Fréttablaðið - 18.10.2008, Blaðsíða 5

8 18. október 2008 LAUGARDAGUR
1. Hvaða líkfundarmaður var
handtekinn vegna amfetamín-
verksmiðju í Hafnarfirði?
2. Hvaða íslenski söngvari
hyggst gefa út plötu sína Meira
í Moskvu?
1. Hvað fræga poppsöngkona
gekk í hjónaband í Dómkirkj-
unni um síðustu helgi?
SVÖRIN ERU Á SÍÐU 46
STJÓRNMÁL Óvíst er hvenær frum-
varp um breytingar á eftirlaun-
um þingmanna og ráðherra verð-
ur lagt fram. Frumvarp Valgerðar
Bjarnadóttur, varaþingmanns
Samfylkingarinnar, frá síðasta
þingi átti að vinna frekar í sumar
og er það komið á forræði forsæt-
isráðherra.
Í ljósi umræðu um að mögulega
þurfi að skerða lífeyrisgreiðslur
almennings vegna taps lífeyris-
sjóðanna, hefur umræðan um
breytingar á eftirlaunafrumvarp-
inu orðið æ háværari.
Ágúst Ólafur Ágústsson, vara-
formaður Samfylkingarinnar,
segir ríkt tilefni til að endurskoða
lögin. „Það hefur alltaf staðið til,
enda er kveðið á um það í stjórn-
arsáttmála. Nú er ríkara tilefni
en ella að formenn flokkanna
komi sér saman um sameiginleg-
ar breytingar á lögunum. Það
gengur ekki að þingmenn og ráð-
herrar búi við sérkjör í lífeyris-
málum. Ég segi bara burt með
lögin.“
„Það væri manndómsbragur af
því að hreinsa þau ósköp af
okkur,“ segir Steingrímur J. Sig-
fússon, formaður Vinstri grænna.
Hann segir það vera á forræði
ríkisstjórnarinnar. „Við höfum
lýst því yfir að við værum til í
uppstokkun á því kerfi. Ef raun-
verulegur vilji er til þess stendur
ekki á okkur. Það kemur ekki
annað til greina en að æðstu emb-
ættismenn deili kjörum með þjóð-
inni.“
„Þetta hefur nú ekki komið til
tals akkúrat núna, það er nóg af
öðru ati í augnablikinu,“ segir
Arnbjörg Sveinsdóttir, þing-
flokksformaður Sjálfstæðis-
flokksins. Hún segist reikna með
því að fljótlega komi tillögur í
málinu, enda sé kveðið á um það í
stjórnarsáttmálanum.
Guðni Ágústsson, formaður
Framsóknarflokksins, vísar í
umræður formanna flokkanna
um málið. „Eftirlaunamálið hefur
verið í ákveðnum farvegi en ekki
er komin nein lausn á því. Menn
hafa haft um annað að funda und-
anfarna daga. Forsætisráðherra
hefur fundað tvívegis með okkur
formönnunum síðsumars, en
engin samstaða var komin um
málið þá. Til þess getur auðvitað
komið, við þessar hamfarir allar,
að við þurfum að stilla allt samfé-
lagið upp á nýtt og þetta þar með,“
segir Guðni.
Guðjón Arnar Kristjánsson,
formaður Frjálslynda flokksins,
segir flokkinn tilbúinn til að
afgreiða frumvarpið um leið og
það er til. „Ég hef alltaf sagst
vera reiðubúinn til þess að endur-
skoða þetta. Það er samt hálfaumt
þegar 43 manna ríkisstjórn kemur
máli ekki í gegn og þarf að koma
því á stjórnarandstöðuna.“
kolbeinn@frettabladid.is
Eftirlaunafrumvarp
er enn þá óútkljáð
Óvíst er hvenær eftirlaunafrumvarpið verður tekið aftur fyrir á Alþingi. Tals-
menn allra flokka lýsa sig reiðubúna til að útkljá málið og varaformaður Sam-
fylkingar vill lögin burt. Unnið hefur verið að málinu í sumar.
VIÐ ÞINGSETNINGU Töluverðar líkur eru á því að lífeyrisgreiðslur almennings skerðist
vegna efnahagskreppunnar. Háværar raddir hafa verið uppi um að breytingar verði
gerðar á eftirlaunafrumvarpi þingmanna og ráðherra. FRÉTTABLAÐIÐ/STEFÁN
Skógarhlíð 18 • sími 595 1000
Akureyri • sími 461 1099 • www.heimsferdir.is
LÖGGÆSLA Um þriðjungur fólks
telur sig vera öruggan í miðborg
Reykjavíkur að næturlagi um
helgar. Þetta er lægra hlutfall
heldur en í könnun sem gerð var
árið 2004. Þá töldu 36 prósent
svarenda sig örugga í miðborg-
inni, en rétt rúm 32 prósent nú.
Þetta kemur fram í árlegri könn-
un Ríkislögreglustjóra á reynslu
landsmanna af afbrotum og við-
horfi til lögreglunnar. Í könnun-
inni sem framkvæmd var í sumar
var meðal annars spurt um örygg-
istilfinningu almennings í heima-
byggð og í miðborg Reykjavíkur,
um þjónustu lögreglunnar og sýni-
leika hennar.
Um 32 prósent svarenda sáu
lögreglubíl í sínu hverfi eða
byggðalagi oft eða nær daglega.
Tæp níu prósent sögðust aldrei sjá
lögreglumann eða lögreglu. Á höf-
uðborgarsvæðinu voru svör þrett-
án prósent svarenda á þann veg.
