Fréttablaðið - 10.06.2008, Blaðsíða 17
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Golfíþróttin á hug og hjörtu margra og er Skrið-
jökullinn Ragnar Kristinn Gunnarsson í þeirra
hópi. Hann spilar golf hvenær sem tækifæri
gefst.
„Ég spila golf helst fjórum til fimm sinnum í viku ef
veður leyfir yfir sumartímann. Svo sæki ég golf til
útlanda yfir veturinn en ég á litla íbúð á Spáni og fer
þangað eins oft og ég get. Þar eru golfvellir í hundr-
aðatali,“ segir Ragnar, nýkominn af vellinum. Hann
segir golfið lífsstíl en hann hefur stundað það í rúm
tuttugu ár. „Ég hafði þefað af þessu sem ungur strák-
ur en byrjaði að stunda þetta árið 1985. Ég mun halda
þessu áfram svo lengi sem ég get en þetta er auðvitað
spurning um hvaða tíma maður hefur. Maður fer ekki
í golf fyrir minna en fimm til sex klukkutíma. Það er
svo margt sem spilar inn í þetta, útiveran og sam-
bandið við náttúruna, fuglalífið og félagsskapurinn.“
Ragnar segist heppinn með það að fjölskyldan sýni
þessu tímafreka áhugamáli hans skilning. Áhuginn
sé jafnvel farinn að smita út frá sér.
„Það er lífsstíll í kringum þetta og sem betur fer á
ég fjölskyldu sem líður þetta og ég fæ engar skammir
þó ég komi heim klukkan ellefu eða tólf jafnvel.
Dóttir mín vinnur reyndar í golfskálanum hér í
Grafar holti og konan mín æfir líka. Svo eru fjöl-
skyldumeðlimir að bætast við, bróðir minn og börn
og barnabörn og frændur og frænkur og vinir og
vandamenn.“
Ragnar á sinn uppáhaldsvöll í Grafarholti og segir
hann yfirburðavöll á Íslandi. Hann tekur reglulega
þátt í mótum og er með átta í forgjöf. „Ég hef nú kom-
ist niður í fimm í forgjöf en svo gengur vel og illa til
skiptis. Akkúrat núna er ég í hærri kantinum miðað
við það sem það ætti að vera,“ segir hann kankvís.
Það er ekki sama hvernig menn mæta klæddir til
leiks á golfvellinum og lætur Ragnar aldrei sjá sig
nema vel klæddan. Segir það grundvallaratriði.
„Menn eiga að vera snyrtilega klæddir í golfi og mér
líður betur ef ég er vel klæddur á golfvellinum. Þegar
ég vakna á mánudegi og er að fara í golf á þriðjudegi
þá hugsa ég „í hverju á ég að fara?“. Þetta er alveg
eins og þegar konurnar eru að fara á dansleiki, þetta
skiptir miklu máli.“
heida@frettabladid.is
Golf er minn lífsstíll
Ragnar lætur aldrei sjá sig á golf-
vellinum nema vel klæddan.
FR
ÉT
TA
B
LA
Ð
IÐ
/V
A
LL
I
LÆKNINGAJURTIR
Í íslenskri náttúru má
finna alls konar jurtir sem
hægt er að nota í mat og
drykki og til lækninga.
HEILSA 2
LEIÐSÖGN Í HÁSKÓLA
Endurmenntun býður nú upp
á þriggja anna leiðsögunám
á háskólastigi sem hentar
bæði fólki sem er í vinnu
og þeim sem vilja
vera í fjarnámi.
NÁM 3
Auglýsingasími
– Mest lesið