Fréttablaðið - 02.08.2008, Blaðsíða 2

2 2. ágúst 2008 LAUGARDAGUR
LÖGREGLUMÁL Húkkaraball sem
fram fór í aðdraganda þjóðhátíð-
ar í Eyjum í fyrrakvöld fór vel
fram að sögn lögreglu.
Erilsamt var þó hjá lögreglu-
mönnum í Vestmannaeyjum í
fyrrinótt vegna ölvunar hátíðar-
gesta. Taldi lögregla um þúsund
fleiri gesti komna til Eyja en á
sama tíma í fyrra.
Einn gisti fangageymslur
vegna ölvunar og tveimur í viðbót
var leyft að sofa úr sér hjá
lögreglu að eigin ósk þar sem þeir
höfðu gleymt hvar þeir höfðu
tjaldað. - ht
Gistu fangageymslur í Eyjum:
Mundu ekki
hvar tjaldið var
2.219kr/kg
LAMBAFILLE M/FITU
3.698 kr/kg
40%
afsláttur
LÖGREGLUMÁL Færanleg lögreglustöð, staðsett á
Lækjartorgi, verður að líkindum tekin í notkun nú um
verslunarmannahelgina. Geir Jón Þórisson yfirlög-
regluþjónn segir lögreglu með þessu fá afdrep til að
vinna að málum innandyra í miðborginni.
„Við erum reyndar ekki búnir að fá hana afhenta,“
segir Geir Jón, sem segir borgina eiga húsnæðið, og
leggja lögreglu það til. Lögregla hefur því ekki
mikinn kostnað af því að fá húsnæðið.
Geir Jón segir ekki búið að fullmóta hugmyndir um
nýtingu hússins. „Við ætlum að sjá til hvernig þetta
þróast.“
Hann segir þó ekki standa til að hafa reglulega
vakt í húsinu, menn sem verði í stöðinni muni hlaupa
út í verkefni þegar þörf krefji. Húsið verði nýtt eins
og þurfa þykir.
Hugmyndin kemur erlendis frá, Geir Jón segir að
mælt hafi verið með þessari hugmynd, og ákveðið að
gera tilraun með þetta hér á landi. Árangurinn af því
að hafa stöðina verður metinn í lok sumars.
Geir Jón segist ekki óttast skemmdarverk á
lögreglustöðinni. „Við verðum að treysta því að það
sé ekki allt snarvitlaust hérna, en það verður að koma
í ljós.“ - bj
Borgin lánar lögreglunni húsnæði undir færanlega lögreglustöð á Lækjartorgi:
Lögguskúr bíður afhendingar
LÖGREGLUMÁL Karlmaður um þrí-
tugt var stunginn með hnífi í bakið
á Hverfisgötu um klukkan þrjú í
fyrrinótt. Árásarmannanna var
enn leitað síðdegis í gær.
Fórnarlamb árásarinnar var
statt ásamt þremur öðrum í
grennd við Alþjóðahús á Hverfis-
götu þegar árásarmennirnir komu
að. Þrír karlmenn og ein kona
sáust ganga í burt af vettvangi að
sögn varðstjóra hjá lögreglunni á
höfuðborgarsvæðinu.
Til orðaskipta kom milli mann-
anna og sjást áflog á eftirlits-
myndavél að sögn varðstjóra.
Tveir menn hafi gengið í skrokk á
fórnarlambinu, sparkað í það og
barið. Einnig hafi maðurinn hlotið
áverka undir vinstra herðablaði
eftir hníf að því að talið er.
Talið var að hnífurinn hefði
gengið djúpt og hóstaði fórnar-
lambið upp blóði. Hann var
umsvifalaust fluttur á slysadeild
og gekkst undir aðgerð á Land-
spítala í kjölfarið.
Maðurinn hlaut áverka á baki og
handlegg en var í gær ekki talinn í
lífshættu að sögn Friðriks Smára
Björgvinssonar, yfirlögregluþjóns
hjá rannsóknardeild lögreglu.
