Fréttablaðið - 13.08.2008, Blaðsíða 18
MARKAÐURINN 13. ÁGÚST 2008 MIÐVIKUDAGUR2
F R É T T I R
„Ég myndi segja að þetta væri
svona 10 til 25 prósenta hækkun.
Sumir hlutir hækka ekki neitt en
hæsta hækkunin er 25 prósent,“
segir Þórarinn Ævarsson, fram-
kvæmdastjóri Ikea.
Nýr verðlisti tekur gildi 15.
ágúst en um tíu dagar líða áður
en öllu verði hefur verið breytt.
„Það er því millibilsástand frá
15. ágúst til mánaðamóta. Við
munum breyta um það bil einni
deild á dag. Þangað til verður
gamla verðið í gildi.“ Innkaups-
verðið frá Ikea breytist á hverju
ári. Miklar verðhækkanir verða á
olíutengdum vörum, t.d. öllu sem
er svampur í. Aftur á móti hefur
vefnaðarvara farið lækkandi.
„Við ætlum ekki að velta öllu
gengisfallinu og verðbólgunni
á verðlagið. Við erum að festa
verðið í eitt ár og við vonumst til
að gengið styrkist á þeim tíma. Ef
við ætluðum að vera með sömu
væntingar til framlegðar og í
fyrra þá þyrftum við að hækka
um 30 til 40 prósent. Það verður
ekki gert þó einhverjar hækkan-
ir verði“, segir Þórarinn. - ghh
Verð hækkar í Ikea
Tíu daga tekur að breyta verði í allri búðinni.
Guðný Helga Herbertsdóttir
skrifar
Fasteignamarkaður á enn eftir að gefa eftir, að
mati Ásgeirs Jónssonar, forstöðumanns greining-
ardeildar Kaupþings. Lækkunin segir hann munu
koma misjafnlega fram eftir svæðum og tegund-
um húsnæðis.
„Í sjálfu sér hafa aðstæður til að kaupa íbúð oft
verið hagstæðari en nú og út frá því er betra að
bíða. Það veltur þó að sjálfsögðu á því hvaða verð
fólki heppnast að semja um og hvort draumaeignin
sé loks komin í skotfæri,“ segir Ásgeir.
Þinglýstum kaupsamningum á höfuðborgarsvæð-
inu fækkaði um 28, frá 81 til 53, milli vikna sam-
kvæmt Fasteignamati ríkisins. Heildarveltan var
1.775 milljónir króna í síðustu viku en það er langt
undir meðalveltu þinglýstra kaupsamninga síðustu
6 mánuðina en hún er 2.186 milljónir. Veltan á fast-
eignamarkaði hefur dregist saman um 64 prósent
og íbúðaverð á höfuðborgarsvæðinu hefur lækk-
að um 3,2 prósent á nafnverði á síðustu tólf mán-
uðum. Sé litið til raunvirðis er lækkunin talsvert
meiri vegna verðbólgu. „Vandamálið er að það er
of lítil velta og viðskiptin eru svo lítil. Verðgildi
húseigna hefur þegar lækkað á markaðinum vegna
hárra vaxta, efnahagsaðstæðna og aukins fram-
boðs sem hefur leitt til hálfgerðs frosts á markaðn-
um sem verður að þíða með verðlækkunum og auk-
inni veltu. Fasteignamarkaðurinn getur ekki tekið
almennilega við sér fyrr en vextirnir lækka. Vaxta-
kostnaðurinn er alltof hár í dag. Um leið og vaxta-
lækkunarferlið byrjar og jafnvel aðeins fyrr þá er
líklegt að vextirnir fari lækkandi á fasteignalánum.
Markaðurinn getur ekki komist á rétt ról fyrr en
vextirnir lækka,“ segir Ásgeir.
Ingibjörg Þórðardóttir, formaður Félags fast-
eignasala, segir að ákvörðun Íbúðalánasjóðs að
lána samkvæmt kaupverði en ekki brunabótamati
hafi liðkað fyrir fasteignaviðskiptum. Heildarútlán
sjóðsins hafa aukist um 38 prósent í júlí ef miðað
er við sama tíma í fyrra. Námu þau 8,7 milljörðum
og hafa ekki verið meiri í einum mánuði síðan í júní
2004. „Fólk er farið að fjármagna fasteignakaup sín
í auknum mæli með Íbúðalánasjóði og lífeyrissjóð-
um enda eru skilmálarnir yfirleitt mun hagstæðari
en í bönkunum,“ segir Júlíus Jóhannsson, sölustjóri
fasteignasölunnar Stórborgar.
Útlánavextir Íbúðalánasjóðs lækkuðu á mánu-
dag í kjölfar útboðs á íbúðabréfum. Fyrir voru
vextirnir 5,05 prósent en verða núna 4,9 prósent
með uppgreiðsluákvæði. Án uppgreiðsluákvæðis
verða vextirnir 5,4 prósent í stað 5,55 prósenta.
