Fréttablaðið - 06.06.2008, Qupperneq 26

[ ]Pitsur þurfa ekki að vera óhollar. Einfalt mál er að búa til pitsubotn úr spelti og velja svo gott og hollt álegg ofan á hann. Gaman er að gera litlar og hollar pitsur sérsniðnar að hverjum fjölskyldumeðlim fyrir sig.
Sætindi eru nauðsynlegur endir
á góðri veislumáltíð. Þegar
veitingarnar samanstanda af
fingrafæði er kjörið að útbúa
girnilegar smákökur í eftirrétt
Jytte Hjartarson, matráður kenn-
ara í Hofsstaðaskóla, er fædd og
uppalin í Danmörku en hefur búið á
Íslandi í þrjátíu og átta ár. Hún
féllst á að deila með okkur tveimur
gómsætum uppskriftum sem hún
hefur oft bakað í gegnum tíðina.
„Uppskriftina að hnetutoppunum
fékk ég frá systur minni í Dan-
mörku fyrir mörgum árum þegar
við fórum með krakkana okkar í
tívolí. Þá ákvað hún klukkan tíu um
kvöldið að baka hnetutoppa sem
mér þótti undarlegt svona seint en
þá sagði hún að það tæki enga stund
sem var og raunin. Upp frá því hafa
þetta verið jólasmákökur hjá mér
og ég hef bakað þetta fyrir ýmis
konar veislur hjá vinum og vanda-
mönnum,“ útskýrir Jytte. Upp-
skriftina að snúðunum fann hún
síðan í dönsku tímariti fyrir mörg-
um árum síðan. Snúðarnir henta
einnig vel í barnaafmæli þar sem
þeir falla vel að smekk barna og eru
í þægilegri bitastærð.
Jytte segir mikið hafa breyst í
matarmenningu Íslendinga frá því
hún fluttist hingað. „Mér finnst eins
og fyrstu árin hafi ég bara lifað á
fiski og bjúgum og erfitt var að fá
hráefni í svona sælkerafæði. Það
var ekki hægt að fá perluger og
þurrger en pressuger var hægt að
kaupa í stykkjum í bakaríum,“ segir
Jytte glettin en móðir hennar sendi
henni stundum þurrger frá Dan-
mörku. hrefna@frettabladid.is
Smekklegt og
smátt í eftirrétt
KANILSNÚÐAR
300 g hveiti
125 g smjörlíki
1 msk sykur
1 ¼ dl mjólk
25 g pressuger
Krem
100 g smjör
75 g sykur
1 msk kanill
Glassúr
Flórsykur
kakó
Smá vatn
Gerið leysist upp í volgri mjólk
ásamt sykrinum. Þessu er blandað
saman við hveitið og smjörlíkið og
allt hnoðað vel. Látið hefast í 30
mínútur. Deigið er flatt út í ca 18
x 60 cm. Kremið er hrært saman
og því smurt á deigið sem er síðan
rúllað upp og skorið í um það bil
25 stk. Sett í pappírsform og inn í
210°C heitan ofn. Bakist í 20 mín-
útur. Snúðarnir eru loks kældir og
súkkulaðiglassúr settur yfir.
HNETUTOPPAR
100 g malaðar heslihnetur
100 g sykur
tæpur ½ dl eggjahvítur (ekki þeyta)
100 g brætt súkku-
laði
Hnetum, sykri
og eggjahvít-
um blandað
saman. Litlir
toppar mót-
aðir, um 20
stykki. Passa
þarf vel að
blandan verði ekki
of blaut og því er gott að
bæta eggjahvítunni smám saman út
í. Topparnir eru bakaðir við 200°C í
um það bil 10 mínútur.
Súkkulaði er brætt yfir vatnsbaði og
þegar topparnir eru orðnir kaldir er
þeim dýft ofan í súkkulaðið.
Gaman er að skreyta toppana með
smá kökuskrauti eins og perlum
eða kurli.
Best er að geyma toppana í frysti
eða bara borða þá strax.
Uppskriftir JytteJytte er mikill matgæðingur
og hefur oft
bakað Hnetu-
toppa og litla
snúða fyrir
veislur vina og
vandamanna.
FR
ÉT
TA
B
LA
Ð
IÐ
/A
N
TO
N
B
R
IN
K
Hringdu í síma
ef blaðið berst ekki