Fréttablaðið - 31.07.2008, Blaðsíða 69
FIMMTUDAGUR 31. júlí 2008 41
Leikararnir og útvarps-
mennirnir Jói G. og Atli
Þór fara á Ólympíuleikana
í Kína í næstu viku. Þeir
verða með hressar fréttir
í útvarpi og sjónvarpi frá
leikunum.
Útvarpsmennirnir Jóhann G.
Jóhannsson og Atli Þór Alberts-
son halda til Peking í næstu viku
þar sem þeir ætla að flytja okkur
sem heima sitjum fréttir af
Ólympíuleikunum í Kína. Þeir
félagar hafa vakið mikla athygli
fyrir útvarpsþátt sinn, Frá A til J,
á Rás 2 í vetur en þátturinn þótti
gríðarlega skemmtilegur og
fræðandi. Atli Þór og Jói munu
láta íþróttamenn sjónvarpsins
alfarið um íþróttaviðburðina en
sjálfir ætla þeir að einbeita sér að
mannlega þætti leikanna. „Þar
sem leikarnir fara fram í Peking
ætti að vera úr nógu að taka og
ætlum við að fylgjast með fólkinu
í borginni, heimamönnum jafnt
sem gestum, og fræðast um land-
ið,“ segi Atli Þór, annar Peking-
faranna.
Þeir Atli og Jói munu ekki sitja
auðum höndum úti í Kína en sam-
hliða því að sinna eigin útvarps-
þætti munu þeir vera með innslög
og pistla í öðrum útvarpsþáttum
sem og sjónvarpi. „Við verðum
daglega með innslög í Popplandi á
Rás 2 og í morgunútvarpinu þar
sem við munum spjalla um það
sem á daga okkar hefur drifið
ásamt því að vera með pistla í
Sjónvarpinu í kringum handbolta-
leiki íslenska landsliðsins. Við
munum halda uppteknum hætti
með pistlum okkar og halda áfram
að fræða og skemmta hlustend-
um okkar.“
Atli segir að Kínverjar muni
opna landið fyrir fjölmiðlum í
kringum leikana og því sé um að
gera að nýta tækifærið og kynn-
ast landi og þjóð betur. „Við
ætlum að reyna við allt það helsta
í kínverskri menningu. Jói ætlar
að prófa kungfú og ég ætla að
borða skrítinn mat. Við höfum
undirbúið okkur vel og erum
búnir að horfa mikið á kínverskar
kvikmyndir og borðum reglulega
kínverskan mat. Svo höfum við að
sjálfsögðu lesið okkur til um land-
ið því það er ekki hægt að fara í
svona stórt verkefni án góðs und-
irbúnings,“ segir Atli Þór að
lokum.
sara@frettabladid.is
Smakka á
síkjaþörungum
og æfa kungfú
Á LEIÐ TIL KÍNA Atli Þór og Jói G. halda til Kína í næstu viku þar sem þeir skoða
mannlífið í kringum Ólympíuleikana. FRÉTTABLAÐIÐ/STEFÁN
Seth Combs, gagnrýnandi hjá San
Diego City Beat í Bandaríkjunum,
vill meina að Mugison sé of ljótur
og það sé helsta ástæða þess að
hann sé ekki orðinn heimsfrægur.
Hann ber saman Björk og Mugi-
son í dómi um plötuna Mugiboogie
sem nýkomin er út í Bandaríkjun-
um á vegum Ipecac-útgáfunnar.
„Björk líkist álfadrottningu úr
hugarheimi Tolkiens en Mugison
líkist trölli, eða í besta falli hobb-
ita,“ skrifar Seth. „Það er okkar
vandamál að vera svona aum að
falla bara fyrir fögrum andlit-
um.“
Seth er þó yfir sig hrifinn af
plötunni og gefur henni 8, 9 af 10
mögulegum. „Þetta er besta plat-
an hans. Á henni sameinar hann
trega og frumlegar hljóðsamsetn-
ingar sem Björk myndi drepa
fyrir,“ skrifar hann.
Mugison of ljótur
fyrir heimsfrægð
HVAÐA VITLEYSA!? Mugison er gullfal-
legur.
Trevor Loveys, einn þekktra
plötusnúða hjá Ministry of Sound,
klúbbnum og plötufyrirtækinu,
spilar í Sjallanum, Akureyri á
föstudagskvöld og á Tunglinu á
laugardagskvöld. Hann er
þekktastur fyrir að hafa verið
hluti af tvíeykinu Switch sem
hefur endurhljóðblandað fjölda
laga, m.a. eftir Chemical Broth-
ers og Róisin Murphy. Ásamt
honum koma fram plötusnúðarnir
Ghozt, Trix og Mr. Cuellar. Þeir
dansþyrstu ættu því ekki að láta
þetta framhjá sér fara um
helgina, en 2.500 krónur kostar
inn. Miðar eru seldir við dyrnar.
Klúbbakvöld
ALLIR Á DANSGÓLFIÐ Trevor Loveys þeytir
skífum um helgina.