Fréttablaðið - 11.10.2008, Blaðsíða 20

11. október 2008
LAUG- ARDAGUR
2
PERSÓNULEG en fræðandi nálgun á Reykjavíkurborg og menn-
ingu hennar er í öndvegi höfð í ferðum sem skipulagðar eru á
vegum Birnu Þórðardóttur. Þar er leitast við að kynna hið sérstæða í
menningu borgarinnar. Nánar á heimasíðunni www.birtingarholt.is.
Íslenskir fjallaleiðsögumenn
bjóða upp á heilsuátak fyrir hópa
og félög auk annarrar þjónustu
við ferðamenn.
„Við erum stöðugt að fara með
erlenda ferðamenn í styttri ferðir,
en yfir veturinn stendur Tinda-
dagskráin svokallaða upp úr fyrir
Íslendinga,“ útskýrir Jón Gauti
Jónsson, markaðsfulltrúi Íslenskra
fjallaleiðsögumanna.
Saumaklúbbar og starfsmanna-
hópar geta sett sig í samband við
Íslenska fjallaleiðsögumenn og
pantað kynningu hjá Jóni Gauta á
sérsniðinni Tindadagskrá sem fyr-
irtækið stendur nú fyrir þriðja
árið í röð.
„Þetta er að fara í gang núna
fyrir veturinn en við byrjuðum á
þessu veturinn 2006. Þá hafði JB
byggingarfélag samband við
okkur og bað okkur um að setja
saman dagskrá fyrir sig eins og
Sjö tinda heims hér á Íslandi. Við
settum saman dagskrá sem vakti
mikla lukku og var mikil heilsuefl-
ing fyrir starfsmenn og jók áhuga
þeirra á útivist og heilbrigðum
lífsstíl. Síðan hefur þetta verið
nokkuð reglulega og var stærst
síðasta vetur þegar við vorum í
samstarfi við 66° Norður og buðum
þá almenningi að taka þátt í
þessu.“
Jón Gauti segir áhugann hafa
farið fram úr björtustu vonum en
fjögur hundruð manns mættu á
fyrsta kynningarfundinn í fyrra
og í vor gengu tæplega tvö hundr-
uð manns á Hvannadalshnjúk.
„Fólk tekur þátt með mismun-
andi markmið í huga. Sumir ætla
sér að komast á Hvannadalshnjúk
næsta vor, aðrir ætla kannski að
komast í gönguferð erlendis. Við
getum klæðskerasaumað dag-
skrána fyrir hópa en í grófum
dráttum gengur hún út á göngur
innanbæjar bæði í Elliðaárdalnum
eða í Heiðmörk eða á lág fjöll í
nágrenni byggðar. Svo færum við
okkur upp á skaftið og göngum
alltaf stærri og stærri fjöll og
endum á að ganga Hvannadals-
hnjúk um vorið.“
Nú er að hefjast ný dagskrá í
samstarfi við 66° Norður sem má
lesa hér fyrir neðan. Heimasíða
félagsins er www.fjallaleidsogu-
menn.is. heida@frettabladid.is
Gengið á íslenska tinda
Íslenskir fjallaleiðsögumenn hafa undanfarna vetur staðið fyrir svokallaðri tindadagskrá fyrir hópa og
vinnustaðafélög og gengið á íslensk fjöll og tinda. Dagskráin fyrir veturinn hefst í október.
Kynningarfundur Tindadagskrár Íslenskra Fjallaleiðsögumanna og 66°Norður
verður haldinn Fimmtudaginn 23. október í húsnæði 66°Norður í Faxafeni.
Laugardaginn 25. október verður hist við Árbæjarlaug og genginn hringur um
Elliðaárdal.
Miðvikudagur 29. október verða Eldborg, Vegghamrar og Geitahlíð gengnar.
Aftur verður gengið kringum Elliðavatn miðvikudaginn 5. nóvember.
Miðvikudaginn 12. nóvember verður fræðslufundur í húsnæði 66°Norður í
Faxafeni og laugardaginn 15. nóvember verður gengið á Vífilsfell.
Haukafjöll, Stardalshnúkar, Tröllafoss verða gengin á miðvikudag 19. nóvem-
ber og viku síðar 26. nóvember verður gengið í Heiðmörk, Búrfellsgjá.
Esjan og Þverfellshorn verða gengin laugardaginn 6. desember og 10.
desember verða það Húsfell og Helgafell.
Miðvikudag 17. desember verður Kerlingar-
skarð, Þríhnúkar og Stóra Kóngsfell og 27.
desember Botnssúlur.
Eftir áramótin verður gengið umhverfis
Kleifarvatn þann 7. janúar og 17. janúar
verður gengið á Hafnarfjall.
TINDAGANGA ÍSLENSKRA FJALLALEIÐSÖGUMANNA Í VETUR
Saumaklúbbar og starfsmannafélög geta sett sig í samband við Íslenska fjallaleið-
sögumenn og fengið klæðskerasniðna dagskrá að heilsueflingu í vetur.
Tæplega tvö hundruð manns gengu á Hvannadalshjúk með Íslenskum fjallaleið-
sögumönnum og 66° Norður í vor. MYND/JÓN GAUTI JÓNSSON
Förum til fjalla
Haustblót Útivistar í Strút 17.-19. okt.
Nánari upplýsingar í síma 562 1000 og á www.utivist.is
Barcelona
THAILAND - SUMAR OG SÓL ALLT ÁRIÐ
KYNNIÐ YKKUR FJÖLMARGA ÁFANGASTAÐI Í THAILANDI Á WWW.FERD.IS
Sími 49 12345 Netfang ferd@ferd.is WWW.FERD.IS
UPPLIFIÐ
THAILAND
MEÐ LEIÐ
SÖGN EÐA
Á EIGIN V
EGUM – V
IÐ AÐSTO
ÐUM MEÐ
FERÐINA!
Alla þriðjudaga