Lögregla ræddi við fórnarlamb
árásarinnar í gær og er málið í
rannsókn. Mennirnir virðast ekki
hafa þekkst fyrir. - ht
Karlmaður um þrítugt stunginn með hnífi í bakið á Hverfisgötu í fyrrinótt:
Hnífamanna enn leitað í gær
TYRKLAND, AP Þriggja hæða heima-
vistarbygging hrundi snemma í
gærmorgun í bænum Balcilar í
Tyrklandi. Að minnsta kosti 17
manns fórust, flest stúlkur á
aldrinum 8 til 16 ára.
Svo virðist sem leki hafi komist
að gaslögnum í húsinu með þeim
afleiðingum að sprenging varð.
Rúmlega 40 stúlkur bjuggu á
heimavistinni, en björgunar-
mönnum tókst að bjarga að
minnsta kosti 27 þeirra úr
rústunum. Stúlkurnar dvöldust
þarna til að sækja kórannámskeið
í skólafríinu. - gb
Bygging hrundi í Tyrklandi:
Gassprenging á
heimavist
LEITAÐ Í RÚSTUNUM Lítið stóð eftir af
byggingunni. NORDICPHOTOS/AFP
LÖGREGLUSKÚR Reykjavíkurborg á skúrinn sem lögreglan mun
fá til afnota í sumar, og mögulega lengur ef reynslan verður
góð. FRÉTTABLAÐIÐ/ARNÞÓR
HVERFISGATA Karlmaður um þrítugt
var stunginn með hnífi í bakið nærri
Alþjóðahúsi á Hverfisgötu um klukkan
þrjú í fyrrinótt.
FRÉTTABLAÐIÐ/GVA
Guðmundur, var þetta ekki
rangur gangur að loka á
svanga og aðra sem vilja
hanga á Langa Manga?
Jú, vissulega er þetta strangur
gangur.
Kaffihúsinu Langa-Manga á Ísafirði var
lokað í gær. Guðmundur Hjaltason var
eigandi Langa Manga.
UMFERÐIN Erfitt og dýrt getur
verið fyrir gangandi vegfarend-
ur að kæra brotlega ökumenn.
Enda slík mál oft þannig að orð
stendur móti orði og sönnunar-
byrðin er þung.
Guðbrandur Sigurðsson, aðal-
varðstjóri umferðardeildar lög-
reglunnar á höfuðborgarsvæð-
inu, sagði í blaðinu nýlega að
hann teldi að gangbrautum ætti
að fjölga að nýju í íbúðahverfum.
Með því yrðu ökumenn skyldugir
til að stöðva bifreið sína fyrir
gangandi vegfarendum og hleypa
þeim yfir götuna, eins og um
rautt ljós væri að ræða.
En hver er réttur vegfarenda,
þegar bílstjórar virða ekki þenn-
an rétt?
„Lögreglan þarf helst að vera
vitni að málinu, þegar keyrt er
yfir á gönguljósi,“ segir Guð-
brandur. Ekki dugi framburður
þriðja vitnis, því matsatriði geti
verið hvenær stöðvunarskylda
sé brotin og hvenær ekki. Kærur
gangandi vegfarenda geti endað
í löngum og dýrum málarekstri,
sem síðan endar með sýknu.
„Það getur kostað kannski
hálfa milljón en svo er sektin við
brotinu fimm þúsund krónur,“
segir hann. Því þurfi að vega og
meta atvikin í hvert sinn.
Séu umferðarlög brotin, geti
hins vegar verið gott að hringja
og benda lögreglunni á það. „Ef
við fáum ábendinguna strax, með
góðri lýsingu á ökutækinu, þá er
reynt að senda nærliggjandi lög-
reglubíl til að vita hvort hægt sé
að hafa afskipti af ökutækinu.“
Einnig ef brotin eru ítrekuð, til
dæmis ef gjarnan er keyrt yfir
hámarkshraða í íbúðahverfi.
„Við erum dagsdaglega að skoða
slíkar ábendingar,“ segir Guð-
brandur.
Guðbrandur minnir þó á að
jafnvægi þurfi að vera í þessu
sem öðru, svo starfi lögreglunn-
ar verði ekki drekkt í kvörtunum
og skýrslugerð. Innhringingum
hafi nú þegar fjölgað mikið, eftir
að farsímar urðu vinsælir.
