Fréttablaðið - 13.08.2008, Blaðsíða 16

16 13. ágúst 2008 MIÐVIKUDAGUR
greinar@frettabladid.is
FRÁ DEGI TIL DAGS
UMRÆÐAN
Böðvar Böðvarsson skrifar um tillögur
að Listaháskóla.
Af þeim tillögum sem komu fram í samkeppni um verkið Listaháskóli í
Reykjavík hefur umræðan snúist mest um
þá tillögu sem dómnefndinni leist best á.
Aðrar tillögur voru þó nær því að falla að
því byggingamagni sem hentar á staðnum.
Svo sem tillaga númer 14, ef fórna á
húsunum númer 43 og 45.
Ég hef ekki heyrt annað en að höfundur hafi
unnið sitt verk af fagmennsku. En þessi gífurlegi
byggingarmassi á ekki stærri reit verður að teljast
helmingi of mikið á svo rólegum stað. Í það
minnsta að mati þeirra sem alist hafa upp í
hverfinu. Hvað viðkemur stærð eða því rými sem
þarf í 200 þúsund manna byggð hlýtur það að vera
umdeilt eða misjafnar skoðanir þar um. Það getur
því ekki talist óeðlilegt að sá aðili sem situr í stól
borgarstjóra gefi sér tíma til að leyfa borgarbúum
að átta sig á því hvað er að gerast. Undirritaður,
sem hefur haft þessa götumynd fyrir augunum í
hálfa öld, hefur ekki heyrt menn kvarta undan því
sem við blasir hvern dag. Allavega sé ég ekki að
það gangi upp í varðveislu húsa á svo viðkvæmu
svæði. Það er eins gott að nýja götumyndin
verði ekki réttlætt með klisjunni um „barn
síns tíma“.
Auðvitað hafa teiknarar eytt tíma í þetta
verk, en strokleðrið er ódýrara en loft-
pressan. Eftir umsögn dómnefndar er
þarna hæft fólk sem fer létt með að laga
sig að öðrum og betri leiðum. Höfum við
ekki horft upp á að hús hafi verið teiknuð
tvisvar eða þrisvar sinnum þar til komist
er að farsælli niðurstöðu? Eða hvað liggur
svona mikið á? Eru þetta síðustu árin sem
Reykjavíkurborg heldur sínum lóðaréttindum?
Þarf að loka öllum reitum þar sem sólin fær að
skína – er ekki í lagi að börnin sem prýða leikskól-
ana í dag fái tækifæri til að hafa eitthvað með
borgina að gera í framtíðinni? Svo ekki sé talað um
þá ókomnu sem enginn sér. Auðvitað er eðlilegt að
framkvæmdir gangi hratt fyrir sig eftir að þær
eru komnar í startholurnar en við eigum nóg af
stórum mistökum, sem hafa orðið vegna fljótfærni,
þótt við gefum ekki skipulagsfræðingi fleiri
tækifæri sem falla að ummælum hans: þar sem
hann taldi Reykjavík með ljótustu borgum í
Evrópu, eða í heimi, ásamt Prag. Ekki náum við
saman þar.
Höfundur er húsasmíðameistari í Reykjavík.
Hringdu í síma
ef blaðið berst ekki
Þegar þessar línur eru ritaðar er sennilega fullsnemmt að spá
um það hver verði talinn helsti
menningarviðburður sumarsins í
Frakklandi, en eitt hefur þó séð
dagsins ljós sem reynist vafalaust
skæður keppandi um þennan
eftirsóknarverða titil, og það er
nýr geisladiskur hinnar vinsælu
vísnasöngkonu Cörlu Bruni. Þótt
þessi fjölmiðlastjarna væri fræg
fyrir hitt og þetta, m.a. fyrir það
að vera fyrirsæta á toppinum með
öllu sem því fylgdi, svo og ekki
síst fyrir að vera fyrirmyndin að
persónu (og reyndar hinni verstu
norn) í umtalaðri skáldsögu, vakti
hún einkum athygli árið 2002
þegar hún sendi frá sér sinn fyrsta
geisladisk, sem hét „Einhver sagði
mér“ og mun hafa selst óhemju
vel. Titillagið flutti hún jafnframt
á netinu og var þar endurtekið æ
ofan í æ viðlagið: „Einhver sagði
mér það, hann elskar mig enn.“
Þar gátu menn heyrt og séð að hún
hefur ákaflega litla rödd, en er
eigi að síður lagviss, hún hvíslaði
lag og texta á mjög „intímískan“
hátt ef svo má segja og sló
gítargrip undir.