Vaxtaákvörðunin byggist á ávöxtunarkröfu í útboði
íbúðabréfa sem haldið var fyrir helgi ásamt vegn-
um fjármagnskostnaði uppgreiðslna ÍLS-veðbréfa.
Lægri vextir myndu
koma á jafnvægi
Veltan á fasteignamarkaði hefur dregist saman um 64 pró-
sent á einu ári. Þá hefur íbúðaverð lækkað um 3,2 prósent.
Íbúðalánasjóður hefur lækkað útlánavexti sína.
FASTEIGNIR Fólk fjármagnar frekar fasteignakaup sín með lánum
frá Íbúðalánasjóði og lífeyrissjóðunum en bönkum, segir Júlíus
Jóhannsson, sölustjóri Stórborgar. FRÉTTABLAÐIÐ/PJETUR
Vika Frá ára mót um
Alfesca -0,1% -2,2%
Atorka 0,7% -44,2%
Bakkavör 9,3% -52,0%
Exista 13,7% -61,4%
Glitnir 1,0% -30,5%
Eimskipafélagið -1,0% -59,2%
Icelandair 2,0% -36,8%
Kaupþing 1,8% -18,4%
Landsbankinn 0,2% -34,9%
Marel 0,4% -17,8%
SPRON 15,5% -61,7%
Straumur 1,3% -38,1%
Teymi -25,0% -77,3%
Össur 1,2% -11,7%
*Miðað við lokagengi í Kauphöll á mánudag.
G E N G I S Þ R Ó U N
Hamleys leikfangaverslunarkeðj-
an, sem er í eigu Baugs, opnar
verslanir í Mumbai og Nýju Delí
á Indlandi síðar á árinu. Báðar
verslanirnar eru sagðar verða
mjög stórar, að fyrirmynd aðal-
verslunarinnar í Lundúnum.
„Ég er afar spenntur yfir því að
færa töfra Hamleys til Indlands,“
segir Paul Currie, viðskiptastjóri
Hamleys í tilkynningu sem fyrir-
tækið sendi frá sér. Móttökurnar
þar hafi nú þegar verið góðar.
Fyrirtækið hefur verið í útrás
að undanförnu en í júní var opnuð
verslun í Amman, höfuðborg
Jórdaníu, og ráðgerð er opnun í
Dublin á Írlandi í október. - ghh
Hamleys í útrás
Eignarhald á Kistu hefur breyst
umtalsvert. SPRON og Spari-
sjóður Keflavíkur eiga nú 98
prósenta hlut í félaginu. Spari-
sjóður Svarfdæla og Spari sjóður
Mýrasýslu eiga eins prósenta
hlut hvor.
Kista var upprunalega stofnað
sem fjárfestingarfélag sparisjóð-
anna. Ein helsta eign félagsins
hefur verið stór hlutur í Existu.
„Þetta hefur ekki gengið sem
skyldi að undanförnu en við
höfum innleyst umtalsverðan
hagnað á undanförnum árum,“
segir Friðrik Friðriksson, spari-
sjóðsstjóri Sparisjóðs Svarfdæla.
Annars segir Friðrik stöðu
sparisjóðsins góða. „Við ætlum
að einbeita okkur að hluta-
félagavæðingu sem ætti að
klárast seinni part þessa árs,“
segir hann og kveður Sparisjóð
Svarfdæla ekki hafa leitað til
Íbúðalánasjóðs eftir fjármögn-
un í nýjum lánaflokki en komi
til með að gera það þegar fram
líða stundir.
Kista var lengst af í eigu sex
sparisjóða; SPRON, Sparisjóðs
Keflavíkur, Sparisjóðs Mýra-
sýslu, Sparisjóðs Vestfirðinga,
Sparisjóðs Húnaþings og Stranda
og Sparisjóðs Svarfdæla. - bþa
Kista á færri hendur
Vöxtur í veltu dagvöruverslun-
ar hefur aldrei verið meiri frá
því að farið var að mæla smá-
söluvísitöluna árið 2001. Þetta
kemur fram í nýrri samantekt
Rannsóknarseturs verslunarinn-
ar sem birti í upphafi vikunn-
ar smásöluvísitöluna fyrir júlí.
Aukningin var rúm 22 prósent
í júlí miðað við sama mánuð
í fyrra á breytilegu verðlagi.