Þegar spurt var um hvaða afbroti
fólk óttast mest að verða fyrir
svöruðu ríflega 40 prósent innbrot.
Næstflestir eða 36 prósent óttast
ofbeldi og líkamsárásir.
Um 88 prósent svarenda í könn-
unni telja að lögreglan vinni nokk-
uð eða mjög gott starf. - jss
Þolendakönnun á viðhorfum til lögreglu og reynslu almennings af afbrotum:
Færri öruggir í miðborginni
LÖGREGLAN Í MIÐBORGINNI Um 88 prósent telja lögreglu vinna gott starf. Heldur
færri eru þó öruggir í miðborginni.
EFNAHAGSMÁL „Ný sjálfstæðisbar-
átta [er] óhjákvæmileg til að end-
urheimta og treysta fjárhagslegan
styrk þjóðarinnar,“ sagði Björn
Bjarnason, dómsmálaráðherra í
ræðu sinni á Hátíðarmálþingi
Háskóla Íslands í gær. Þingið var
haldið í tilefni af því að 100 ár eru
liðin frá því lagakennsla hófst á
Íslandi.
„Bresk stjórnvöld beita hrammi
hryðjuverkalaga gegn íslenskum
fyrirtækjum. Hollendingar hóta
með aðgerðum á vettvangi
Alþjóðagjaldeyrissjóðsins, fallist
Íslendingar ekki á kröfur þeirra,“
sagði Björn.
Hann sagði ákvörðun bresku
ríkisstjórnarinnar um að beita
hryðjuverkalögum til að sölsa
undir sig eignir íslenskra banka
og starfsemi í Bretlandi hafa hugs-
anlega dramatíkst, táknrænt gildi
og vitnaði þar til greinar í The
Washington Post, undir fyrirsögn-
inni Næsta heimstyrjöldin, frá síð-
astliðnum sunnudegi. Sagði hann
greinarhöfunda segja að sú styrj-
öld gæti orðið fjármálaleg.
„Greinarhöfundar líkja ástand-
inu í banka- og fjármálaheiminum
við heimsstríð og Ísland hefur að
margra áliti orðið fyrst ríkja til að
lúta í lægra haldi í þeim átökum.“
Þá hafi umræður á innlendum
stjórnmálavettvangi réttilega snú-
ist um það undanfarið, hvar Íslend-
ingar geti leitað stuðnings og
skjóls, þegar hvarvetna ríkir upp-
nám. - ovd
Björn Bjarnason segir Ísland fyrsta ríkið til að lúta í lægra haldi í heimsátökum:
Ný sjálfstæðisbarátta óhjákvæmileg
DÓMSMÁLARÁÐHERRA Björn Bjarna-
son segir bresk stjórnvöld hafa beitt
hrammi hryðjuverkalaga gegn íslenskum
fyrirtækjum.
UMHVERFISMÁL Frekari efnistaka
Björgunar ehf. í Hvalfirði kemur
til með að hafa óveruleg umhverf-
isáhrif samkvæmt frummats-
skýrslu fyrirtækisins vegna mats á
umhverfisáhrifum efnistöku af
hafsbotni í Hvalfirði.
Skýrslan barst Skipulagsstofnun
í síðustu viku og þar segir meðal
annars að á umræddu svæði í
Hvalfirði séu 6 námur. Áætlað er
að efnistaka á svæðinu á næsta
leyfistímabili, 2008-2018 verði um
10 milljón rúmmetrar af þeim 27
milljón rúmmetrum efnis sem
áætlað er að sé að finna í námum í
Hvalfirði. Frestur til athugasemda
er til 28. nóvember. - ovd
Efnistaka á botni Hvalfjarðar:
Umhverfisáhrif
sögð óveruleg
MÓTMÆLI „Við teljum bankamenn
bera mikla ábyrgð, ríkisstjórnina
bera meiri ábyrgð og Davíð
Oddson bera
mesta ábyrgð á
núverandi
efnahagsástandi,
og viljum losna
við hann,“ segir
Kolfinna
Baldvinsdóttir,
sem stendur
fyrir mótmælum
á Austurvelli
klukkan þrjú í
dag. Aðrir aðstandenur mótmæl-
anna eru Hörður Torfason, Birgir
Þórarinsson, Dr. Gunni og Andri
Sigurðsson.
Kolfinna segir að ef dæma eigi
af undirskriftalistum á netinu
megi búast við þúsundum manna
á Austurvöll í dag. - kg
Mótmæli á Austurvelli í dag:
Davíð verði
vikið úr starfi
KOLFINNA
BALDVINSDÓTTIR
Tapa ekki miklu
Finnska fjármálaeftirlitið áætlar að
finnsku bankarnir geti tapað 20
milljónum evra í mesta lagi, eða um
þremur milljörðum króna, á íslensku
bönkunum Fyrri áætlanir höfðu sýnt
mögulegt tap upp á 210 milljónir.
FINNLAND
Fann kind á hafsbotni
Norski kafarinn Hans Harald Ylvisåker
fann nýlega kind á sextán metra dýpi
við Noreg. Steinn hafði verið bundinn
við þrjár af löppum dýrsins og því
kastað út í sjóinn.
NOREGUR
Endurvekja árshátíð
Bæjarráð Akraness hefur tekið undir
áskorun leikskólastjóra í bænum um
að Akraneskaupstaður endurveki
árshátíð bæjarstarfsmanna og sýni
þannig að störf þeirra allra séu metin
að verðleikum.
AKRANES
VEISTU SVARIÐ?