Fréttablaðið - 18.10.2008, Blaðsíða 31

heimili&hönnun ●
Þ essi bekkur gengur undir heitinu 334 og er hluti af
svokölluðu X days verkefni, þar sem
endurvinnsla leikur stórt hlutverk í
vöruframleiðslu. Bekkurinn, sem er
eftir hönnuðinn Oscar Lhermitte,
samanstendur af þremur járnstöng-
um sem hvorki meira né minna en
334 dagblöðum hefur verið raðað
þétt ofan á. Allt að fimm manns geta
setið á honum í einu og það án þess
að dagblöðin séu límd saman, þótt
ótrúlegt megi virðast. En í verkefn-
inu er eftir fremsta magni reynt að
forðast notkun á lími, skrúfum eða
lóðmálmum. Ekki stendur til að selja
334 bekkinn heldur er honum ætlað
að vera almenningi til umhugsunar
um umhverfisvernd og veita honum
innblástur í hvernig megi endur-
vinna hluti. Sjá oscarlhermitte.com.
Endurvinnsla
höfð í öndvegi
Bekkurinn 334 er samansettur af 334
dagblöðum.
S koski listamaðurinn Jim Lambie hefur frá árinu 1999 notað
glansandi borða í öllum regnbogans
litum til að þekja gólffleti og stiga.
Úr límbandinu býr hann til regluleg
en litskrúðug munstur sem breyta
látlausum herbergjum í kraftmikið
rými sem örvar skynfærin.
„Borðarnir skapa svo margar brún-
ir að þær leysast í rauninni upp og sá
sem í rýminu stendur veit ekki hvort
það sé að stækka eða minnka,“ segir
Lambie, sem er tónlistarmenntað-
ur en líkt og tónlistarbylgjur fylla inn-
setningar hans út í umhverfið.
Sjá nánar á www.webexhibits.org/
colorart/lambie.html.
Örvar skynfærin
Listamaðurinn Jim Lambie notar glans-
andi borða til að þekja gólffleti og stiga.
SNÚIÐ Á KULDABOLA Nú er kalt úti enda styttist í fyrsta dag vetrar. Kveftíðin
er í algleymingi og kuldahrollurinn hríslast eftir bakinu þegar ísköld haustrigning-
in lemur sér leið ofan í hálsmálið á leiðinni í vinnuna. Það getur tekið heilan
dag að ná hrollinum úr en svo kemur hann aftur á leiðinni heim. Ákveðnir
hlutir eru því nauðsynlegir á þessum tíma svo sem þykkt teppi, inniskór og
kakó. Smeygðu þér í hnausþykka inniskó og hitaðu kakó heima. Laumaðu
þér svo undir teppi og komdu ekki undan því fyrr en hrollurinn er farinn.
LAUGARDAGUR 18. OKTÓBER 2008 7