Fréttablaðið - 10.06.2008, Blaðsíða 6
6 10. júní 2008 ÞRIÐJUDAGUR
VIÐSKIPTI Alþjóðlega matsfyrir-
tækið Standard & Poor’s óttast að
FL Group geti ekki staðið við
skuldbindingar sínar. Því hefur
fyrirtækið ákveðið að setja dóttur-
félagið Tryggingamiðstöðina (TM)
og dótturfélag hennar, Nemi For-
sikring ASA í Noregi, á athugunar-
lista.
Júlíus Þorfinnsson, upplýsinga-
fulltrúi FL Group, segir að FL
Group hafi verið í viðræðum við
Standard & Poor’s um málið þar
sem lögð hefur verið áhersla á
sterka eiginfjár- og lausafjárstöðu
félagsins þrátt fyrir mikinn
taprekstur síðustu missera. Hins
vegar hafi Standard & Poor’s verið
bent á að eignasafn og fjárfestingar-
starfsemi félagsins hafi verið
endur skipulögð. „Þetta hefur skil-
að sér og við sjáum ótvíræð bata-
merki á öðrum ársfjórðungi.“
Í tilkynningu Standard & Poor’s,
sem birt er á vef Kauphallarinnar,
kemur fram að reiknað sé með því
að ljúka athugun á þessum málum
fyrir lok mánaðarins, þegar farið
hefur verið yfir málið með stjórn-
endum FL Group og Trygginga-
miðstöðvarinnar. Hins vegar gæti
matseinkunn TM og Nemi lækkað
um eitt eða fleiri þrep.
Júlíus segir að athugunin hafi
ekkert með fjárhagslega stöðu TM
að gera. Hún sé sterk og trygg.
Athugun Standard & Poor’s sé í
rauninni í samræmi við þróun á
fjármálamörkuðum síðustu mán-
uði. Þá sé athugun Standard &
Poor’s á FL Group alls ekki eins-
dæmi. - as
Alþjóðlega matsfyrirtækið Standard & Poor’s:
TM sett á athugunarlista
AÐALSTÖÐVAR TM Tryggingamiðstöðin
hefur verið sett á athugunarlista vegna
skuldastöðu dótturfélagsins, FL Group.
BAUGSMÁL Ummæli dómsmálaráð-
herra um Baugsmálið, löng máls-
meðferð og skortur á fyrirsjáan-
leika vegna endurákæru leiða til
þess að brotið var á sakborningum
við meðferð málsins.
Þetta kemur fram í kæru Jóns
Ásgeirs Jóhannessonar, stjórnar-
formanns Baugs Group, og Tryggva
Jónssonar, fyrrverandi aðstoðar-
forstóra Baugs, til Mannréttinda-
dómstóls Evrópu. Þeir voru báðir
sakborningar í málinu frá upphafi.
Tæpt ár er síðan kæra tvímenn-
inganna var lögð fram, en enn
hefur ekki verið tekin afstaða til
þess hvort dómstóllinn muni taka
málið til efnismeðferðar.
Í kærunni eru færð fyrir því rök
í fimm liðum að brotið hafi verið á
rétti þeirra við meðferð málsins.
Í fyrsta lagi með því að gefa út
endurákæru eftir að upprunaleg-
um ákærum var vísað frá, tæpu
hálfu ári eftir frávísunina. Að hafa
engan tímaramma fyrir slíka endur-
skoðun þýði að ekki sé farið að
kröfum um fyrirsjáanlega máls-
meðferð.
Í öðru lagi hafi málsmeðferðin
tekið of langan tíma. Þegar kæran
var lögð fram var málinu ekki
lokið, en því lauk í Hæstarétti síð-
astliðinn fimmtudag, tæpum sex
árum eftir að rannsókn hófst.
Í þriðja lagi hafi verið brotið á
rétti þeirra til að teljast saklausir
uns sekt er sönnuð. Það er meðal
annars rökstutt með tilvísun í
ummælum dómsmálaráðherra,
sem „oft hafi látið neikvæð orð
falla“ um málið á opinberum vett-
vangi, eins og segir í kærunni.
Einnig hafi yfirlögregluþjónn
líkt sakborningum við skipulögð
glæpasamtök. Þá hafi settur sak-
sóknari í málinu tjáð sig með óvið-
eigandi hætti um rannsókn sem
hann kom hvergi nálægt.
Í fjórða lagi sé ekki ljóst að rétt-
að hafi verið yfir þeim af óvilhöll-
um dómstólum. Settur saksóknari
hafi rætt við dómstjóra Héraðs-
dóms Reykjavíkur áður en endur-
ákæra var gefin út, og nefnt tengsl
dómara í fyrra málinu við vitni
sem til stóð að kalla fyrir. Í kjölfar-
ið var annar dómari skipaður til að
fjalla um endurákærurnar.
Í fimmta lagi með handahófs-
kenndri málsmeðferð þar sem
verjendur gátu ekki áfrýjað þegar
beiðni um frávísun var hafnað.