Ef miðað er við fast verðlag
þá nam veltuaukningin 3,2 pró-
sentum. Veltuaukningin er því
að mestu tilkomin vegna hækk-
unar verðlags en verð á dag-
vöru hækkaði um rúm 18 pró-
sent á einu ári. Áfengissala jókst
um rúman fjórðung miðað við
breytilegt verðlag en 17 pró-
sent á föstu verðlagi en áfengis-
verð hefur hækkað um 8 prósent
á milli ára. Sala á fatnaði jókst
einnig en aukningin nam 7 pró-
sentum á breytilegu verðlagi og
nærri 4 á föstu verðlagi. Verð á
fatnaði hækkaði um 3,1 prósent
á síðustu 12 mánuðum sem er
þó minni hækkun en í flestum
öðrum vöruflokkum.
Samanlögð velta í smávöru-
verslun eykst um tæp 7 prósent
á milli ára á föstu verðlagi en 23
prósent á breytilegu. Af öllum
vöruflokkum vega dagvara og
áfengi þyngst í hækkuninni. - ghh
Dagvöruvelta aldrei verið meiri
VERSLUN Af öllum vöruflokkum vega
dagvara og áfengi þyngst í hækkuninni.
FRÉTTABLAÐIÐ/E.ÓL.
„Það hefur aldrei gengið eins vel
og síðustu fjórar vikur,“ segir
Guðni Aðalsteinsson, fram-
kvæmdastjóri fjárstýringar
Kaupþings, en innlán á Kaup-
þing Edge-reikningum í Bret-
landi hafa aukist mikið undan-
farið.
Ástæðan er meðal annars sú að
undanfarið hafa margir bresk-
ir viðskiptabankar lækkað inn-
lánsvexti sína. Barclays hefur
lækkað vexti á mörgum reikn-
ingum um 0,25 prósent og Abbey
hefur lækkað vexti á flestum
reikningum sínum um 0,2 pró-
sent. Þetta er liður í tilraunum
breskra banka til að verja eig-
infé sitt og auka arðsemi í ljósi
mikilla afskrifta að undanförnu.
„Menn eru að kalla yfir sig
reiði neytenda með svona að-
gerðum,“ segir Guðni, en vaxta-
lækkanirnar hafa allar orðið
á eldri reikningum sem bank-
arnir eru hættir að bjóða upp.
Bankarnir vonast til þess að við-
skiptavinir þeirra gæti ekki að
sér og flytji sparifé sitt yfir á
reikninga sem bjóða betri kjör.
„Við erum að vinna okkur nafn
í Bretlandi og höfum einsett
okkur að vera mjög samkeppnis-
hæfir, sérstaklega á bundnum
reikningum,“ sagði Guðni. - msh
LONDON Innlánsvextir á Edge-reikn-
ingum Kaupþings laða að eftir að
breskir bankar lækka sína innlánsvexti.
MARKAÐURINN/GETTY
Breskir vextir lækka
Stóraukin viðskipti hjá íslenskum bönkum.
Guðbjörg Edda Eggertsdótt-
ir hefur verið ráðin aðstoðar-
forstjóri Actavis í stað Sig-
urðar Óla
Ólafs sonar
sem hefur
tekið við for-
stjórastóln-
um. Eins og
kunnugt er
hætti Ró-
bert Wess-
man sem
forstjóri Act-
avis í síðustu
viku. Guðbjörg Edda hóf
störf hjá Actavis eftir sam-
runa við lyfjafyrirtækið Delta.
Hún kom til Delta árið 1983
og var síðast aðstoðarforstjóri
og framkvæmdastjóri útflutn-
ings- og þróunarsviðs félags-
ins. - as
GUÐBJÖRG EDDA
EGGERTSDÓTTIR
Ný í sæti
aðstoðarforstjóra
Námskeið í sýningaþátttöku
Námskeið í sýningaþátttöku verður haldið miðvikudaginn 3. september,
kl. 9.00–17.00 á Radisson SAS Hótel Sögu. Leiðbeinandi verður Þjóðverjinn Hans-Jörg
Klecha sem hefur áratuga reynslu sem faglegur ráðunautur við uppsetningu,
framkvæmd og þátttöku á alþjóðlegum vörusýningum.
Á námskeiðinu verður farið yfir faglega þætti sýningaþátttöku, hvernig finna skuli
hentugustu sýninguna, hvernig mæta eigi sem best undirbúinn til leiks og hvernig
hægt sé að fá sem mest út úr sýningunni með eftirfylgni.
Þátttökugjald er kr. 19.900 með hádegisverði. Skráning fer fram í síma 511 4000 eða
utflutningsrad@utflutningsrad.is. Takmarkaður fjöldi þátttakenda.
Nánari upplýsingar veita:
Ásgerður Jóhannsdóttir verkefnisstjóri, asgerdur@utflutningsrad.is og Hermann
Ottósson forstöðumaður, hermann@utflutningsrad.is.
Vilt þú kynna fyrirtæki þitt eða vörur
á sýningum erlendis?
Borgartún 35 • 105 Reykjavík • sími 511 4000 • www.utflutningsrad.is