Fréttablaðið - 10.06.2008, Blaðsíða 24
10. JÚNÍ 2008 ÞRIÐJUDAGUR4 ● fréttablaðið ● norðurland
Háskólabúðir þar sem áhersla
er lögð á íslenska menningu
og náttúru verða starfræktar í
Svartárkoti í Bárðardal.
Ætlunin er að reisa í Svartárkoti
alþjóðlegt rannsókna- og kennslu-
setur. Hugmyndin að háskólabúð-
unum kviknaði árið 2005 hjá Við-
ari Hreinssyni, framkvæmda-
stjóra ReykjavíkurAkademíunnar,
og var félagið – Svartárkot, menn-
ing náttúra – stofnað utan um hug-
myndina. Bærin Svartárkot er
efsti byggði bær í Bárðardal og á
„mörkum menningar og óbyggða“
eins og verkefnisstjórar kom-
ast að orði, en þar sem ræktuðum
túnum sleppir taka Ódáðahraun
og miðhálendi Íslands við. Staður-
inn þótti því forvitnilegt viðfangs-
efni í nútíma menningarfræðum.
Komið var á vinnuhóp heima-
manna og aðila frá Reykjavíkur-
Akademíunni, Þekkingarsetri
Þingeyinga og Ferðamálasetri Ís-
lands til að þróa verkefnið í sam-
vinnu við fleiri.
Sigurlína Tryggvadóttir ólst
upp í Svartárkoti og er ein þeirra
sem hafa umsjón með verkefninu.
„Markhópurinn er fyrst og fremst
erlendir háskólar og síðasta sumar
buðum við hóp af háskólakenn-
urum frá ýmsum löndum á kynn-
ingarnámskeið. Það tókst vonum
framar og nú er fyrsti nemenda-
hópurinn kominn í hús,“ segir
Sigur lína. Hún segir töluverðar
kröfur gerðar til þess efnis sem
þau bjóða upp á en nemendurnir
fá námskeiðin metin til eininga.
„Námskeiðin hjá okkur verða
bæði á fyrirlestraformi og einnig
verður farið í skoðunarferðir.
Þarna er ætlunin að skoða menn-
ingarlega sögu, bæði bárðdælska
menningu og svo íslenska menn-
ingu í alþjóðlegu samhengi í
tengslum við náttúruna.“
Hópurinn á fyrsta námskeið-
inu kemur frá Edinborg og stund-
ar nám í mannvistarlandfræði.
Kennarar á námskeiðinu eru
meðal annarra Oddur Sigurðsson,
jarðfræðingur hjá Orkustofnun,
Edward H. Huijbens frá Ferða-
málasetri Íslands og Viðar Hreins-
son frá ReykjavíkurAkademíunni.
Fleiri aðilar munu einnig kynna
svæðið og starfsemi stofnana á
svæðinu. Að sögn Sigurlínu verð-
ur meðal annars farið með hópinn
í skoðanaferðir í Jökulsárgljúfur
og í hvalaskoðun. Í framtíðinni er
ætlunin að bjóða upp á fleiri nám-
skeið, meðal annars landbúnaðar-
kúrsa, og fara þá með hópana í
göngur og réttir.
„Við munum bjóða upp á sam-
setta pakka en svo höfum við
ákveðinn sveigjanleika ef um-
sækjandann langar að gera eitt-
hvað sérstakt. Svo munum við
opna sögusýninguna „Útilegu-
menn í Ódáðahrauni“ á Kiðagili,
17. júní klukkan 14, sem lið í að
gera staðarmenninguna enn sýni-
legri.“ - rat
Á Gamla-Bauk á Húsavík verður
boðið upp á fönk-pönk-jazz um
helgina en ástralska hljómsveitin
Hoodangers mun spila þar á föstu-
dagskvöld 13. júní. Hljómsveitin
er á tónleikaferð um Evrópu og
mun meðal annars koma fram á
Jazzhátíðinni í Kaupmannahöfn
síðar í sumar.
