Fréttablaðið - 11.10.2008, Blaðsíða 26

● heimili&hönnun
TILVALIÐ Í BAÐIÐ Froskurinn eða The Frog er hvort tveggja í senn leikfang í bað-
karið og geymsla undir önnur baðleikföng. Hann má festa við baðherbergis-
vegginn á þrjá vegu: Með sterku límbandi, sogskálum eða skrúfum. Hann
nær að halda mismikilli þyngd eftir því hvernig hann er festur. Sökum þess
hvernig Froskurinnn er úr garði gerður rennur vatnið af blautum leikföngunum
ofan í baðkarið um leið og búið er að setja þau í hann. Þau ættu því að vera orðin
þurr fyrir næsta bað. Hægt er að afla sér allra nánari upplýsinga um froskinn á
vefsíðunni www.booninc.com, þar sem hann er til sölu.
heimili
● LITRÍKIR PÚÐAR
LÉTTA LUND Það þykir
margsannað að glaðlegir litir
hafa góð áhrif á sálina. Ekki
þarf nema einn litríkan púða
til að gerbreyta ásýnd sófans,
hægindastólsins eða rúmsins
heima.
Auðvitað er púðinn svo ekki
bara upp á punt heldur líka til
þæginda því gott er að halla
sér á hann.
Ef lampi í svipuðum lit
eða bara kerti á borði kemur
þar einhvers staðar nærri
fullkomnar það útlitið og
skapar visst jafnvægi og góða
stemningu.
Fallegi púðinn á meðfylgj-
andi mynd fæst í hinni nýju
verslun Ilva á Korputorgi og
kostar 4.950 krónur.
Um fyrirtækið má svo lesa á
vefsíðunni www.ilva.is.
Endurvinnsla
B andaríski hönnuðurinn Ruth Weber gengur skrefinu lengra
þegar kemur að endurvinnslu. Hún
varð sér úti um stóla sem átti að
henda og úr stólfótunum bjó hún til
nýjan stól. Það gerði hún með því að
binda fæturna einfaldlega saman við
gamalt stólbak.
Þetta sér hún fyrir sér að megi
gera við gamla stóla eða þá sem ekki
þykja lengur smart. Í stólnum ægir
saman ólíkri hönnun og er hann því
skemmtilegt rannsóknarefni. Sjálf
segist hún vera að bjarga gamalli
hönnun sem annars hefði glatast.
Ekki fylgir sögunni hversu þægi-
legur stóllinn er en jafnvel mætti
hugsa sér að bæta á hann sessu.
Sjá nánar á vefsíðunni www.
designboom.com
Ruth Weber Hönnun Stóll
50% afslætti
Við opnum nýja verslun með
sömu vörumerki og sömu
þjónustu í nóvember
MIRALE
Síðumúla 33
108 Reykjavík
sími: 517 1020
Opið
mán.–föstud. 11–18
laugardag 11–16
www.mirale.is
Mirale flytur
Við höfum ákveðið að minnka verslun okkar
á meðan þetta samdráttarskeið gengur yfir
og höfum því ákveðið að selja öll sýningar-
húsgögn með
11. OKTÓBER 2008 LAUGARDAGUR4