Fréttablaðið - 02.08.2008, Blaðsíða 19

][
Mel MacMahon hætti í hátt-
settu starfi hjá Microsoft fyrir
tveimur árum. Hann ferðast nú
um heiminn og vinnur fyrir sér
með köfunar- og skíðakennslu.
Mel MacMahon er fæddur og upp-
alinn á Írlandi en flutti síðar með
fjölskyldu sinni til Toronto í Kan-
ada. Hann lauk mastersgráðu í
eðlis- og tölvunarfræði og bauðst
strax starf hjá höfuðstöðvum
Microsoft í Seattle. Honum gekk
vel í starfi; tók þátt í þróun forrita
og síðustu árin var hann í hópi
þeirra sem þróuðu nýjustu Xbox-
tölvuna. „Eftir sex ára starf ákvað
ég að breyta til. Ég hafði kennt
köfun og á skíði af og til og ákvað
að prófa að gera það að heilsdags-
vinnu,“ segir Mel. Hann sagði upp
starfinu hjá Microsoft fyrir tveim-
ur árum, seldi allar sínar eigur að
frátöldum útivistarbúnaði og fór
að ferðast um heiminn. „Þetta var
svolítið skrítið og þeir eru margir
sem telja mig hálfgeðveikan fyrst
ég sagði skilið við Microsoft.“
Mel heldur sér uppi með köfun-
ar- eða skíðakennslu, allt eftir því
hvar hann er staddur þá stundina.
Hann hefur dvalið á Íslandi síðustu
tvo mánuði og kennt Íslendingum
að kafa. „Ég lifi nú miklu félags-
legra lífi. Hjá Microsoft hafði ég
samskipti við mjög sérstakar
manngerðir og var lokaður af innan
fjögurra veggja. Í köfuninni hitt-
irðu fólk úr öllum stéttum og kyn-
þáttum; þú getur haft múrara, hús-
vörð og taugaskurðlækni í sömu
kennslustundinni og allir hafa þeir
frábærar sögur að segja frá hinum
ýmsu heimshlutum.“
Núverandi laun Mels eru langt
frá þeim sem hann hafði hjá
Microsoft. „Launin voru mjög góð
hjá Microsoft og vinir mínir höfðu
líka há laun svo það var ekki vanda-
mál að eyða miklu. Martini á tíu
dollara var normið. Núna þéna ég
minna, en það á einnig við um fólk-
ið sem ég umgengst svo nú er bjór
á tvo dollara það sem hentar.
Skemmtanagildið er það sama.“
Mel hefur ferðast víða síðastlið-
in tvö ár. Má meðal annars nefna
Kanada, Suðaustur-Asíu, eyjar í
Karíbahafinu, Kambódíu,
Singapúr, Dóminíska lýðveldið og
Japan en á síðastnefnda staðnum
kenndi hann krökkum á skíði.
Hann reynir að kynnast menningu
hvers lands og læra tungumálið.
„Krakkarnir í Japan kenndu mér
dálítið í japönsku og mér tókst að
kenna þeim á skíði á mjög bjöguðu
máli. Sú kennsla undirbjó mig and-
lega fyrir íslenskuna, tungumálið
ykkar er það erfiðasta sem ég hef
kynnst,“ segir Mel hlæjandi en
hann hefur sótt íslenskunámskeið
hjá Alþjóðahúsinu síðustu vikur.
Þrátt fyrir einlægan ferðaáhuga
ætlar hann ekki að eyða allri
ævinni í ferðalög. „Ég býst fast-
lega við að ráða mig í tæknistarf
einhvern tíma seinna.“
Mel fór af landi brott í gær en
hann segist munu koma hingað
aftur, enda séu tveir mánuðir á
Íslandi alls ekki nóg. „Ég gæti
hugsað mér að sækja um starf á
Íslandi og búa hér í eitt til tvö ár
áður en ég held ferðalögunum
áfram. Ég finn að heilinn er
byrjaður að ryðga pínulítið.“
mariathora@frettabladid.is
Töldu mig hálfgeðveikan
FR
ÉT
TA
B
LA
Ð
IÐ
/A
R
N
ÞÓ
R
Mel hefur kennt
Íslendingum köfun
síðastliðna tvo mán-
uði. Hann segir Silfru
á Þingvöllum einn
fallegasta stað sem
hann hefur kafað í.
Skútan Áróra leggur af stað
til Grænlands á mánudag þar
sem farið verður í kajaksigling-
ar og gönguferðir.
