Fréttablaðið - 18.10.2008, Blaðsíða 4

6 18. október 2008 LAUGARDAGUR
BORGARMÁL Rekstrarniðurstaða
framkvæmda- og eignasviðs
Reykjavíkurborgar við sex mán-
aða uppgjör er neikvæð um níu
milljarða króna miðað við áætlan-
ir fyrir árið 2008. Skýringin ligg-
ur aðallega í því að tekjur vegna
sölu byggingarréttar og gatna-
gerðargjalda eru brotabrot af því
sem áætlanir gerðu ráð fyrir.
Halli sjóðsins er áætlaður 6,2
milljarðar á árinu og viðsnúning-
urinn því á ellefta milljarð frá
áætlunum.
Rekstrarniðurstaða sviðsins er
neikvæð um 4,6 milljarða króna en
áætlanir gerðu ráð fyrir jákvæðri
niðurstöðu um 4,3 milljarða. Þessi
neikvæði viðsnúningur skýrist af
því að sala byggingarréttar er
aðeins sjö prósent af áætlun eða
300 milljónir króna í stað 4.524
samkvæmt áætlun.
Óskar Bergsson, formaður
borgar ráðs og framkvæmda- og
eignaráðs, segir árshlutareikning
borgarinnar sýna jákvæðar og nei-
kvæðar tölur. Aðalsjóður standi
vel en viðsnúningurinn komi allur
fram í eignasjóðnum. „Eignirnar
eru þó áfram til staðar og það sem
við ætluðum að úthluta á einu ári
mun ganga út á töluvert lengri
tíma; þremur til fimm árum. Þetta
er ekki tapað fé, þetta er ekki sam-
dráttur í skatttekjum heldur tekju-
áætlun sem gengur ekki eftir.“
Óskar segir það ekki flókið hvað
neikvæður viðsnúningur eigna-
sjóðs þýði. „Við bregðumst við
með því að draga úr framkvæmd-
um.“
Í skýrslu fjármálaskrifstofu
varðandi árshlutauppgjörið er
bent á að brýnt sé að hraða ákvarð-
anatöku um endurskoðun fjárfest-
inga og fjármögnun þeirra í ljósi
breyttra tekna og aðgengis að láns-
fé. Nýlega samþykkti borgarstjórn
sérstaka aðgerðaáætlun til að
bregðast við efnahagsástandinu.
Hanna Birna Kristjánsdóttir borg-
arstjóri kynnti áætlunina og kom
fram í máli hennar að í 6,2 millj-
arða króna halla á eignasjóði á
þessu ári stefni vegna aukins fjár-
magnskostnaðar, gengisáhrifa og
vegna þess að forsendur eru
brostnar í sölu á byggingarrétti.
Borgarráð fól framkvæmda- og
eignasjóði að endurskoða reglur
um lóðaúthlutanir á vegum borg-
arinnar í september í því skyni að
auðvelda almenningi að eignast
lóðir í Reykjavík. Nú liggur fyrir
að kaupendum lóða verða boðin
hagkvæmari greiðslukjör og minni
áhersla verður á að byggja upp ný
svæði. svavar@frettabladid.is
Lóðasala borgarinnar
93 prósent frá áætlun
Neikvæður viðsnúningur framkvæmda- og eignasviðs Reykjavíkurborgar er níu
milljarðar króna á fyrstu sex mánuðum ársins og er áætlaður ellefu milljarðar í
árslok. Sala byggingarréttar er sjö prósent af áætlun fyrir árið 2008.
NÝ HVERFI Eftir að viðskiptabankarnir hættu að lána fyrir lóðakaupum hefur fjölda lóða verið skilað til sveitarfélaganna á höfuð-
borgarsvæðinu. MYND/RVK
Kynntu þér málið hjá sölumönnum Eirvíkur
www.eirvik.is
Íslenskt stjórnborð
Íslenskar leiðbeiningar
Stórt hurðarop
20 ára ending
Allt hreint með Miele
„...fyrst á visir.is“
...ég sá það á visir.is
VIÐSKIPTI Breska fjármálaráðuneyt-
ið sendi öllum bönkum þarlendis
yfirlýsingu um að opnað hafi verið
fyrir fjármagnsflutning til Íslands.
Þó eru enn hömlur á viðskiptum
Landsbankans þar sem bresk yfir-
völd vilja koma í veg fyrir að eignir
bankans séu fluttar úr landi.
