Fréttablaðið - 21.08.2008, Blaðsíða 12
12 21. ágúst 2008 FIMMTUDAGUR
FÉLAGSMÁL „Það er mikilvægt að
fólk viti að það getur fengið hjálp ef
um ofbeldi er að ræða,“ segir Guð-
rún Jónsdóttir, talskona Stígamóta,
um neyðarkortið Við hjálpum.
Kortið er ætlað konum í nánum
samböndum sem sæta ofbeldi og
þurfa að leita sér hjálpar. Það er
útgefið af samráðsnefnd félags- og
tryggingamálaráðuneytis, heil-
brigðisráðuneytis, menntamála-
ráðuneytis, dómsmálaráðuneytis,
Jafnréttisstofu og Sambands
íslenskra sveitarfélaga en nefnd-
inni er ætlað að hrinda í fram-
kvæmd áætlun um aðgerðir vegna
ofbeldis gegn konum í nánum sam-
böndum.
Kortið er á stærð við nafnspjald
en þar er að finna símanúmer Neyð-
arlínu, Kvennaathvarfs, Stígamóta,
Neyðarmóttöku vegna nauðgana og
Hjálparsíma Rauða kross Íslands.
Á kortinu eru upplýsingar á fimm
tungumálum: íslensku, ensku,
pólsku, rússnesku og taílensku.
„Ástæðan er auðvitað sú að það er
meiri hætta á að útlenskar konur
hafi ekki sama aðgang að upplýs-
ingum og við hinar,“ segir Guðrún.
Hún segir mjög mikilvægt að dreif-
ing kortanna verði tryggð.
Í tilkynningu frá félags- og trygg-
ingamálaráðuneytinu segir að kort-
in verði send víðs vegar um landið,
á heilsugæslustöðvar, félagsþjón-
ustu sveitarfélaga, félagsmiðstöðv-
ar, í sundlaugar, á bókasöfn og
svæðisskrifstofur málefna fatlaðra.
- ovd
Aukin aðstoð við konur sem sæta ofbeldi:
Neyðarkort gefið út á
fimm tungumálum
MENNING „Miðborgin verður meira og minna
lokuð almennri bílaumferð á menningarnótt,“
segir Geir Jón Þórisson yfirlögregluþjónn.
Hann segir löggæslu háttað með svipuðum
hætti og síðustu ár. Lögreglumenn gangi um
miðborgina og njóti aðstoðar björgunarsveit-
arfólks og sjálfboðaliða. Upp úr kvöldmat fari
gestum venjulega að fjölga mikið í miðborg-
inni og þá muni lögreglumönnum einnig
fjölga. Lögreglumenn á bifhjólum verði svo til
að liðka til með umferð til og frá miðborginni.
„Við bendum fólki á að nýta sér þau
bílastæði sem eru fjarri miðborginni og nýta
sér strætisvagna eða ganga niður í bæ.“
Geir Jón segir tónleikagesti á Miklatúni
ekki þurfa að fara langt til að sjá flugeldasýn-
inguna sem haldin verður á sjónum úti af
Sæbrautinni. „Frá Sjómannaskólanum má til
dæmis sjá flugeldasýninguna mjög vel.“
Hann segir lögregluna ætla að framfylgja
útivistarreglum ungmenna.
„Þetta er fjölskylduhátíð og það á ekki að
skilja börnin eftir í miðborginni á menningar-
nótt. Enda er engin dagskrá fyrir börn eftir að
flugeldasýningunni lýkur.“
Hann hvetur gesti menningarnætur til að
gefa sér tíma. „Það tekur lengri tíma að
komast um miðborgina en hefðbundið er
vegna þess að það er mikil umferð og því
verður ekki breytt.“ - ovd
Björgunarsveitarfólk og sjálfboðaliðar aðstoða lögregluna á menningarnótt:
Víða lokað fyrir bíla í miðborginni
VIÐ LÍRUKASSANN Árni Friðleifsson varðstjóri hafði
gaman af spilamennsku Geirs Jóns Þórissonar yfirlög-
regluþjóns sem tók lagið á lírukassa utan við kynning-
arfund menningarnætur. MYND/SÓLBJARTUR ÓLI UTLEY
Viltu fá upplýsingar um hraða, tíma, vegalengd og
kaloríur sem þú hefur brennt á meðan þú hleypur?
Með Nike+ getur þú fengið allar þessar upplýsingar
um leið og þú hlustar á uppáhalds tónlistina þína.