„Og fólk ætti alls ekki að fara á
nornaveiðar.“
klemens@frettabladid.is
Betra að kvarta en
kæra ökuníðingana
Gangandi vegfarendur eru rétthæstir hópa í umferðinni. Þeir eiga þó bágt með
að kæra þegar brotið er á þeim, svo sem þegar ökumenn virða ekki stöðvunar-
skyldu. Vænlegra gæti verið að taka upp farsíma og hringja á lögregluna.
Ef við fáum ábendinguna
strax, með góðri lýsingu á
ökutækinu, þá er reynt að senda
nærliggjandi lögreglubíl
GUÐBRANDUR SIGURÐSSON
AÐALVARÐSTJÓRI
REYKJAVÍK „Svo virðist sem
lögreglustjóri hafi verið þvingaður
til þess að breyta afstöðu sinni til
nektardans,“ segir Svandís
Svavarsdóttir, oddviti VG í
borgarstjórn. Lögreglustjórinn á
höfuðborgarsvæðinu gerir ekki
lengur athugasemd við að veitinga-
staðurinn Goldfinger fái leyfi til
nektardans eftir úrskurð frá
dómsmálaráðuneytinu.
Svandís mun leggja fyrir
borgarráð að beint verði til
Alþingis að lögum sem liggja til
grundvallar verði breytt. „Ef lögin
koma ekki í veg fyrir rekstur sem
hagnast á að misnota eymd kvenna
er kominn tími á breytingar.“ - ht
Borgarfulltrúar Vinstri grænna:
Vilja að lögun-
um verði breytt
Árni nýr veðurstofustjóri
Árni Snorrason, forstöðumaður vatna-
mælinga Orkustofnunar, hefur verið
skipaður forstjóri nýrrar Veðurstofu
Íslands. Vatnamælingar og Veðurstofa
verða sameinuð í janúar. Ellefu sóttu
um starfið.
UMHVERFISMÁL
MANNLÍF Útlit er fyrir að þátttöku-
met verði slegið í Evrópumeist-
aramótinu í mýrarbolta sem
haldið verður á Ísafirði um næstu
helgi. Að sögn Smára Karlssonar
drullusokks, en umsjónarmenn
mótsins bera jafnan þann titil,
höfðu 22 lið skráð sig til þátttöku
í gær en í fyrra tóku 25 lið þátt
sem var metþátttaka.
„Uppistaðan er heimafólk en
svo fáum við einnig lið héðan og
þaðan af landinu,“ segir Smári.
Mýrarbolti er svipaður
knattspyrnu nema að sex
leikmenn eru í hvoru liði og
keppnin fer fram í leðjudrullu.
- jse
Metþátttaka í mýrarbolta:
Margir vilja í
leðjuslaginn
HAMAGANGUR Í LEÐJUNNI Það er ekki
fyrir alla að taka þátt í mýrarbolta en þó
greinilega nógu marga.
Með falsað vegabréf
Albanskur karlmaður hefur í Héraðs-
dómi Reykjavíkur verið dæmdur í
þrjátíu daga fangelsi fyrir að hafa
falsað vegabréf í fórum sínum. Það
fannst við leit á honum á lögreglu-
stöðinni við Hverfisgötu 22. júlí. Hann
játaði og hlaut refsingu í samræmi
við dómvenju.
DÓMSTÓLAR
GANGANDI Í RÉTTI
„Þegar ökumaður ætlar að beygja á vegamótum, ber honum að veita
forgang þeirri umferð, sem á móti kemur, svo og gangandi vegfarendum og
hjólreiðamönnum sem fara þvert yfir akbraut þá, sem hann ætlar að fara á.
Sama á við um akstur yfir eða af akbraut þar sem eigi eru vegamót.“
- Úr 25. grein umferðarlaga
GULT LJÓS ÞÝÐIR STOPP Ökumenn sem beygja á vegamótum eru skyldugir til að
stoppa fyrir gangandi og hjólandi vegfarendum, hvort sem þar eru gönguljós eða
ekki. FRÉTTABLAÐIÐ/ANTON
SPURNING DAGSINS