Fréttablaðið - 02.08.2008, Blaðsíða 18
[ ]
Erlendis eru ýmsar leiðir farn-
ar til að leysa bílastæðavanda.
Flestar lausnirnar felast í því
að fæla ökumenn frá.
Öll viljum við leggja bílnum beint
fyrir utan áfangastað okkar. Það
er hins vegar óraunhæfur mögu-
leiki í miðborgum og þar er
Reykjavík engin undantekning,
þar sem lagt er í hvert stæði og
oft þarf að ganga langar vega-
lengdir frá stæði til áfangastaðar.
Ýmsar leiðir hafa verið farnar
erlendis til að leysa bílastæða-
vandamál stórborga.
Algengast er að fæla ökumenn
einfaldlega frá því að koma á
bílum sínum og hvetja þá frekar
til að nota almenningssamgöngur.
Vissum götum er lokað á ákveðn-
um tíma dags, borga þarf tolla
fyrir að koma með bíla inn á
afmörkuð svæði og bílastæði eru
dýr.
Þó að þessar aðgerðir hafi víða
gefið góða raun, eins og til dæmis
í London, verður að teljast ólíklegt
að þær séu raunhæfar í fram-
kvæmd hérlendis. Að loka götum
gæti skapað fleiri vandamál en
lausnir í Reykjavík og íbúar mið-
borgarinnar yrðu líklega afar
óánægðir með að komast ekki að
húsum sínum. Þar sem Íslending-
ar kvarta nú undan háu verði á
bílastæðum er heldur ekki fýsi-
legt að hækka verð á stæðum og
leggja á vegatolla. Þar að auki
skapar það hættu á að einungis
efnameiri einstaklingar hafi efni á
að keyra og leggja í miðborginni.
Víða hefur sú leið verið farin að
bjóða ökumönnum upp á tíma-
bundin ókeypis bílastæði, til
dæmis í Danmörku og Þýskalandi.
Bílastæðaklukkur koma þá í stað
stöðumæla. Þetta hefur verið
reynt á Akureyri og umhverfis-
mildari bílar í Reykjavík fá einnig
að leggja í stæði í 90 mínútur í
senn án þess að greitt sé fyrir. „Á
Akureyri ríkir almenn ánægja
með kerfið,“ segir Ásdís Helga-
dóttir, verkefnastjóri fjárreiðu-
deildar Akureyrarbæjar. Að sögn
Kolbrúnar Jónatansdóttur, fram-
kvæmdastjóra Bílastæðasjóðs,
hafa hins vegar fáir nýtt sér þessa
þjónustu í Reykjavík.
Hluti bílastæðavandans liggur í
mismunandi þörfum hópanna sem
sækja miðborgina. Íbúar hennar
vilja komast heim til sín en gestir
vilja komast í vinnu, í búðir og á
kaffihús. Þar sem gjaldskylda
hefur verið tekin upp, til dæmis á
Ránargötu, ríkir ánægja meðal
íbúa sem þurfa nú loksins ekki að
þræða nærliggjandi götur í leit að
stæðum á kvöldin. Aðra sögu er að
segja af gestum sem nú þurfa að
greiða fyrir stæði eða leggja enn
vestar.
Vandinn liggur líka í hugarfar-
inu. Fæstir eru tilbúnir að nota
almenningssamgöngur, enda
býður veðurfar og skipulagning
samgangna hér ekki upp á góðar
stundir yfir blauta vetrarmánuði.
Við erum heldur ekki tilbúin að
borga fyrir stæðin. Bílastæðahús
eru dýr bæði í byggingu og rekstri
og á svæði þar sem slegist er um
hverja einustu lóð þykir lítt spenn-
andi að byggja stór bílastæðahús.
Lausnin er því ekki í sjónmáli
nema ef vera skyldi að hún liggi
inni í bílskúrum landsmanna, en
margir erlendir ferðamenn hafa
haft það á orði að þeir undrist að
sjá ekki fleiri hjólreiðamenn í
veðurblíðu síðustu vikna.
tryggvi@frettabladid.is
Engin lausn í sjónmáli
Ólíkar lausnir á bílastæðavandanum henta ólíkum hópum miðborgarinnar. Vandinn
liggur í því að finna lausn sem allir geta sætt sig við. FRÉTTABLAÐIÐ/VILHELM
Í London var brugðið á það ráð að
mynda sérstakt tollasvæði í miðborginni
til að draga úr aðsókn ökumanna.
NORDIC PHOTO/GETTY
Volvo var að kynna nýja tískulínu. Það er ekki á hverjum degi sem
vörubílaframleiðandi kynnir allsherjar tískulínu en sú var raunin hjá
Volvo. Volvo í Svíþjóð vann hugmyndina í samvinnu við fatahönnuði
hjá IKEA. Sjá www.brimborg.is.
Málningarvörur ehf. | Lágmúla 9 | Sími: 581 4200 | malning@malningarvorur.is | www.malningarvorur.is
Hjá Málningarvörum ehf – áður Gísli Jónsson ehf –
færðu heimsþekktar bón- og hreinsivörur frá
Concept og Meguiar’s. Komdu og fáðu réttu efnin
og ráðgjöf frá fagmönnum um hvernig þú getur
gert bílinn hreint og beint skínandi fallegan!
Meistarabón
Auglýsingasími
– Mest lesið