Fréttablaðið - 02.06.2008, Side 10

10 2. júní 2008 MÁNUDAGUR
REYKJAVÍK Samgöngumiðstöðin
Hlemmur hefur fengið nýja ímynd
sem er afrakstur átaks sem Strætó
bs. ýtti úr vör nýverið.
Hlemmur hefur lengi verið í
niðurníðslu og virkað sem athvarf
fyrir ógæfufólk, þannig að við-
skiptavinir Strætós bs. hafa jafn-
vel veigrað sér við að fara inn í
bygginguna. Magnús Þór Guð-
mundsson rekur gæslufyrirtækið
Boldangur ehf. sem fengið var til
þess að taka öryggismál á Hlemmi
í gegn.
Magnús segir ástand miðstöðvar-
innar hafa tekið stakkaskiptum
undanfarna mánuði. „Reynir Jóns-
son, framkvæmdastjóri Strætós
bs., á í raun heiðurinn að þessu
verkefni. Síðan ég tók þetta að
mér hef ég eytt nánast hverri
vökustund á Hlemmi og kynnt
mér málin þar afar gaumgæfilega.
Ég gat þannig séð út hvaða hópar
það voru sem sköpuðu vandræði
og komið í veg fyrir að þeir legðu
Hlemm undir sig. Nú er svo komið
að hér sést varla ölvaður maður
lengur.“
Að sögn Magnúsar stendur til að
bæta umhverfið á Hlemmi enn
frekar. „Hér verður hægt að fá sér
kaffi og kíkja í blöðin og að auki
verður boðið upp á nettengingu,
þannig að fólki þarf ekki að leiðast
meðan það bíður eftir strætó.“ - vþ
Strangari öryggisgæsla, kaffiveitingar, dagblöðin og nettenging meðal nýmæla:
Boðar nýja og betri tíma á Hlemmi
SAMGÖNGUR Hluti Geirsgötu við
nýja tónlistar- og ráðstefnuhúsið
fer í stokk og er áætlað að fram-
kvæmdum ljúki árið 2010. „Mark-
miðið er að gera þetta umhverfi
meira aðlaðandi en það hefði
verið með hraða og mikla bíla-
umferð á brú, með tilheyrandi
hávaðamengun og svifryki,“ segir
Gísli Marteinn Baldursson, for-
maður umhverfis- og samgöngu-
ráðs.
Gísli var einnig formaður
starfshóps sem vann að skipulagi
umferðarmannvirkja við húsið og
segir hann hópinn hafa komist að
þessari niðurstöðu.
Áætlað er að stokkurinn opnist
Sæbrautarmegin, fyrir framan
sjávarútvegsráðuneytið og aftur
á Geirsgötunni við Tollstjórahúsið.
Í stokkunum verði tvær akreinar
í hvora átt. „Þetta er allt í hönnun
núna en er mjög líklegt að verði
niðurstaðan,“ segir Gísli.
Hins vegar hefur lengi verið
talað um að hafa stokk undir
Mýrargötunni sem er aðeins
vestar og hefur það verið tengt
Mýrargötuskipulaginu. Gísli
segir talað um að sá stokkur komi
upp í Ánanaustum en að það sé
vilji hópsins að þessir tveir stokk-
ar tengist saman svo ganga-
munnar þyrftu ekki að vera til
móts við höfnina.
„Gangamunnar eru aldrei
skemmtilegir,“ segir Gísli en
áréttar að gert hafi verið ráð
fyrir gangamunna vegna bíla-
stæðahúss sem verður neðan-
jarðar við tónlistarhúsið.
Nú sé fyrst og fremst verið að
horfa á aðgengi fyrir framan tón-
listarhúsið. „Þarna munum við
vonandi tengja tónlistarhúsið
betur við miðborgina og gera
meira úr þeirri verslun sem
þarna á að vera svo ég held að
þetta sé að öllu leyti góð niður-
staða.“
Gísli segir þann stokk sem nú
sé rætt um tiltölulega stuttan og
vegna bílakjallarans sé um til-
tölulega ódýra framkvæmd að
ræða. Endanlegur kostnaður liggi
þó ekki fyrir.
Allir flokkar í borgarstjórn
áttu aðkomu að starfshópnum og
segir Gísli niðurstöður hópsins
hafa verið kynntar í umhverfis-
og samgönguráði og í skipulags-
ráði. Hópurinn var skipaður af
borgarstjóra sem mun sjálfur
leggja tillöguna fram í borgar-
ráði til samþykktar. „Það er sátt
um þessa niðurstöðu,“ segir Gísli
að lokum. olav@frettabladid.is
Umferð í stokk við
nýja tónlistarhúsið
Hluti Geirsgötu fer í stokk við tónlistar- og ráðstefnuhús sem nú er í byggingu.