Mannréttindadómstóllinn getur
ekki ógilt niðurstöðu íslenskra
dómstóla. Hann getur hins vegar
dæmt sakborningum táknrænar
miska bætur, falli dómur þeim í
hag.
Þriðji sakborningurinn í síðari
hluta Baugsmálsins, Jón Gerald
Sullenberger, hefur einnig boðað
kæru til Mannréttindadómstólsins.
brjann@frettabladid.is
Kæra ummæli ráðherra til
Mannréttindadómstólsins
Tveir sakborninga hafa kært meðferð Baugsmálsins til Mannréttindadómstóls Evrópu. Þeir telja brotið á
rétti sínum til að teljast saklausir uns sekt er sönnuð. Sá þriðji boðar kæru til dómstólsins á næstunni.
KÆRA Þeir Jón Ásgeir Jóhannesson og Tryggvi Jónsson telja að brotið hafi verið á
þeim við meðferð Baugsmálsins. FRÉTTABLAÐIÐ/GVA
GRIKKLAND, AP Jarðskjálftafræð-
ingar hafa varað við sterkum
eftirskjálftum eftir jarðskjálft-
ann í Grikklandi á sunnudag.
Tveir fórust í skjálftanum og
um 150 slösuðust. Þá jöfnuðust
um 70 hús við jörðu og 30
skemmdust mikið í héruðunum
Ahaia og Ilia. Um 230 hús
skemmdust lítillega, sem og
flugturn á herflugvelli í nágrenni
við upptök skjálftans.
Mikil skjálftavirkni hefur verið
eftir stóra skjálftann, sem
mældist 6,5 á Richter. Búist er við
eftirskjálfta upp á 5 til 5,5 á
næstu dögum eða vikum.
- þeb
Tveir látnir í Grikklandi:
Búist við stór-
um eftirskjálfta
JAPAN, AP Maðurinn sem stakk 17
manns í Japan á sunnudag hafði
sagt frá fyrirætlunum sínum á
spjallsvæði á internetinu.
Maðurinn hafði sent fjölda
skilaboða úr farsíma sínum
mörgum klukkustundum fyrir
árásina þar sem hann lýsti
fyrirætlunum sínum nákvæm-
lega. Síðustu skilaboðin bárust á
spjallsvæðið aðeins tuttugu
mínútum áður en árásin hófst. Í
þeim stóð „tíminn er kominn“.
Maðurinn, sem er 25 ára gamall,
er sagður hafa unnið í verk-
smiðju í héraði nálægt Tókýó.
Hann sagði leiða á lífinu vera
ástæðu þess að hann framdi
ódæðisverkið. - þeb
Stunguárásin í Japan:
Boðaði árás á
spjallsvæði
BEÐIÐ FYRIR FÓRNARLÖMBUM Mikill
fjöldi fólks hefur lagt leið sína í Akiha-
bara-hverfið og beðið fyrir fórnarlömb-
um stunguárásarinnar á sunnudag.
FRÉTTABLAÐIÐ/AP
Mótmæli hafa víðtæk áhrif
Mótmæli vörubílstjóra gegn háu
eldsneytisverði á Spáni hafa meðal
annars valdið því að bensínstöðvar
hafa orðið uppiskroppa með bensín.
Mótmælin munu halda áfram næstu
daga og munu því líklega hafa víð-
tækari áhrif.
SPÁNN
■ „Hvers vegna allt þetta fjaðrafok um mál sem er
nú til meðferðar í dómstólakerfinu? Er hugsanlegt
að einhverjir viðskiptajöfrar á Íslandi telji sig hafna
yfir lögin?“
BJÖRN BJARNASON
BJORN.IS 27. ÁGÚST 2005.
■ „Stórfrétt dagsins er að sjálfsögðu niðurstaða
Hæstaréttar í kærumálinu vegna Baugs. Réttar-
kerfið hefur ekki sagt sitt síðasta orð í málinu.“
BJÖRN BJARNASON
BJORN.IS 15. OKTÓBER 2005.
■ „Vara þig á fimmtánda mars,
sagði spámaðurinn við Júlíus Sesar
[...] Síðar þennan dag var Sesar
myrtur, árið 44 fyrir Krist. Þótt sjálfur
Sesar félli fyrir morðingjahendi þennan
dag, lauk ekki sögu Rómarveldis,
hún hélt áfram. Um héraðsdóm
í Baugsmáli í dag ætla ég ekki
að ræða – jafnvel lýsing mín
á staðreyndum, getur valdið
uppnámi.“
BJÖRN BJARNASON
BJORN.IS 15. MARS 2006.
UMMÆLI RÁÐHERRA
Ert þú sátt(ur) við að Hanna
Birna Kristjánsdóttir verði
næsti borgarstjóri Reykjavíkur?
Já 49,2%
Nei 50,8%
SPURNING DAGSINS Í DAG:
Telur þú að íslenska lögreglan
beiti harðræði?
Segðu skoðun þína á vísir.is.
KJÖRKASSINN