Næsti geisladiskurinn, þar
sem hún söng ensk ljóð undir
sínum eigin lögum, vakti ekki
eins mikla athygli, en í þessum
þriðja geisladisk sínum snýr hún
aftur til upprunans og er það
talið lofa góðu. Hann ber heitið
„Eins og ekkert hafi gerst“, og
er öllum ljóst að þessi orð víkja
að því að í millitíðinni er Carla
Bruni orðin spúsa Nikulásar
Sarkozys Frakklandsforseta; um
leið og búið var að taka til eftir
brúðkaupsveisluna lét hann setja
upp upptökuherbergi í forseta-
höllinni og þar var geisladiskur-
inn síðan tekinn upp.
Nú er það vitanlega mjög
algengt að ungar konur á öllum
aldri rauli ástarsöngva og spili
undir þeim vinnukonugripin á
gítar, með fáeinum viðbótum
kannske sóttum utar í fimmunda-
hringinn, en þegar söngkonan er
jafnframt forsetafrú landsins
verður atburðurinn stærri.
Fréttamenn hafa nú skilið heiti
geisladisksins sem vinsamlega
ábendingu til hlustenda og
gagnrýnenda um að gleyma því,
en býsna hætt er við því að slíkt
takist mismunandi vel.
Þetta reyndi gagnrýnandi
blaðsins „Le Monde“ þó að gera,
hann tók að sér það hlutverk „að
leika strút“, eins og það var
orðað, og fannst honum geisla-
diskurinn svona upp og niður.
Bestu dómana fengu eldri lög
sem Carla Bruni tók þar upp, t.d.
bandaríska lagið „You Belong to
Me“ frá 1952, sem hún syngur
óneitanlega nokkuð fallega í
sínum stíl. Hann hælir einnig lagi
hennar við texta eftir rithöfund-
inn Ullabjakk sem Íslendingum
er kunnur af blautlegum svart-
sýnissögum sínum. En honum
líkaði miður vel við lög og texta
Cörlu Bruni í franskri vísna-
söngshefð og taldi að sá stíll
hentaði henni ekki vel.
En meðan geisladiskurinn var í
undirbúningi, hermdu blaðafregn-
ir að forsetinn treysti því ekki að
hlustendur yrðu eins hlutlausir og
gagnrýnandi „Le Monde“ reyndist
vera. Jafnvel var sagt að hann
hefði komið á fót „kreppunefnd“ í
forsetahöllinni til að fylgjast
grannt með og koma í veg fyrir
allt sem illar tungur kynnu að
mistúlka. Og það kom í hlut
þessarar nefndar, eins og blöð
skýrðu frá áður en geisladiskur-
inn sjálfur birtist, að velta
vöngum yfir hugljúfum ástaróð
eftir Cörlu Bruni sem nefndist
„Dópið mitt“ og byrjar á þessa
leið (þess verður að geta að á
frummálinu yrkir rímið nokkurn
hluta af textanum og er merking-
in stundum sveigð undir það, en
slíkt fer forgörðum í þýðingu):
„Þú ert dópið mitt,
eiturlyfið mitt, mín æðsta nautn,
þú blómstrar í mestu sætindum
sálar minnar.
Þú ert dópið mitt,
þú ert mín sort af unaðssemdum
á dagskrá,
ég anda þér að mér, ég anda þér
frá mér og ég fell í yfirlið,
ég bíð eftir þér eins og maður
bíður eftir manna.
Þú ert dópið mitt,
ég elska þín augu, þitt hár,
þinn ilm,
komdu hingað svo ég geti
bragðað á þér, teygað í mig
ilminn,
þú ert mín fagra ást, mitt
öfugritunarorð.