„Það er þó of snemmt að fagna
því enn geta verið mörg ljón í veg-
inum svo viðskiptin verði með eðli-
legum hætti á nýjan leik,“ segir
Friðrik Jón Arngrímsson, fram-
kvæmdastjóri Landssambands
íslenskra útvegsmanna.
Vandinn felst meðal annars í því
að breskir lögfræðingar hafa lagt
fram þau tilmæli til bankanna að ef
þeir sendu pen-
inga til Íslands
væru þeir að
leggja blessun
sína yfir fram-
göngu íslenskra
stjórnvalda en
bresk yfirvöld
eru enn óörugg
um að þau
íslensku muni
standa við skuld-
bindingar sínar
gagnvart skuldum Landsbankans.
Einnig hafa fjölmörg trygginga-
greiðslufyrirtæki fellt niður
greiðslutryggingar íslenskra fyrir-
tækja. Það þýðir að fyrirtækin
njóta ekki lengur lánstrausts hjá
viðskiptavinum sínum. Þá verða
þau að staðgreiða vörurnar en það
er ekki heiglum hent eins og gjald-
eyrisviðskiptin hafa gengið fyrir
sig frá yfirtöku á Landsbankanum
og Kaupþingi. Eitt þeirra fyrir-
tækja sem þurft hafa að þola slíka
meðferð vegna þessa ástands er
röraverksmiðjan Set á Selfossi.
„Við höfum enn hráefni til að vinna
úr en það gengur á þau,“ segir
Bergsteinn Einarsson, fram-
kvæmdastjóri Sets. „En á sama
tíma er líka minnkandi spurn eftir
vörum vegna samdráttar í bygg-
ingageiranum.“
- jse
Yfirlýsing til bresku bankanna um að opna fyrir fjármagnsstreymið til Íslands:
Bresk yfirvöld gefa grænt ljós á Ísland
FJÁRMÁLARÁÐHERRA Alistair Darling,
fjármálaráðherra Bretlands.
FRIÐRIK J.
ARNGRÍMSSON
Ætlar þú til útlanda á næst-
unni?
Já 21,4%
Nei 78,6%
SPURNING DAGSINS Í DAG:
Ert þú sátt[ur] við að Ísland
náði ekki kjöri til Öryggisráðs
Sameinuðu þjóðanna?
Segðu þína skoðun á vísir.is
HEILBRIGÐISMÁL „Ef björtustu vonir
ganga eftir mun þetta lyf gjör-
breyta lífi okkar allra,“ segir
Kristinn Guðmundsson, einn fjög-
urra íslenskra MND-sjúklinga
sem taka þátt í lyfjatilraun á
Mount Sinai-sjúkrahúsinu í New
York. Greitt er fyrir þátttöku
þeirra úr „Dollar á mann“-rann-
sóknasjóðnum. Í hann safnaðist í
fyrra jafnvirði eins dollara á
hvern Íslending með hjálp
íslenskra fyrirtækja.
Lyfið heitir Pyrimethamine og
er gamalt malaríulyf. Prófa á
hvort notkun þess í stigvaxandi
skömmtum geti haft jákvæð áhrif
á ákveðið eggjahvítuefni í frum-
um sjúklinganna. Efnið er í líkama
allra en MND-sjúklingar fram-
leiða það í of miklu magni, sem
truflar skilaboðin milli tauga og
vöðva.
Nokkuð misjafnt er hvernig
MND-sjúkdómurinn leggst á fólk
en í öllum tilfellum veldur hann
hægfara lömun. Vonast er til að
lyfið ýmist dragi úr því ferli,
stöðvi það eða jafnvel snúi því við.
Mikil þörf er á lyfjalausnum fyrir
fólk haldið sjúkdómnum, eða eins
og Guðjón Sigurðsson, formaður
MND-félagsins, orðaði það á blaða-
mannafundi: „Bankakreppan er
engin kreppa miðað við þá lyfja-
kreppu sem við MND-sjúklingar
búum við.“ Á Íslandi greinast þrír
til fimm með MND-sjúkdóminn á
ári hverju. - hhs
LÆKNIRINN OG FJÓRMENNINGARNIR
Grétar Guðmundsson taugalæknir, Arn-
mundur Jónasson, Kristinn Guðmunds-
son, Edda Heiðrún Backman og Guðjón
Sigurðsson. FRÉTTABLAÐIÐ/STEFÁN
Fjórir MND-sjúklingar taka þátt í lyfjatilraun í Bandaríkjunum:
Vonast eftir gjörbreyttu lífi
KJÖRKASSINN