Fréttablaðið - 02.09.2008, Page 11

ÞRIÐJUDAGUR 2. september 2008
LIST Stórt olíumálverk frá 1965
eftir Svavar Guðnason var slegið
á 5,5 milljónir króna á uppboði í
Gallerí Borg um helgina. Við
verðið bætist tuttugu prósenta
uppboðsgjald.
Nokkur eftirvænting var fyrir
uppboðið sem var fyrsta uppboð
haustsins. Pétur Þór Gunnarsson
lýsti uppboðinu sem „rólegu“.
Ýmis verk seldust undir mats-
verði: styttur eftir Sigurjón
Ólafsson fóru undir matsverði.
Fimm verk eftir Kristján
Davíðsson voru seld, þau dýrustu
á 3,6 og 2 milljónir. Þær upphæðir
sem voru boðnar í fjölda verka
benda til að lækkun sé að verða á
myndlistarmarkaði, verk eftir
Kjarval og Ásgrím Jónsson
seldust undir mati. Tvær
smámyndir Sölva Helgasonar
seldust saman á 1.800 þúsund
krónur. - pbb
Uppboð á Gallerí Borg:
Mynd Svavars á
6,6 miljónir
TRÖLLSKESSA Verk Svavars Guðnasonar
er 160x104 cm. MYND/GALLERÍ BORG
VÍSINDI „Ef Apófís myndi lenda á
jörðinni myndi orkan sem losnar
samsvara þúsund megatonnum af
TNT eða um það bil hundrað þús-
und sinnum meiri orku en í Hiro-
shima-kjarnorkusprengjunni,“
segir Þorsteinn Sæmundsson
stjörnufræðingur.
„Ef Apófis lenti á þurrlendi
myndi ógurlega stórt svæði leggj-
ast í auðn. Menn geta gert sér í
hugarlund áhrif þess að slíkt stirni
myndi lenda á stórborg. Ef það
lenti í hafi myndu öldur án efa
valda miklu tjóni. Áhrif á veður-
far gætu líka orðið gríðarleg,“
segir Þorsteinn.
„Sem stendur eru líkurnar á
árekstri taldar einn á móti 45 þús-
und sem eru auðvitað ekki mjög
miklar líkur fyrir hinn venjulega
mann. En árekstrar af þessu tagi
hafa orðið á forsögulegum tíma og
munu eiga sér stað aftur einhvern
tímann, það er bara spurning hve-
nær. Þannig að ef það gerist er
ástæða til þess að vera viðbúinn.“
Frægasta dæmið um eyðilegg-
ingu af völdum smástirnis er frá
því fyrir 65 milljónum ára þegar
talið er að stór loftsteinn hafi gjör-
eytt risaeðlunum og í raun flest-
um þeim dýrategundum sem þá
byggðu jörðina. Sá steinn er
reyndar talinn um það bil 25 sinn-
um stærri en Apófis, sem er lík-
lega milli 300 og 400 m í þvermál.
Ýmsar aðgerðir eru hugsanleg-
ar ef mikil hætta verður talin á
árekstri. Þorsteinn segir ekki ráð-
legt að sprengja stirnið þar sem
erfitt er að spá fyrir um áhrif
slíkrar sprengingar. Besta aðferð-
in er talin vera að beita geimflaug
til að færa stirnið af braut sinni.
Nýjustu mælingar benda til
þess að Apófis muni fara framhjá
jörðinni árið 2029 en þó aðeins í
þrjátíu þúsund kílómetra fjar-
lægð, sem er til dæmis mun nær
jörðinni en brautir fjölda gervi-
hnatta eru. Þyngdarkraftur jarðar
myndi þá geta haft áhrif á braut
smástirnisins, sem eykur líkur á
árekstri næst þegar Apófis er í
námunda við jörð árið 2036.
Fimm önnur smástirni sem
gætu rekist á jörðina á komandi
120 árum hafa nú verið uppgötv-
uð. Þau eru þó öll talin hættuminni
en Apófis.
Tvívegis á síðustu fimmtán
árum hefur uppgötvast eftir á að
smástirni hafi smogið framhjá
jörðu í rúmlega hundrað þúsund
kílómetra fjarlægð. Því er ljóst að
ekki er alltaf hægt að spá fyrir um
komu stirnanna.
guðmundure@frettabladid.is
Gríðarleg eyðilegging yfirvofandi:
Smástirnið Apófis
gæti rekist á jörðina
SMÁSTIRNI Smástirni hafa fallið á jörð-
ina og munu gera aftur, hvort sem það
verður í náinni eða fjarlægri framtíð.
MYND/NASA