Fréttablaðið - 31.07.2008, Blaðsíða 27
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA SUMAR VINNUVÉLAR O.FL.
Aníka Rós Pálsdóttir heldur mikið upp á
peysu frá Naketano en merkinu kynntist hún á
MySpace.
Þegar Aníka Rós Pálsdóttir er innt eftir uppáhaldsflík-
inni sinni segir hún hana vera peysu frá vörumerkinu
Naketano. „Ég er reyndar í henni akkúrat núna. Þetta
er hálf síð peysa og síddin er fullkomin því maður
getur bæði verið í gallabuxum eða leggings við hana.
Hægt er að klæða hana upp og niður svo hún hentar
hvort sem er úti á lífinu eða í hvunndeginum,“ segir
Aníka.
Aníka kynntist Naketano-merkinu fyrir um einu og
hálfu ári á MySpace-síðu. „Ég hafði samband við fyrir-
tækið því mér fannst þessi föt henta á íslenskum
markaði. Það var tekið vel í það og ég fékk línuna,“
segir Aníka sem hefur nú opnað verslunina Tara að
Laugavegi 54 með vörum frá uppáhaldsmerkinu sínu,
Naketano. „Ég féll alveg fyrir merkinu. Þetta eru föt
sem henta við mörg tækifæri og eru einstaklega þæg-
inleg.“
Flíkurnar eru flestar úr kembdri bómull sem þýðir
að allir litlu þræðirnir hafa verið fjarlægðir og þeir
löngu eingöngu notaðir. Það gefur meiri mýkt og end-
ingu og flíkurnar afmyndast ekki í þvotti. Aðrar flíkur
eru úr modal-efni sem er unnið úr trjákvoðu og birki
og eru mjúkar og þægilegar viðkomu. „Með litavali og
lögun segjast hönnuðirnir vera að framleiða flíkur
sem verða að uppáhaldsflíkum. Ég var einmitt að fá
skilaboð frá stelpu sem keypti sér peysu hjá mér og
hún segist alltaf vera í henni.“
Aníka hefur stundað nám í viðskiptafræði við
Háskólann í Reykjavík og ætlaði sér alls ekki að fara
út í rekstur á næstunni. „Síðan kynntist ég þessu merki
og boltinn fór að rúlla. Það var númer eitt, tvö og þrjú
að klára skólann en það varð númer þrjú,“ segir Aníka
sem ætlar að taka sér tímabundið frí frá skóla á meðan
hún kemur verslunarrekstrinum í réttan farveg.
mariathora@frettabladid.is
Fatnaður úr trjákvoðu
Aníka í eftirlætis flíkinni sinni, peysu frá Naketano. FRÉTTABLAÐIÐ/GUÐMUNDUR ARI ARASON
AUKNAR VINSÆLDIR
Metaðsókn hefur verið
í Frístundamiðstöðina
Gufunesbæ í Grafarvogi í
sumar. Sífellt fleiri sækja þá
fjölbreyttu afþreyingu sem
þar er í boði.
SUMAR 6
Gönguhátíð í Grindavík
um Verslunarmannahelgina
Nánari uppl.í Saltfi sksetrinu s: 420 1190.
Frítt á tjaldsvæði fyrir gesti gönguhátíðar
GOTT SKIPULAG
Mikilvægt er að hafa góða
vinnuaðstöðu í huga þegar
verið er að hanna þvottahús.
HEIMILI 2