Fréttablaðið - 26.06.2008, Síða 74

46 26. júní 2008 FIMMTUDAGUR
FÓTBOLTI Það vakti athygli sjónvarpsáhorfenda að
Willum Þór Þórsson, þjálfari Vals, neitaði að taka í
höndina á FH-ingnum Davíð Þór Viðarssyni eftir leik
liðanna á þriðjudag. Hann lét ekki þar við sitja heldur
kallaði einhver ókvæðisorð á eftir Davíð en
Willum var frekar heitt í hamsi eftir svekkjandi
tap.
„Hann var greinilega eitthvað fúll og ég held
að hann hafi ekki verið ánægður með mig og
mína framgöngu. Hann lét mig aðeins heyra
það. Honum fannst ég spila gróft eða eitthvað
álíka og var að öskra það á mig. Þetta var
óþarfa æsingur í honum,“ sagði Davíð Þór
við Fréttablaðið í gær. Davíð er ekki í
miklum metum hjá Valsmönnum eftir að
hann braut illa á Dennis Mortensen
skömmu fyrir mót sem gerði það að verk-
um að Dennis spilar ekkert í sumar.
„Það var algert óviljaverk en ég sá í
sjónvarpinu að það var of gróf tækling hjá mér. Svo
var Willum eflaust svekktur að tapa svona í lok leiks-
ins. Hann gat nú samt ekki kvartað yfir mér í þessum
leik enda var ég ekkert grófur. Ótrúlegt en satt,“
sagði Davíð léttur.
„Mér finnst algjör óþarfi hjá honum að taka
ekki í höndina á mér en Willum er toppnáungi og
ég er ekkert að erfa þetta við hann. Auðvitað á
maður samt alltaf að taka í höndina á mönnum,
sama hvernig maður tapar eða hvort manni líki
við leikmanninn. Ég veit ég er ekki
skemmtilegasti maður í heimi inni á vell-
inum og er fyrstur til að viðurkenna það
en ég er ágætur utan vallar,“ sagði Davíð
augljóslega enn kátur með sigurinn.
- hbg
Willum neitaði að taka í höndina á Davíð eftir leik og lét hann svo heyra það:
Þetta var óþarfa æsingur í Willum
WILLUM ÞÓR Var heitt í hamsi eftir
tapið gegn FH. FRÉTTABLAÐIÐ/STEFÁN
Slökkvilið höfuðborgarsvæðisins (SHS) hefur útbúið miða til að merkja húsnæði
þar sem gaskútar til heimilisnota eru geymdir. Komi upp eldur er mikilvægt að
slökkviliðsmenn geti áttað sig á hvort gaskútar eru í húsnæðinu því af þeim
getur stafað mikil sprengihætta.
Dreifing miðanna fer fram í samvinnu við bensínstöðvar og
verslanir sem selja gas og búnað vegna þess. Unnt er að fá eins
marga miða og þörf krefur.
SHS hvetur þá sem geyma gaskúta innan dyra til að nota límmiðana samkvæmt
leiðbeiningum í bæklingi sem fylgir þeim.
Í bæklingnum er einnig að finna áríðandi skilaboð um gas og meðferð þess.
Skógarhlíð 14 · 105 Reykjavík
sími 528 3000 · shs@shs.is · www.shs.is
Ráðgjöf og nánari upplýsingar
Forvarnasvið SHS veitir fúslega ráðgjöf og upplýsingar í gegnum síma eða tölvupóst.
Ítarlegar upplýsingar er einnig að finna á www.shs.is.
VARÚÐ –GAS!
JÚDÓ Júdókappinn og Norður-
landameistarinn Þormóður Árni
Jónsson verður meðal keppenda
á Ólympíuleikunum í Peking í
águst en hann fékk úthlutað auka-
sæti af alþjóða ólympíunefnd-
inni, svokallað „wild card“. Þor-
móður tekur þátt í þyngsta
flokknum (+100 kg) og verður
fyrsti júdómaðurinn í tólf ár til
þess að keppa á Ólympíuleikun-
um, en Vernharð Þorleifsson var
með í Atlanta 1996.
„Ég vissi alltaf að þetta væri
möguleiki og var að bíða eftir því
að nefndin myndi segja af eða á,“
segir Þormóður, sem ætlaði sér
þó að fara hina leiðina.
Aðeins níu sæti voru í boði
fyrir alla Evrópu en samkeppnin
þar er mjög hörð. „Samkeppnin
er miklu meiri í Evrópu en til
dæmis í Bandaríkjunum og ég
hef unnið þann sem er efstur í
Bandaríkjunum,“ segir Þor-
móður. Hann er viss
um að gott gengi að
undanförnu hafi
hjálpað honum að
fá þetta boð á leik-
ana.