Markmiðið er að draga úr bílaumferð við bygginguna. Vilji er í starfshópi
borgar innar til að tengja stokkinn við annan áætlaðan stokk undir Mýrargötu.
HUGMYND AÐ STOKK VIÐ TÓNLISTARHÚSIÐ Akandi umferð verður beint í stokk við
tónlistarhúsið svo það verði ekki skorið frá miðborginni með stórri umferðargötu.
MYND/PORTUS
Tónlistarhús
Skrifstofuhús
Hótel
Banki Banki
Rauði liturinn
sýnir hvar gatan
verður leidd í
stokk.
MIÐPUNKTUR ALMENNINGSSAM-
GANGNA Hlemmur er aðalskiptistöð
Strætós bs.
ÖRYGGISVÖRÐURINN Magnús Þór
Guðmundsson hefur eytt nánast
hverri vökustund á Hlemmi að
undanförnu til að kynna sér málin
rækilega.
BANDARÍKIN, AP Gríðarmikill bruni
varð á baklóð kvikmyndaversins
Universal í Los Angeles í gær.
Heilu sviðsmyndirnar gjör-
eyðilögðust, þar á meðal
klukkuturninn úr kvikmynda-
röðinni Aftur til framtíðar og
eftirlíking af New York sem
notuð hefur verið í mörgum
kvikmyndum.
Einnig eyðilagðist gríðarmikil
King Kong-sýning, sem hefur
verið vinsæl hjá ferðamönnum,
og mikið myndbandasafn með
yfir fjörutíu þúsund myndum.
Þykkur reykjarmökkur barst
frá kvikmyndaverinu og um
tíma voru þyrlur notaðar til að
varpa vatni á eldinn. Meira en
100 slökkviliðsmenn voru sendir
til að ráða niðurlögum eldsins,
en hann logaði glatt lengi dags
þótt á endanum tækist að stöðva
útbreiðslu hans. - gb
Eldur í Los Angeles:
Mikið tjón í
kvikmyndaveri
ÞYKKUR REYKJARMÖKKUR Erfiðlega
gekk að halda eldinum í skefjum.
FRÉTTABLAÐIÐ/AP
MENNING Mikill áhugi var meðal
almennings á sýningu ljósmynd-
arans og leikarans Viggo Morten-
sen í gær. Mortensen opnaði
sýningu sína í Ljósmyndasafni
Reykjavíkur á
laugardag og komu
1.600 manns leið
sína á sýninguna
þann daginn.
Þegar sýningar-
salurinn var opn-
aður í gær höfðu
102 af 110 mynd-
um Mortensens
selst. Þrjár myndir seldust svo í
gær. „Að auki höfum við fengið
fjölda fyrirspurna varðandi eftir-
prentanir, þannig að það er mik-
ill áhugi fyrir þessum myndum,“
segir Svava Lóa Stefánsdóttir,
starfsmaður safnsins. Hún bætir
við að fleiri myndir eftir Morten-
sen bætist við á vef safnsins innan
skamms og verði einnig til sölu. - vþ
Viggo Mortensen vinsæll:
Renna út sem
heitar lummur
VIGGO
MORTENSEN
KOPTAR MÓTMÆLA Koptar á Egypta-
landi efndu í gær til mótmæla gegn
aðgerðarleysi stjórnvalda, sem þeim
þykir ekki hafa brugðist nógu hart
við stöðugum árásum múslima á sig.
Koptar eru kristnir og þessi maður
heldur á mynd af Abu Fana, einum
dýrlingi þeirra. NORDICPHOTOS/AFP
NOREGUR Lík óþekkts manns fannst
á kaffihúsi í bænum Folldal í Nor-
egi í gærmorgun. Samkvæmt dag-
blaðinu Aftenposten telur lögregl-
an að um morð sé að ræða þar sem
greina mátti ummerki um átök. Lík
mannsins fannst þegar starfsfólk
kom til vinnu og því er talið að
maðurinn hafi brotist inn um nótt-
ina.
Ekki hafði tekist að bera kennsl
á líkið í gær en maðurinn var ekki
á meðal fastagesta. Starfsfólkið
naut áfallahjálpar eftir lík fundinn.
Því finnst erfitt að snúa aftur til
vinnu eftir þennan atburð. - vþ
Grunur um morð í Noregi:
Lík fannst á
kaffihúsi