Þú ert dópið mitt,
banvænni en heróín frá
Afganistan,
hættulegri en hvíta duftið frá
Kólumbíu,
þú ert mín lausn, mitt blíða
vandamál.“
Þetta mun nefndin hafa lagt
blessun sína á, því ekki ber á öðru
en að lagið og textinn séu á
geisladisknum. En sendiráð
Kólumbíu í París mótmælti hins
vegar hástöfum. Þótt maður skapi
menningarviðburð er sem sé ekki
hægt að þóknast öllum.
„Þú ert dópið mitt“
EINAR MÁR JÓNSSON
Í DAG | Menning
BÖÐVAR
BÖÐVARSSON
Listaháskóli við Laugaveg
Ekki aðdáandi sönghópa?
Álitsgjafar keppast nú við að eggja
Óskar Bergsson til að ganga milli
bols og höfuðs á núverandi borgar-
stjórnarmeirihluta og stofna til nýs
samstarfs við sjálfstæðismenn,
sem hljóti að vera orðnir þreyttir á
að reyna að eiga við ólíkindatólið í
borgarstjórastólnum og langeygir eftir
raunverulegum völdum. Þegar Ólafur
hljóp frá borði hundrað daga meiri-
hlutans mátti heyra stóryrtar
yfirlýsingar úr ranni liðs-
manna Tjarnarkvartettsins
þess efnis að fjórmenning-
arnir, oddvitar minnihlutans
auk Margrétar Sverrisdóttur,
myndu standa saman í
gegnum súrt og sætt.
Enginn styngi af eins
og Ólafur hefði gert. Þann örlagaríka
dag var Björn Ingi Hrafnsson hins
vegar enn höfuð Framsóknar í borg-
inni og því væri forvitnilegt að vita
hvort Óskar er jafn dyggur stuðnings-
maður kvartettsins og Björn Ingi var.
Kalt á toppnum
Ákveði Óskar að ýta Ólafi til hliðar og
komast þannig til valda hefur hann
risið ansi hátt – og töluvert hærra
en ætla mátti fyrir hálfu þriðja ári.
Óskar hafnaði nefnilega í þriðja sæti
í prófkjöri Framsóknarflokksins fyrir
kosningar, á eftir Birni Inga og Önnu
Kristinsdóttur. Forlögin hafa hins
vegar hagað málum þannig að nú
situr Óskar einn á toppnum og
gæti viljað klífa þann næsta.
Þar getur hins vegar verið
ansi kalt, eins og dæmin sanna, og
óvíst hvort Óskar er nægilega vel
búinn.
Tímaþjófar ríkis og sveitar
Haft er eftir Kristjáni L. Möller sam-
gönguráðherra á Eyjunni að skipulags-
vinna hjá sveitarfélögum á Suðurlandi
hafi tafið fyrir tvöföldun vegarkaflans á
milli Hveragerðis og Selfoss. Þá skilur
hann eflaust hvernig Húsvíkingum er
innanbrjósts en þeir vilja meina að
einhver sem er honum
nærri í pólitíkinni sé
að tefja fyrir þeim
með fyrirhugað álver
á Bakka.
stigur@frettabladid.is/
jse@frettabladid.is U
ndanfarna mánuði hefur Geir Haarde forsætis-
ráðherra mátt sitja undir því af sívaxandi þunga að
búa ekki yfir nægum leiðtogahæfileikum. Hafa þær
raddir komið úr öllum hornum, líka innan úr hans
eigin flokki.
Þetta er alvarleg gagnrýni. Stjórnendur sem skortir leiðtoga-
hæfileika verða sjaldnast langlífir í starfi. Og örugglega ekki
þegar þeir eiga að vera í forystu fyrir heila þjóð.
Þeir sem hafa gripið til varnar fyrir forsætisráðherra benda
á að hann gjaldi fyrir alþjóðlega niðursveiflu vegna hækkandi
vöruverðs og hremminga á helstu fjármálamörkuðum heimsins.
Hvorutveggja hitti þjóðina illa fyrir, en hann fái eðli málsins
samkvæmt ekki ráðið við.
Þetta er hárrétt. Hitt er annað mál að gjarnan kemur ekki í
ljós hvort menn séu gæddir alvöru forystuhæfileikum fyrr en
þeir lenda í mótvindi. Þá má greina sauðina frá höfrunum. Og
viðbrögð forsætisráðherra við kúvendingu í efnahagsmálum
landsins hafa ekki verið sannfærandi.
