Fréttablaðið - 21.08.2008, Blaðsíða 72

52 21. ágúst 2008 FIMMTUDAGUR
sport@frettabladid.is
Markvörðurinn Björgvin Páll Gústavsson hefur komið eins og
storm sveipur inn í íslenska landsliðið á Ólympíuleikunum. Sýnt
frábær tilþrif og toppaði sig síðan í gær með ótrúlegum leik
gegn Pólverjum.
Björgvin varði alls 23 skot frá Pólverjum í leikn-
um eða átta skotum meira en pólski markvörð-
urinn Slawomir Szmal. Björgvin varði 9 skot í
fyrri hálfleik og 14 skot í þeim síðari.
„Það er alveg yndislegt að hafa hitt á svona
leik og vera kominn í undanúrslit. Það er
ekki annað hægt en að verja svona vel þegar
maður er með tvo geðsjúklinga fyrir framan sig
í Didda og Sverre sem berjast í öllu og gera þá
skíthrædda. Þá verður vinnan auðveldari
fyrir mig,“ sagði Björgvin Páll sem er
yfirvegaður og með báða fætur á
jörðinni.
„Ég er fullur sjálfstrausts
og hausinn er í lagi. Ef
þessir hlutir eru í lagi þá gengur manni vel. Óli Stefáns
á mikinn þátt í að koma okkur í gírinn en við höfum
stillt öllum leikjunum upp sem úrslitaleikjum. Andlega
hliðin er góð, allir í hópnum eru fínir félagar og til í að
vinna hver fyrir annan,“ sagði Björgvin Páll en varla er
hægt að trúa því að hann sé að spila á sínu fyrsta stór-
móti. Slík er frammistaðan.
„Fyrir kannski mánuði síðan var ég ekki á leið á Ólymp-
íuleikana. Svo byrjaði ég að berjast fyrir hverjum bolta,
hverri æfingu og hverjum leik. Takmarkið að komast
á ÓL náðist og næsta markmið var að standa sig
vel hérna. Það er að takast. Við erum samt
ekkert búnir með neitt enn þá og verðum
að halda áfram. Við erum komnir hingað
til þess að vinna medalíu,“ sagði Björgvin
ákveðinn en forráðamenn þýska liðsins Bit-
tenfeld, sem hann samdi við í vor, eru örugglega
í skýjunum yfir því að vera að fá þennan snjalla
markvörð í sitt lið.
MARKVÖRÐURINN BJÖRGVIN PÁLL GÚSTAVSSON: ER BÚINN AÐ SLÁ Í GEGN Í PEKING
Erum komnir til þess að vinna medalíu
>Árangur Íslands vekur heimsathygli
Erlendir fjölmiðlar eru farnir að gefa íslenska hand-
boltalandsliðinu mikinn gaum í kjölfar frábærs árangurs
liðsins á Ólympíuleikunum. Þeim fjölgar stöðugt, erlendu
blaðamönnunum sem vilja tala við strákana okkar og
þeir skilja einfaldlega ekki hvernig 300 þúsund manna
þjóð getur náð slíkum árangri í hópíþrótt.
Okkar maður Henry Birgir Gunnarsson
lenti sjálfur í tveimur slíkum í gær þar
sem hann þurfti að útskýra eftir bestu
getu af hverju Íslendingar væru svona
góðir í handbolta. Flestir halda að árang-
urinn sé grís og einn blaðamaður spurði
hann: „Svaraðu mér í fullri alvöru, getur Ísland
unnið gullið í handbolta?“ Þeirri spurningu
var að sjálfsögðu svarað játandi.
PEKING 2008 Það er ekkert lát á
stórkostlegri framgöngu íslenska
handboltalandsliðsins í Peking.
Liðið átti enn einn glansleikinn
þegar Pólverjar voru lagðir, 32-30,
í átta liða úrslitum í gær. Frábær
sigur og ljóst að íslenska liðið
getur farið enn lengra á þessum
leikum spili það af sömu getu og í
gær.
Fyrri hálfleik verður aðeins lýst
með einu orði – stórkostlegur.
Klárlega langbesti hálfleikur liðs-
ins síðan það kjöldró franska
landsliðið á eftirminnilegan hátt á
HM í Þýskalandi 2007.
Strákarnir voru algjörlega til-
búnir í slaginn frá fyrstu sekúndu.
Ótrúleg stemning, mikil grimmd,
ákefð og ekki síst ofurtrú á verk-
efninu og eigin getu. Vörnin svo
gott sem fullkomin og Björgvin
Páll í ótrúlegu formi þar fyrir
aftan. Sóknarleikurinn var listi-
lega leikinn, ákaflega fjölbreyttur
og lifandi. Mörk í öllum regnbog-
ans litum.