Veitingastaðurinn Gamli-
Baukur er þekktur fyrir hressilega
stemningu en húsið stendur niðri
við höfn á Húsavík. Það var reist
sem sýslumannsbústaður árið 1843
en veitingarekstur hófst þar árið
1883 og fékk húsið þá nafnið Bauk-
urinn. Árið 1904 lagðist veitinga-
rekstur þar af. Veitingahús var
opnað aftur í Gamla-Bauk fyrir tíu
árum og byggt við húsið.
Til stendur að halda ýmsa tón-
leika í húsinu í sumar. Þannig mun
dúettinn Kling og Bang koma þar
fram 12. júní, The Hoodangers
spila hinn 13. júní eins og fyrr
sagði og kvöldið eftir leikur hljóm-
sveitin Vítamín á balli.
Nánari upplýsingar um dagskrá
staðarins má finna á síðunni www.
gamlibaukur.is. - rat
Fönk-jazz á Bauknum
Veitingastaðurinn Gamli-Baukur á Húsavík. FRÉTTABLAÐIÐ/VILHELM
Nemendurnir eru við nám í mannvistarlandfræði í Edinborg og munu kynnast
íslenskri náttúru á námskeiðinu. MYND/MAGNÚS SKARPHÉÐINSSON
Háskólanám í Svartárkoti
Fyrstu stóru ferðahópar sumars-
ins koma að Fosshóli í Þingeyjar-
sýslu í dag 10. júní, því hand-
verksmarkaðurinn þar er einn af
föstum viðkomustöðum farþega-
hópa af skemmtiferðarskipum
sem leggjast að bryggju á Akur-
eyri. „Þetta eru Englendingar og
Þjóðverjar af skipunum Monu
Lisu og Oriönu. Það eru 1900
hundruð manns á öðru skipinu og
750 á hinu svo þetta verður líf-
legt,“ segir Guðrún Petrea Gunn-
arsdóttir, afgreiðslustúlka á Foss-
hóli. Hún segir þingeyskar konur
vinna vel að vetrinum til að hafa
nóg að selja á sumrin enda veiti
ekki af. „Lopapeysur og vesti
eru það vinsælasta, líka húfur
og vettlingar, einkum þegar kalt
er,“ upplýsir hún og segir allt upp
í 3.000 manns vera væntanlega
af skemmtiferðaskipum á einum
degi í sumar, fyrir utan lausa-
traffíkina sem oft er drjúg. - gun
Fyrstu hóparnir mæta
Á Fosshóli er handverksmarkaður,
greiðasala og gistiþjónusta. Brúin frá
1930 hefur verið gerð að göngubrú.
FRÉTTABLAÐIÐ/VILHELM
Margt er á döfinni á Norðvestur-
landi í sumar. Má þar nefna Húna-
vöku, sem stendur yfir á Blöndu-
ósi helgina 11. til 13. júlí. Fjöl-
skylduskemmtun, kvöldvaka og
dansleikur eru meðal þess sem er
í boði.
Þá verður Landbúnaðarsýningin
og bændahátíðin Sveitasæla
haldin helgina 15. til 17 ágúst.
Þemað þetta árið er íslenski hest-
urinn. Sýningin er haldin í reið-
höllinni Svalastöðum við Sauð-
árkrók. Stefnt verður að því að
kynna allt mögulegt sem tengist
hestamennsku og landbúnaði.
Kántrýdagar verða haldnir 15.
til 17. ágúst á Skagaströnd. Kántrý-
hátíðin hefur færst úr verslunar-
mannahátíð yfir í bæjarhátíð þar
sem bærinn er skreyttur, aðflutt-
ir koma heim og eiga góðan tíma
saman. Allir eru velkomnir. Nánar
á www.northwest.is - stp
Kvöldvökur og
kántrýdagar
Það er alltaf mikið fjör á Kántrýdögum.
MYND/FEYKIR
Flugsafn Íslands, Akureyrarflugvelli • flugsafn@flugsafn.is • 600 Akureyri • Sími: 461 4400
www.flugsafn.is
Flugsafn Íslands verður opið í júní, júlí og
ágúst, alla daga vikunnar frá kl. 13 til 17
og eftir samkomulagi. Hópar velkomnir.
Hin árlega Flughelgi Flugsafnsins
verður á Akureyrarflugvelli
helgina 21. og 22. júní.