.“
Reynslusögur úr hernum
Laurie Ann Gibson, bandaríski
danshöfundurinn sem hugðist
halda dansnámskeið hér á landi
um helgina á vegum DanceCenter
Reykjavík, hefur aflýst komu
sinni til landsins. Námskeiðið átti
að fara fram í dag og á morgun en
fellur niður vegna óviðráðanlegra
aðstæðna.
Laurie Ann hefur samið dansa
fyrir listamenn á borð við Puff
Daddy, Madonnu, Missy Elliott og
Aliciu Keys, og var einnig
danshöfundur myndarinnar
Honey.
Ný dagsetning á námskeiðinu
með Laurie Ann verður auglýst
síðar.
Afboðar
komu sína
Sex manns voru flutt á sjúkrahús
með reykeitrun eftir að glæsivilla
í eigu rapparans 50 Cent brann til
kaldra kola. Talið er að fyrrver-
andi kærasta rapparans, Shan-
iqua Tompkins, hafi búið þar
ásamt tveimur börnum sínum.
Fyrr á árinu höfðaði Tompkins
mál gegn 50 Cent þar sem hún
krafðist þess að fá húsið til
eignar. Ástæðuna sagði hún að 50
Cent, sem heitir réttu nafni
Curtis Jackson, hefði lofað henni
húsinu fyrir rúmum áratug.
Grunur leikur á að íkveikja hafi
valdið eldsvoðanum og sáust
sérfræðingar í íkveikjum á
slysstaðnum.
Glæsivilla
brunnin
50 CENT Hús rapparans 50 Cent brann
til kaldra kola.
Tæmandi lista yfir allar bíómyndir sem
framleiddar hafa verið á Íslandi er nú
að finna á heimasíðunni Kvikmyndir.is.
Listinn, sem er í umsjón Eysteins
Guðnasonar, hefst á Sögu Borgarættar-
innar frá 1920 og endar á Roklandi eftir
Martein Þórsson sem væntanleg er í bíó
árið 2010. Sýnishorn (trailer) fylgir
öllum myndum þar sem því verður við
komið og er gagnagrunnurinn sífellt að
stækka með auknum upplýsingum.
„Það er gott fyrir alla áhugamenn
um kvikmyndagerð á Íslandi að vita
af því að þessar upplýsingar séu til
á einum stað,“ segir Þóroddur
Bjarnason, sem rekur heimasíð-
una ásamt Sindra Bergmann. „Við
vitum að það hafa ákveðnar stofn-
anir verið að búa til gagnagrunna
í gegnum tíðina en þeir eru ekki
fullkláraðir og hafa í raun og veru ekki
verið aðgengilegir fyrir almenning.
Með okkar framtaki viljum við vera
með alhliða og ítarlegri upplýsingar um
íslenskar bíómyndir á einum stað sem
eru aðgengilegar öllum.“ Að sögn
Þórodds er stefnt að því í framtíðinni
að vera með sýnishorn úr öllum
íslenskum myndum á síðunni auk þess
sem hægt yrði að horfa á þær í heild
sinni.
Á meðal fleiri nýjunga á Kvikmyndir.
is eru vídeógagnrýni, fjölbreyttara yfir-
lit yfir myndir í bíó og nýir topplistar.
Allar bíómyndir á einum stað
SINDRI OG ÞÓRODDUR Sindri Berg-
mann og Þóroddur Bjarnason reka
heimasíðuna Kvikmyndir.is.
Matt Bellamy og félagar í
bresku rokksveitinni Muse
eru farnir að huga að
næstu breiðskífu sinni.
Muse-strákarnir tóku sér
frí eftir að hafa lokið
alheimstónleikaferð sem
farin var til að kynna
síðustu breiðskífu þeirra,
Black Holes and Reve-
lations, sem kom út fyrir
tveimur árum.
„Við erum byrjaðir að
semja nýtt efni, lög sem
fara á næstu plötu,“ segir
trommarinn Dom Howard.
„Við erum bara nýbyrjaðir og nú snýst þetta aðallega um að spila
okkur saman. Við túruðum svo lengi og nú þarf að koma í ljós hvort
boltinn fer ekki að rúlla.“
Söngvarinn Matt Bellamy hafði áður sagt að ekki væri ljóst í hvaða
formi næsta plata kæmi út. „Það er ómögulegt að segja. Kannski
gerum við plötur, en þetta gætu líka orðið smáskífur á netinu eða 50
mínútna sinfónía. Hver veit?“
Semja nýtt efni
BYRJAÐIR AFTUR Strákarnir í Muse eru farnir að
huga að fimmtu breiðskífu sinni.
NORDICPHOTOS/GETTY
JAMES BLUNT Breski tónlistarmaðurinn stígur á svið í Laugardalshöllinni 12. júní
næstkomandi ásamt hljómsveit sinni. Hann segir að fjölmiðlar búi til sögur um að
fólk annaðhvorti elski tónlist hans eða hati. NORDICPHOTOS/GETTYIMAGES
> AL Í ÓPERUNA
Al Gore gerir það gott með óþægilega
sannleikanum sínum. Heimildar-
myndin An Inconvenient Truth og
samnefnd bók hafa þegar sleg-
ið í gegn, og nú er von á óperu
um sama efni. La Scala-óperu-
húsið í Mílanó hefur tilkynnt
að tónskáldið Giorgio Batti-
stelli hafi verið ráðið til að gera
óperu eftir sköpunarverki Gores
fyrir haustið 2011.