Vissulega er hægt að hafa misjafnar skoðanir á ásökunum um
meint aðgerðarleysi ríkisstjórnar Geirs. Það er til dæmis fylli-
lega í anda stefnu Sjálfstæðisflokksins að gefa hagkerfinu kost
á að leita jafnvægis án inngrips ríkisvaldsins.
Óumdeildara er að það hefur ekki verið mikill foringjabragur
á forsætisráðherra í viðtölum við fjölmiðla undanfarna mánuði.
Geir hefur hreint ekki glansað í samræðum við fólkið í landinu.
Það er fáum gefið að geta horft í augun á þjóð sinni og stappað í
hana stálinu. Þegar Davíð Oddsson var upp á sitt besta var hann
þeim hæfileika ríkulega búinn. Sama má segja um Steingrím
Hermannsson. Geir virðist einfaldlega ekki vera gefin þessi
kúnst.
Greinilegt óþol er tekið að myndast innan Sjálfstæðisflokksins
yfir ástandinu. Ekki bætir úr skák að Geir missti af tækifærinu
til að ná fram kynslóðaskiptum í forystusveit flokksins í kjölfar
kosninganna í fyrra. Þar vann Sjálfstæðiflokkurinn glæsilegan
sigur undir forystu Geirs og hann hafði í hendi sér að fela mönn-
um á borð við Bjarna Benediktsson og Illuga Gunnarsson stór
hlutverk. Það gerði hann ekki. Guðlaugur Þór Þórðarson endaði
hins vegar í heilbrigðisráðuneytinu, en hann, Bjarni og Illugi
hafa allir verið nefndir sem líklegir forystumenn til framtíðar
fyrir Sjálfstæðisflokkinn.
Ráðstafanir Geirs hafa tryggt að þeir eru ekki í stöðu til að
sýna hvað í þá er spunnið. Hingað til hefur heilbrigðisráðuneytið
verið nánast örugg ávísun á megnar óvinsældir, enda hafa sjálf-
stæðismenn glaðir falið öðrum flokkum það ráðuneyti í ríkis-
stjórnarsamstarfi, þar til Guðlaugur tók það að sér.
Andstæðingar Sjálfstæðisflokksins gráta örugglega ekki
óróleikann þar innan borðs. Forystukreppa í flokknum er hins
vegar háskaleg fyrir þjóðina vegna fyrirferðar hans í stjórn-
málalífi landsins. Hræðslan við að taka Evrópuumræðuna föst-
um tökum er ein birtingarmynd skaðans á landsvísu. Önnur
er dæmalaus staða í stjórn Reykjavíkur. Þar brást Geir fyrst
leiðtogaskyldum sínum síðastliðið haust þegar borgarstjórnar-
flokkur hans logaði stafnanna á milli út af REI-málinu og aftur
þegar hann blessaði feigðarför Vilhjálms Þ. Vilhjálmssonar og
Kjartans Magnússonar á fund Ólafs F. Magnússonar nú í árs-
byrjun. Það þarf styrkari handtök við stjórn stærsta flokks
landsins en Geir hefur sýnt.
Sjálfstæðisflokkurinn er á tímamótum.
Háskalegur
skortur á forystu
JÓN KALDAL SKRIFAR
ÚTGÁFUFÉLAG: 365
RITSTJÓRAR: Jón Kaldal og Þorsteinn Pálsson AÐSTOÐARRITSTJÓRI: Steinunn Stefánsdóttir FRÉTTASTJÓRAR: Arndís
Þorgeirsdóttir, Kristján Hjálmarsson, Trausti Hafliðason og Höskuldur Daði Magnússon (dægurmál). FULLTRÚI RITSTJÓRA:
Páll Baldvin Baldvinsson. VIÐSKIPTARITSTJÓRAR: Björn Ingi Hrafnsson og Óli Kr. Ármannsson. Fréttablaðið kemur út í
103.000 eintökum og er dreift ókeypis á heimili á höfuðborgarsvæðinu, Akureyri og þéttbýlissvæðum á suðvesturhorninu.
Einnig er hægt að fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í
stafrænu formi og í gagnabönkum án endurgjalds. issn 1670-3871