Nemi í Nike hlaupaskónum þínum fylgist með hverju
skrefi sem þú tekur og skilar upplýsingunum í iPodinn þinn.
Kynntu þér NIKE+ á næsta sölustað og
upplifðu hlaupin þín á nýjan og skemmti-
legri hátt
Kíktu á nike.is og kynntu þér málið
GEORGÍA, AP Rússneskir hermenn
grófu í gær skotgrafir og settu
upp varðstöðvar í miðri Georgíu
langt út fyrir svæðið sem þeim er
heimilt að halda sig á. Brottflutn-
ingur herliðs Rússa frá Georgíu
virðist ganga afar hægt fyrir sig.
Í gær sendi Abkasíustjórn
erindi til rússneskra stjórnvalda
með beiðni um viðurkenningu á
sjálfstæði Abkasíu. Abkasía er,
rétt eins og Suður-Ossetía, hérað
innan landamæra Georgíu, sem
hefur þó frá því skömmu eftir fall
Sovétríkjanna í reynd farið með
alla stjórn á eigin málum.
Georgíustjórn fór á þriðjudag-
inn fram á það að Öryggisráð
Sameinuðu þjóðanna samþykkti
ályktun um að Rússar færu án
tafar að ákvæðum vopnahléssam-
komulagsins, sem bæði Rússar og
Georgíumenn hafa undirritað.
Bandaríkin og Evrópusamband-
ið hafa lýst stuðningi við þessa
kröfu Georgíu.
Rússar hafa til þessa ekki leyft
neinum að ferðast til Suður-Osse-
tíu, en talsmenn Rauða krossins
sögðu í gær að starfsfólk samtak-
anna, alls sautján manna hópur,
væri á leið til Tskhinvali, höfuð-
borgar Suður-Ossetíu. Rauði
krossinn hafi fengið samþykki til
þess frá stjórn Suður-Ossetíu.
Rauði krossinn telur að um 80
þúsund Georgíumenn hafi flúið
að heiman vegna átakanna, bæði
frá Suður-Ossetíu og einnig frá
Gori og borgum í vestanverðri
Georgíu.
Einnig er talið að um 37 þúsund
Ossetíumenn og átta þúsund
Georgíumenn hafi flúið til Norð-
ur-Ossetíu, sem er innan landa-
mæra Rússlands, þegar Georgíu-
menn hófu loftárásir á Tshkanvali
fyrir hálfum mánuði.
Alþjóðlegi stríðsglæpadóm-
stóllinn í Haag er byrjaður að
kanna vísbendingar um stríðs-
glæpi, sem grunur leikur á að
framdir hafi verið í átökunum.
Einkum beinist rannsókn dóm-
stólsins að fjórtán klukkustunda
sprengjuárásum Georgíuhers á
Tshkinvali og síðan að árásum
rússneska hersins á borgina Gori
í Georgíu.
gudsteinn@frettabladid.is
Brottflutningi
herliðs Rússa
miðar hægt
Abkasía biður Rússland um viðurkenningu á sjálf-
stæði. Starfsfólk Rauða krossins á leið til Tskhinvali.
Rússneski herinn grefur nýjar skotgrafir í Georgíu.
RÚSSNESKIR HERMENN Í TSHKINVALI Stór mynd af Vladimír Pútín, forsætisráðherra
Rússlands, blasir við í höfuðborg Suður-Ossetíu. FRÉTTABLAÐIÐ/AP
SÁ ELSTI LÁTINN Indverjinn Habib Miyan
sagðist vera elsti maður heims. Hann
var 138 ára þegar hann lést í Jaípúr á
þriðjudaginn. FRÉTTABLAÐIÐ/AP
KÍNA, AP Hua Guofeng, sem
stjórnaði Kína í nokkur ár eftir
fráfall Maós
Tsetung, lést í gær,
87 ára að aldri.
Hua tók við
völdum árið 1976
en strax tveimur
árum síðan tók að
fjara undan
völdum hans þegar
Deng Xiaoping
komst til metorða
og fór af stað með
efnahagsumbætur
sem lögðu grunninn að uppgangi í
efnahagslífi Kína.
Hua var síðan þröngvað úr
formannsembætti Kommúnista-
flokksins árið 1981 og hefur síðan
verið lítt áberandi. Hann hélt þó
áfram stöðu sinni lengi vel í
innsta valdahring flokksins. - gb
Fyrrverandi Kínaleiðtogi:
Hua Guofeng
látinn í Kína
HUA GUOFENG