Þegar 30 mínútur voru liðnar
leiddi Ísland með fimm mörkum,
19-14. Ótrúlegar tölur og ekki á
hverjum degi sem hið sterka sókn-
arlið Pólverja skorar aðeins 14
mörk í einum hálfleik.
Vel útfærður varnarleikur
íslenska liðsins sló Pólverjana
algjörlega út af laginu. Skytturnar
komust ekki á loft og ef þær gerðu
það varði Björgvin oftar en ekki.
Ákaflega ánægjulegt þar sem
íslenskir markverðir hafa í gegn-
um tíðina verið í vandræðum með
langskot.
Það mátti svo sem búast við því
að Pólverjar kæmu til baka og það
gerðu þeir. Minnkuðu muninn í 23-
22 þegar 42 mínútur voru búnar af
leiknum. Þegar íslenska liðið virt-
ist vera við það að brotna sýndi
það enn og aftur þann andlega
styrk og magnaða karakter sem
það býr yfir. Pólverjar náðu aldrei
að jafna, aðeins að klóra í bakið á
íslensku strákunum og það ætlaði
allt um koll að keyra þegar ljóst
var að Ísland var komið í undanúr-
slit.
Stórkostlegur árangur hjá lið-
inu. Þjálfarateymið er að vinna
frábæra vinnu í að undirbúa liðið,
strákarnir vita alltaf hvað á að
gera og gera það með stæl. Inn-
koma nýliðanna Ingimundar og
Björgvins hefur haft mjög jákvæð
áhrif á liðið.
Það sem vekur þó mesta athygli
er að Ísland er ekkert lið nokkurra
einstaklinga lengur. Það er enginn
skortur á breidd í þessum hópi
eins og oft hefur verið. Hér skila
allir leikmenn sínu, eru fullkom-
lega meðvitaðir um sitt hlutverk
og eru til í að berjast fram í rauð-
an dauðann hver fyrir annan.
Það er enn mikið hungur í þessu
liði og það gæti hæglega haldið
áfram að koma á óvart. Með álíka
spilamennsku eru liðinu allir vegir
færir og miðað við stemninguna
sem ég upplifi í hópnum kæmi það
mér ekkert á óvart ef liðið færi í
úrslitaleikinn. Getan er svo sann-
arlega til staðar.
Ísland mætir Spáni í undanúr-
slitunum og sá leikur fer fram í
hádeginu á föstudaginn. Frakkar
og Króatar spila á undan í hinum
undanúrslitaleiknum.
Ævintýrið í Peking heldur áfram
Strákarnir okkar eru komnir í undanúrslit á Ólympíuleikunum og spila því um verðlaun á leikunum.
Strákarnir lögðu Pólverja, 32-30, í frábærum leik. Sigur Íslands var sanngjarn og glæsilegur.
FORSETINN FAGNAR Herra Ólafur Ragnar
Grímsson fagnaði strákunum í leikslok.
Hér heilsar hann Sigfúsi Sigurðssyni.
FRÉTTABLAÐIÐ/VILHELM
KOMNIR Í UNDANÚRSLIT Félagarnir úr Val, Ólafur Stefánsson og Sigfús Sigurðsson, sjást hér fagna gríðarlega í leikslok þegar var
orðið ljóst að íslenska handboltalandsliðið myndi spila um verðlaun á Ólympíuleikunum í Peking. FRÉTTABLAÐIÐ/VILHELM
Ísland-Pólland 32-30 (19-14)
Mörk Íslands (skot): Alexander Petersson
6 (10), Guðjón Valur Sigurðsson 5 (7),
Snorri Steinn Guðjónsson 5/1 (11/2), Logi
Geirsson 4 (7), Ólafur Stefánsson 4/1 (8/1),
Arnór Atlason 3 (6), Róbert Gunnarsson 3
(3), Sigfús Sigurðsson 1 (1), Ingimundur
Ingimundarson 1 (1).
Varin skot: Björgvin Páll Gústavsson 23/1
(53/3) 43%.
Hraðaupphlaup: 5 (Guðjón 2, Alexander,
Ólafur, Ingimundur).
Fiskuð víti: 3 (Snorri 2, Róbert).
Utan vallar: 16 mínútur.
Mörk Pólverja (skot): Mateus Jachlewski 6
(8), Gregorz Tkaczyk 6 (9), Bartlomiei Jaszka
4 (4), Mariusz Jurasik 4 (9), Karol Bielecki 3
(7), Bartosz Jurecki 3 (4), Tomasz Tluczynski 2
(3). Varin skot: Slawomir Szmal 15/1.
