Fréttablaðið - 26.06.2008, Qupperneq 18

18 26. júní 2008 FIMMTUDAGUR
hagur heimilanna
466
1997 2000 2004 2008
Útgjöldin
> Kílóverð á ýsuflökum
796
855
1094
HEIMILD: HAGSTOFA ÍSLANDS
Kaffibollinn á Te og kaffi er næstum fjórðungi
dýrari en á Prikinu og Café Konditori Copenhagen.
Á Prikinu og Café Konditori kostar bollinn 250
krónur en hjá Te og kaffi í versluninni Eymundsson
í Austurstræti er verðið 320 krónur.
Munurinn á kaffi latte er svipaður en ódýrasti
bollinn, af þeim stöðum sem verðið var skoðað hjá,
er hjá Café Konditori á 300 krónur á meðan Kaffitár
verðleggur hann á 380 krónur.
Gosið er þó ódýrast hjá Te og kaffi en þar er
flaskan á 170 krónur en á Café París kostar gosið
næstum því helmingi meira; þar er dýrasta flaskan
á 300 krónur.
Verðmunur á meðlæti er einnig nokkuð mikill.
Vafflan á Hressó kostar 650 krónur en á Café París
er hún tvö hundruð krónum ódýrari, á 450 krónur.
Það skal þó tekið fram að vafflan á Hressó er sögð
belgísk.
Á Café París má fá tvær gerðir af súkkulaðikök-
um sem hvor um sig kostar 690 krónur. Á Prikinu
kosta þær hins vegar 550 krónur.
Það er því úr vöndu að ráða þegar velja á kaffihús
í veðurblíðunni í Reykjavík. - hþj
Verð á kaffi og kökum á kaffihúsum í Reykjavík skoðað:
Kaffið dýrast hjá Te og kaffi
VINSÆL KAFFI Það er ekki bara kaffi sem fæst á kaffihúsum.
Gosið er ódýrast hjá Te og Kaffi, en dýrast á Café París af þeim
kaffihúsum sem verðið var skoðað hjá.
■ Ragnheiður Steindórsdóttir leikkona
þvær grænmeti og ávexti upp úr mat-
arsóda áður en þeirra er neytt.
„Ég hef áhyggjur af
mikilli eiturefnanotkun
við ræktun á ávöxtum
og grænmeti og reyni
því að þvo vel það sem
ekki er lífrænt ræktað,“
segir Ragnheiður.
„Ég legg grænmetið
og ávextina í bleyti
með matarsóda í
dágóða stund og þurrka síðan með
góðu handklæði,“ segir Ragnheiður.
„Samviskan er betri þegar ég borða
eftir að þetta hefur verið gert.“ Ragn-
heiður reynir að koma þessu við með
ávexti og grænmeti sem ekki er hægt
að flysja, svo sem epli, ber og paprikur.
GÓÐ HÚSRÁÐ
ÞVÆR MEÐ MATARSÓDA
„Bestu kaup sem ég hef gert voru
jakkaföt sem ég keypti þegar ég var
aðeins sextán ára,“ segir Geir Jón
Þórisson yfirlögregluþjónn.
Þau voru sérsaumuð af Andrési
klæðskera og eru að sögn Geirs
bestu og fallegustu föt sem hann
hefur eignast.
Hann bætir við að hann klæðist
yfirleitt jakkafötum frá degi til dags
og hafi gert frá unga aldri.
„Ég stækkaði nú fljótt eftir
kaupin en þau stækkuðu
með mér í örlítinn tíma. Ég
hef aldrei fengið eins góð
föt.“
Þau voru svo góð að
Geir náði að selja fötin til
góðs manns að hans sögn eftir nokk-
urra ára notkun á ágætis verði.
Bæði bestu og verstu kaup Geirs
Jóns eru jakkaföt enda er hann mikill
jakkafatamaður.
„Jakkföt koma einnig upp í hugann
þegar ég hugsa um verstu kaup sem
ég hef gert en þau keypti ég í sér-
stakri verslun fyrir stóra menn.“
Hann segir fötin hafa passað vel
en byrjuðu þó fljótt að krumpast
mikið.
