Fréttablaðið - 21.08.2008, Blaðsíða 34

Myglusveppir geta myndast innandyra þar sem raki
nær að safnast fyrir. Oft er myglusveppi að finna inni
á baðherbergjum, í lofti og í fúgu milli flísa og sturtu-
botnum, en einnig þar sem leki hefur orðið. Sylgja
Dögg Sigurjónsdóttir hjá fyrirtækinu Hús og heilsa
ehf. segir tegundir myglusveppa mishættulegar en þó
alltaf óæskilegar.
„Það eru gró alls staðar í umhverfinu og sveppir til-
heyra hringrás náttúrunnar og eru nauðsynlegir. En
mygla á ekki að vaxa inni hjá fólki,“ útskýrir Sylgja.
Hún segir engar þumalputtareglur til um hvaða myglu-
sveppir eru hættulegir og erfitt að segja hverjir geti
komið af stað líkamlegum einkennum hjá fólki. Fólk
verði einfaldlega að vera meðvitað um sitt nánasta
umhverfi ef það finnur fyrir einkennum sem eru óút-
skýranleg.
Einkennin af völdum myglusveppa geta meðal ann-
ars komið fram sem þreyta, eða sífelldur höfuðverkur,
ennisholubólgur, síendurteknar sýkingar, sjóntruflan-
ir, doði og dofi í útlimum svo eitthvað sé nefnt.
Myglusveppirnir geta verið svartir, brúnir, gráir,
bleikir eða appelsínugulir og geta komið í doppum eða
í flekkjum. Sylgja segir aðalatriði að finna ástæðuna
fyrir myndun sveppanna og oft eru sýnilegir myglu-
sveppir vísbending um stærra vandamál, til dæmis
leka. Ef myglan er farin að þekja stór svæði gæti verið
gott að fá ráðleggingar um hvernig á að hreinsa og fá
jafnvel aðila til að meta hvort þak er að leka eða skólp
farið. Ef svæðin eru lítil og fólk þekkir upprunann
getur það sjálft hreinsað mygluna með réttum efnum.
Þá er ekki nóg að úða á sveppina heldur þarf alltaf að
fjarlægja myglusveppinn.
„Ef viðhald á húsnæðinu er í lagi hjá fólki og það
dregur fljótt og vel úr vatnstjónum þá á þetta ekki að
verða að vandamálum,“ útskýrir Sylgja. „Fólk þarf
bara að vera meðvitað um umhverfið og halda þurru í
kringum sig. Lofta vel út og fylgjast vel með gluggun-
um á veturna þegar rúðurnar gráta og ekki þurrka
mikinn þvott inni. Til dæmis ef uppþvottavélin lekur
og það er ekki þurrkað upp strax þá geta myglusveppir
komið á innan við 48 klukkustundum.“
Nánari upplýsingar er hægt að finna á heimasíðunni
www.husogheilsa.is. heida@frettabladid.is
Myglusveppir í híbýlum
Myglusveppir í híbýlum hafa verið í umræðunni að undanförnu en þeir geta í sumum tilfellum haft áhrif
á heilsu fólks. Ekki er þó ástæða til að óttast ef fólk er meðvitað um umhverfi sitt.
Sylgja Dögg Sigurjónsdóttir segir mikilvægt að lofta vel út og
halda þurru í kringum sig. FRÉTTABLAÐIÐ/GVA
Myglusveppir
myndast oft í
gluggum þar sem
rúðurnar „gráta“ og
bleytan ekki þurrk-
uð upp strax.
MYND/HÚS OG HEILSA EHF
LYKLAR eru oft til í nokkrum fjölda á hverju
heimili, því er mikilvægt við flutninga að skipta
um skrár til að koma í veg fyrir óhöpp.
Svört kommóða úr gleri eftir
Johnny Egg kemur á óvart þegar
skúffan er dregin út en þá kem-
ur í ljós æpandi litur.
Hönnuðurinn Johnny Egg leikur
sér með liti og form í hönnun sinni
á kommóð-
um í línu
sem hann
kallar
„Black
Rose“.
Kommóðan
sem er úr
svörtu gleri
stendur á
sveigðum
rókókófótum
og höldurnar
eru svartar
rósir, einnig úr
gleri. Innvolsið
í kommóðunni
er skærbleikt.
Hönnuðurinn
hefur rekið sitt
eigið fyrirtæki í
tuttugu ár í Essex í
Englandi en hann hannaði sitt
fyrsta húsgagn aðeins sextán ára.
Hann lýsir hönnun sinni sem
„Theatrical Minimalism“ en legg-
ur áherslu á að húsgögnin hafi
notagildi, séu vel hönnuð og gagn-
leg og að smáatriðin verði ekki
útundan. Eftir hann liggja litrík og
hressileg hús-
gögn sem
hann segir
höfða til
breiðs hóps.
Nánar má
skoða verk
eftir Johnny
Egg á heima-
síðunni, www.
johnnyegg.
com. - rat
Æpandi bleikar skúffur
Bleiku skúffurnar gefa svartri kommóð-
unni hressandi yfirbragð. MYND/JOHNNY EGG
Stellið Lovísa kemur úr
sænsku verksmiðjunum Duka
og er nefnt Lovísa til heiðurs
Lovísu Svíadrottningu sem
uppi var á árunum 1828-1871.
Stellið Lovísa er úr vönduðu post-
ulíni og skreytt með fínlegu laufa-
mynstri úr handslípaðri platínu.
Glerlína með glösum, könnum,
karöflum og vösum úr munn-
blásnu gleri fæst líka með sama
mynstri.
Fjölmargir hlutir fást í stellinu,
bæði fyrir kaffi og mat og fást í
verslun Duka í Kringlunni. Lov-
ísa þolir að fara í uppþvottavél því
hún er sterkbyggð þótt fínleg sé.
Lovísa hin sænska
Myglusveppi á minni
svæðum er hægt
að hreinsa með
sveppadrepandi og
sótthreinsandi efnum.
MYND/HÚS OG HEILSA EHF