Fréttablaðið - 26.06.2008, Síða 36

26. JÚNÍ 2008 FIMMTUDAGUR4 ● fréttablaðið ● vinnuvélar
Skagfirðingurinn Sesselja
Tryggvadóttir hefur unnið á
virkjunarsvæðinu fyrir austan í
fimm ár, lengst af sem starfs-
maður Arnarfells en nú hjá
Ístaki.
„Ég byrjaði uppi í Kárahnjúkum
2003. Var að keyra trukk til að byrja
með. Fór svo á vinnuvélanámskeið
og síðan hef ég gripið í þau tæki
sem þörf er á hverju sinni. Það er
ekki hægt annað í jarðgangagerð.“
Hvað varstu að vinna áður?
„Ég var tólf ár samfellt í fiski en
er búfræðingur að mennt og byrj-
aði búskap á Hofsvöllum í Lýtings-
staðahreppi. Sem betur fer hætti
ég, því það er ekki bjart hjá sauð-
fjárbændum í dag.“
Ég geri ráð fyrir að þú hafir kunn-
að á dráttarvélarnar. Varstu líka á
tækjum í frystihúsinu?
„Já, ég vann nánast öll störf þar.
Það er ljósi punkturinn í þeirri
vinnu að geta aðeins skipt um
handtök.“
Það eru ekki margar stúlkur
sem endast eins lengi og þú í svona
fjallavinnuflokki.
„Nei, ég veit ekki um neina. En þær
hafa nokkrar komið og farið. Eink-
um til að keyra bíla og búkollur.“
Er það léttast?
„Ég veit það nú ekki. Það er kannski
bara eðlilegt framhald af því að
flestir eru með bílpróf. Ég veit satt
að segja ekki af hverju konur eru
ekki meira í þessum störfum.“
Eru engin átök við þetta?
„Nei, ekki á vélarnar. En jarðganga-
gerðin getur verið bölvað puð.“
Þú hefur manninn með þér.
„Já, ég fann hann hér á fjöllum.
Hann er frá Ólafsfirði og heitir
Stefán Marinósson.
Er gott fyrir sambandið að vera
saman allan sólarhringinn?
„Ja, það hentar okkur vel og við
höfum þá frí saman líka.“
Áttu einhver börn?
„Ég á tvær stálpaðar stelpur frá
fyrra hjónabandi. Sú yngri var
hér á valtara í fyrrasumar. Hún er
bæði komin með vinnuvélaréttindi
og meirapróf.“
Svo áhuginn leggst í ættir?
„Ég segi að þetta sé sjálfsbjargar-
viðleitni. Stelpur eiga ekkert að
vera að hanga inni í sjoppum fyrir
skítalaun þegar annað betra er í
boði.“
Færð þú sömu laun og karlarn-
ir?
„Já, já, og er þokkalega sátt við
þau. Við vinnum í tíu daga, 12 tíma
á sólarhring frá sjö til sjö og skipt-
umst á að taka dagvaktir og næt-
urvaktir. Svo fáum við frí í fimm
daga. Þá förum við norður.“
Nú sér fyrir endann á þessu
verki. Veistu hvað tekur þá við hjá
þér?
„Nei, og hef engar áhyggjur af því.
Ég verð kannski bara fín frú með
naglalakk og fer að afgreiða í búð.“
- gun
Verð kannski bara fín frú með naglalakk
Sesselja Tryggvadóttir grípur í þau tæki sem þarf á Kárahnjúkum. Hún segir jarðgangagerðina geta verið bölvað puð.
FRÉTTABLAÐIÐ/GUNNÞÓRA
Vörumiðlun á Sauðárkróki var að fá tvo nýja vagna í tækjaflot-
ann sinn.
„Annar er vagn frá Ekeri. Þetta er fyrsti kælivagninn okkar
frá því fyrirtæki. Hann er tíu metra langur og 2,6 metrar á
breiddina. Vagninn er með heilhliðaopnun og fullkomnustu
kæli- og frystivél sem völ er á í dag,“ segir Baldur Ingi Baldurs-
son, verkstjóri hjá
Vörumiðlun, sem
er framarlega í
þessum tækjabún-
aði á Íslandi. „Það
er mögulega eitt
annað fyrirtæki á
Íslandi með svona
vagn. Við getum
flutt allt milli him-
ins og jarðar í
þessu og erum til
dæmis mikið að
flytja matvæli í
vagninum.“ Vagn-
inn frá Ekeri er
með mjög góðan búnað og er afar vönduð smíði. „Þetta er bara
hrein aukning hjá okkur, við áttum þrjá vagna af þessari stærð
fyrir.“ Vagninn má vera 24 tonn í heildarþunga þó að hann sé
skráður á þrjátíu tonn hjá verksmiðjunni. „Það nýtist okkur
ekki hér því vagninn má aðeins flytja þrettán tonn samkvæmt
íslenskum reglugerðum.“
Hinn vagninn er þriggja öxla beislisvagn frá Fliegl. „Beislis-
grindin er fyrir fjörutíu feta gáma eða tvo tuttugu feta. Burð-
argeta er 32.500 kíló þó að heildarvigtin sé 40.000 kíló. Þetta
er þriðja gámagrindin sem Vörumiðlun fær frá Fliegl. Nýtt er
vissulega alltaf betra.“ - mþþ
Nýtt er alltaf betra
Vörumiðlun var að fá 3 öxla beyslivagn frá Fliegl.
MYND/ÞORSTEINN F. GUÐMUNDSSON
Fyrsti kælivagninn
sem Vörumiðlun fær
frá Ekeri.MYND/ÞORSTEINN F. GUÐMUNDSSON