„Rassinn á buxunum rifnaði eftir
mjög litla notkun og voru ónothæf
eftir það. Kannski eru efnin lélegri í
dag en þau voru hér áður fyrr þegar
ég keypti góðu jakkafötin,“ bætir Geir
Jón við að lokum.
NEYTANDINN: GEIR JÓN ÞÓRISSON YFIRLÖGREGLUÞJÓNN
Botninn rifnaði eftir litla notkun
Það er óþægileg tilfinning
að koma að sumarhúsi sínu
eftir veturinn og sjá að þar
hefur verið brotist inn. Það
þekkja margir sumarhúsa-
eigendur af eigin raun. Þó
er hægt að sporna við óöld-
inni með því að verja bústað
sinn vandlega.
Reglulega heyrast fregnir af inn-
brotum í sumarbústaði. Innbúi er
þá oftast stolið en einnig hefur
fólk orðið fyrir því að misyndis-
mennirnir hafi notað húsið yfir
lengri tíma sér til skemmtunar.
Bæði Securitas og Öryggismið-
stöðin bjóða sumarhúsaeigendum
upp á þjónustu sem á að tryggja
öryggi bústaðanna.
Ómar Örn Jónsson, markaðs-
stjóri Öryggismiðstöðvarinnar,
segir það nánast óþekkt að brotist
sé inn í bústaði með þjófavarnar-
kerfi. „Um leið og skynjarinn fer í
gang tengist hann stjórnstöðinni
og þá vitum við strax að farið
hefur verið inn í bústaðinn. Þá er
stutt í að einhver komi á vett-
fang.“
Öryggismiðstöðin býður upp á
þjónustuna Sumarhúsaöryggi og
er grunnpakkinn fyrir meðalstærð
af bústað á 2.980 krónur. Í pakkan-
um eru límmiðar og hreyfi-, vatns-
og reykskynjarar sem tengdir eru
við stjórnstöð Öryggismiðstöðvar-
innar í gegnum boðsendi. Hægt er
að bæta skynjurum við en þá bæt-
ast 250 krónur fyrir hvern auka-
skynjara við mánaðargjaldið.
Mánaðargjald á Sumarhúsavörn
Securitas er 3.500 krónur. Boðið
er upp á innbrots- og brunaviðvör-
unarkerfi sem byggist einnig á
boðflutningi. Þá geta eigendur
valið hvort þeir fara sjálfir á vett-
fang eða senda Securitas fyrir sig
en það kostar 4.500 krónur.
Staðalbúnaður er reykskynjari,
hurðanemi, hreyfiskynjari, lykla-
borð, stjórnstöð og límmiðar. Þor-
steinn G. Hilmarsson, markaðs-
stjóri Securitas, segir mikilvægt
að minnast þess að sumarhús hafa
mikið gildi. „Þessi hús eru annað
heimili margra og fólki finnst
aðkoman oft mjög erfið eftir inn-
brot. Þetta er aðför að einkalífi
þess og skiljanlegt að það hugsi
um að verja sig betur.“
Auðvelt er að setja kerfin frá
báðum fyrirtækjum upp sjálfur,
en einnig er hægt að fá uppsetn-
ingu gegn gjaldi.
helgath@frettabladid.is
Færri innbrot
í sumarbústaði
með þjófavörn
ANNAÐ
HEIMILI
Sumabú-
staðir eru
oft notaðir
allt árið.
Sumarvörn Securitas
Grunnpakki: 3.500 krónur
Viðbætur: 3.500-5.000 krónur
fyrir hvern skynjara
Vitjun við innbrot: 4.500 krónur
Aðstoð við uppsetningu: Samn-
ingsatriði
Sumarhúsaöryggi
Öryggismiðstöðvarinnar
Grunnpakki: 2.980 krónur
Viðbætur: 300 króna leiga á hvern
skynjara
Vitjun við innbrot: 20.000 krónur
Aðstoð við uppsetningu: Samn-
ingsatriði
KOSTNAÐUR VIÐ
ÖRYGGISPAKKA