„Ég held að það hafi
hjálpað mér mikið að ég
lagði ekki árar í bát
þegar tímabilið var
búið um miðjan apríl.
Ég hélt áfram af því að
ég vissi að það væri
möguleiki,“ sagði Þormóður, sem
varð bæði Íslandsmeistari og
Norðurlandameistari auk þess að
ná mjög góðum árangri á tveim-
ur stórum mótum.
„Ég varð þriðji á Opna breska
mótinu, sem er frekar sterkt mót.
Ég náði síðan að verða Norður-
landameistari og fór síðan helg-
ina eftir það á heimsbikarmót í
Madríd þar sem ég rétt missti af
þriðja sætinu og varð sjöundi.
Það gekk vel þarna og ég held að
þessi mót í Bretlandi og í Madríd
hafi hjálpað mér mikið,“ segir
Þormóður, sem ætlar að standa
sig í Peking.
„Ég hef keppt á heimsmeist-
aramóti og Evrópumeistaramóti
en þetta náttúrlega langstærsta
mótið. Svo verður bara að koma
í ljós hvort þetta verður
stærsta mótið manns á ferl-
inum. Það er ekki nóg að
komast á leikana því
maður ætlar að
reyna að gera eitt-
hvað. Ég var
númer þrettán á
heimsmeistara-
mótinu af 49 og
það væri ágætt að
gera betur,“ sagði Þor-
móður kappsfullur fyrir
átök haustsins. - óój
Íslenskur júdómaður á ÓL í fyrsta sinn síðan 1996:
Þormóður til Peking
VÍGALEGUR Júdókappinn
Þormóður Árni Jónsson.
FRÉTTABLAÐIÐ/ANTON
EM 2008 Það verður dansað á götum
Berlínar fram á sunnudag eftir
undanúrslitaviðureign Tyrkja og
Þjóðverja í gær. Dramatíkin var í
öndvegi en Philipp Lahm tryggði
Þjóðverjum sigur á síðustu mín-
útu leiksins.
Tyrkir hófu strax skothríð að
marki Þjóðverja. Jens Lehmann
var mjög ótraustur í markinu og
hann hefði átt að gera betur þegar
Tyrkir komust yfir. Eftir fyrirgjöf
frá hægri skaut Kazim Kazim í
slána, rétt eins og hann gerði
skömmu áður, Lehmann var úti á
túni og Ugur Boral ýtti boltanum á
milli fóta hans og inn í markið.
Þjóðverjar höfðu vart komist
yfir miðju gegn sprækum Tyrkj-
um en þeir jöfnuðu aðeins fjórum
mínútum síðar. Bastian Schwein-
steiger sneiddi boltann þá snyrti-
lega í fjærhornið með hægri fæti
eftir laglegan undirbúning
Lukasar Podolski.
Bæði lið fengu ágæt færi án
þess að skora en staðan í hálfleik
var 1-1.
Seinni hálfleikur byrjaði fjör-
lega þar sem Þjóðverjar virtust
vera að herða tök sín á leiknum.
Strax á 51. mínútu gerðu Þjóðverj-
ar sterklega tilkall til vítaspyrnu
þegar greinilega var brotið á
Philipp Lahm á vítateigslínunni en
dómarinn kaus að flauta ekki.
Þjóðverjar voru meira með bolt-
ann í framhaldinu en náðu ekki að
skapa sér almennileg marktæki-
færi framan af.
Þegar um stundarfjórðungur
lifði leiks datt útsending frá leikn-
um út í um það bil tíu mínútur. En
þegar gervihnattarsamband náð-
ist að nýju kom í ljós að þessar tíu
mínútur voru vægast sagt við-
burðaríkar.
Miroslav Klose kom fyrst Þjóð-
verjum yfir á 79. mínútu áður en
Semih Senturk jafnaði leikinn
fyrir Tyrki á 86. mínútu.
Þjóðverjar létu þetta ekki slá
sig út af laginu og Lahm skoraði
sigurmarkið á lokamínútu venju-
legs leiktíma og það mark var ekki
af ódýrari gerðinni. Lahm óð upp
vinstri kantinn og tók þríhyrn-
ingsspil við Hitzelspherger og
þrumaði boltanum í markið og það
nægði Þjóðverjum til að tryggja
sér farseðilinn í úrslitaleikinn í
Vín á sunnudag. - hþh/ óþ
Þjóðverjar áttu
lokaorðið í Basel
Lygasögu Tyrkja er lokið á EM en þeir fara heim
með reisn. Þeir sýndu frábæran leik gegn Þjóð verj-
um en þýska stálið átti lokaorðið og komst til Vínar.
FRÁBÆR Schweinsteiger fagnar
enda rík ástæða til.
FR
ÉTTA
B
LA
Ð
IÐ
/G
ETTY