Hraðaupphlaup: 6
Utan vallar: 6 mínútur.
Undanúrslitin
Frakkland-Króatía föstudagur 10.00
Ísland-Spánn föstudagur 12.15
TÖLFRÆÐIN
PEKING 2008 Það er alveg ljóst að
Guðmundur Guðmundsson og
aðstoðarmenn hans hafa unnið
vinnuna sína vel hér í Peking því
strákarnir mæta nánast undan-
tekningalaust tilbúnir til leiks og
vita vel hvað þeir þurfa að gera.
„Ég er mjög stoltur af liðinu
sem spilaði frábærlega og
taktíkin okkar í vörninni gekk
fullkomlega upp. Síðan átti
Björgvin stórkostlegan leik. Það
er ólýsanleg gleði að hafa náð
þessum áfanga. Varnarleikurinn
var hrikalega grimmur og
sóknarleikurinn var sérstaklega
góður í fyrri hálfleik, algjörlega
frábær,“ sagði Guðmundur kátur
en úttaugaður.
„Liðið hefur sýnt það í öllum
leikjunum að það er mikill
karakter í þessu liði. Liðið er líka
í góðu líkamlegu ástandi og það
leynir sér ekki. Þessi leikur tók
mikið á og síðari hálfleikur virtist
aldrei ætla að taka enda. Hann
var óendanlegur. Við vissum að
þeir myndu gefa meira í þetta en
það slapp,“ sagði Guðmundur sem
sparar ekki stóru orðin til
lærisveina sinna.
„Þetta er ótrúlegt ævintýri og
gaman að taka þátt í þessu. Það er
hópur fólks sem stendur á bak við
liðið sem allt er að vinna sem einn
maður að settu marki. Hvað
varðar leikmennina þá er þetta
besti hópur sem ég hef starfað
með,“ sagði Guðmundur en hvað
getur liðið farið langt?
„Við tökum bara einn leik fyrir
í einu og spörum allar yfirlýsing-
ar.“ - hbg
Guðmundur Guðmundsson:
Besti hópurinn
HVAÐ GERIST NÆST? Landsliðsþjálfarinn
spenntur. FRÉTTABLAÐIÐ/VILHELM
HENRY BIRGIR GUNNARSSON
Skrifar frá Peking
henry@frettabladid.is
PEKING 2008 Ólafur Stefánsson var í sæluvímu
eftir sigurinn á Pólverjum og ánægjan af því
að vera kominn í undanúrslit á Ólympíuleik-
um leyndi sér ekki. Ólafur hefur áður talað
fjálglega um það hversu mikið hann vilji
vinna til verðlauna á ÓL en það er eitt af fáu
sem hann hefur ekki afrekað á glæstum
ferli.
„Draumurinn, hann lifir. Við skulum hafa
þannig. Eldurinn er til staðar og við höfum
ekkert verið að slökkva hann með einhverj-
um óþarfa áhyggjum. Við förum þetta á
jákvæðninni og nú er að halda áfram. Vera
einbeittir og flottir. Höndla stressið og njóta
þess að gera strandhögg. Fylgja í fótspor for-
feðranna og vera brjálaðir. Germanarnir, for-
feður okkar, gátu verið í tvo til þrjá daga
heima í rólegheitum og svo þurftu þeir að
fara og eyðileggja eitthvað. Það er bara stríð
og allt þetta. Við fórum yfir það,“ sagði Ólaf-
ur á sinn einstaka hátt.
„Auðvitað getum við gert allt hér á þessu
móti. Við verðum að njóta stundarinnar,
vera afslappaðir og þakklátir fyrir að vera
hérna. Menn hafa verið með draum í kollin-
um og hann stækkar eftir því sem maður
kemst nær draumnum. Um leið verður minna
súrefni og kaldara þannig að einbeitnin
þarf að vera í lagi,“ sagði Ólafur og
bendir á að stemningin í kringum
hópinn sé einstök.
„Mér hefur sjaldan liðið eins
vel allan tímann. Þó svo við
höfum tapað hefur stemn-
ingin verið góð og þessi
ferð alveg frábær.
Það er heiður að
vera fyrirliði í
þessu liði. Það eru
allir að setja í sínu
horni. Við verðum
að halda áfram að
njóta ferðarinnar,“ sagði
Ólafur. - hbg
Ólafur Stefánsson var í sjöunda himni eftir sigurinn á Pólverjum og sá stöðuna á sinn einstaka hátt:
Það er heiður að vera fyrirliði í þessu liði
EINSTAKUR
Ólafur Stefánsson
var með 4 mörk og
6 stoðsendingar
í leiknum á móti
Póllandi.
FRÉTTABLAÐIÐ/VILHELM