Lagt verður í sannkallaða ævin-
týraferð á skútunni Áróru á mánu-
dag. Þeir félagar Sigurður Jóns-
son og Rúnar Karlsson, eigendur
skútunnar og fyrirtækisins Borea
Adventures, ætla að sigla með hóp
ferðamanna til Grænlands þar
sem farið verður í göngur og siglt
á kajökum. „Við förum stystu leið-
ina yfir sundið og tekur ferðin til
Grænlands ekki nema rúman sól-
arhring. Við siglum svo niður með
Grænlandsströndum og endum í
Kúlusúk,“ útskýrir Rúnar, en
Grænlandsferðir þeirra taka tíu
daga meðan aðrar ferðir vara
yfirleitt sex daga.
Skútunni er alltaf siglt frá Ísa-
firði, en ferðirnar hefjast yfirleitt
í marslok. „Við byrjum árið á
jöklaferðum og erum í þeim út
maí. Þá siglum við á spennandi
skíðastaði, göngum á fjöll, skíðum
niður og gistum um borð. Þessar
ferðir hafa verið mjög vinsælar
hjá okkur,“ segir Rúnar.
Yfir sumartímann er farið í
skoðanaferðir um Hornstrandir
þar sem dýralífið er skoðað og
stefnan tekin á Grænland í ágúst.
„Í júní fórum við líka til Jan Mayen
og klifum nyrsta eldfjall heims,“
segir Rúnar.
Skútan Áróra tekur tíu gesti en
um borð eru ávallt skipstjóri,
kokkur og leiðsögumaður. Að sögn
Rúnars hafa erlendir ferðamenn
verið mun duglegri að nýta sér
ferðirnar en Íslendingar og má
þar nefna Kanadamenn, Breta,
Frakka og Bandaríkjamenn.
Þeir sem hafa áhuga á að kynna
sér ferðirnar betur er bent á
heimasíðuna www.boreaadvent-
ures.com. -kka
Siglt á vit ævintýra
Skútan Áróra er stærsta seglskúta lands-
ins. MYND/BOREAADVENTURES
Ferðafélag Íslands býður upp
á kynningarferð um Þjórsárver
sunnudaginn 10. ágúst.
Lagt verður af stað í Þjórsárver
frá Reykjavík klukkan átta að
morgni og frá Árnesi klukkan tíu.
Tilgangur ferðarinnar er að kynna
fólki Þjórsárver, en hugmyndin er
sú að til þess þurfi ekki endilega
margra daga ferð yfir jökulvötn.
Til að koma sem flestum upplýs-
ingum til skila um svæðið verður
haldinn kynningarfundur fyrir
þátttakendur deginum áður í
Mörkinni 6, þar sem farið verður
yfir undur Þjórsárvera í myndum
og máli.
Það verður þó ekki komist hjá
því að blotna aðeins, því vaða þarf
yfir þrjár kvíslar og fyrir þá sem
vilja ekki fara yfir á tánum er
heppilegt að hafa vaðskó með.
Þeir sem vilja kynna sér þessa
ferð betur er bent á heimasíðu
Ferðafélags Íslands, www.fi.is. - kka
Fræðsla án fyrirhafnar
Útivist er ferðafélag sem býður félagsmönnum og
öðrum upp á fjölbreyttar ferðir í skemmtilegum félagsskap.
Sjá nánar www.utivist.is.
BÍLALEIGUBÍLAR
SUMARHÚS Í DANMÖRKU
Sumarhús
Útvegum sumarhús í
Danmörku af öllum stærðum
Fjölbreyttar upplýsingar á
www.fylkir.is
LALANDIA - Rødby
Lágmarksleiga 2 dagar.
LALANDIA - Billund
Nýtt frábært orlofshúsahverfi
rétt við Legoland.
Ódýrari bílaleigubílar
fyrir Íslendinga.
Bílar frá dkr. 1.975.- pr. viku.
Innifalið í verði;
ótakmarkaður akstur, allar
tryggingar, engin sjálfsábyrgð.
( Afgr.gjöld á flugvöllum).
Höfum allar stærðir bíla, 5 – 7
manna og minibus 9 manna og
rútur með eða án bílstjóra.
Hjálpa þér að halda öllu í skorðum í skúffum.Einning sjálflímandi filt til
að klæða skúffur og filt með verjandi efni svo ekki falli á silfur og silf-
urplett.Við eigum líka fægilög,fægiklúta og ídýfulög til að hreinsa.
SENDUM Í PÓSTKRÖFU.
SJÁLFLÍMANDI HNÍFAPARASKORÐUR
Gullkistan - Frakkastíg 10 - Sími: 551-3160.