Fréttablaðið - 18.10.2008, Blaðsíða 52

40 18. október 2008 LAUGARDAGUR
sport@frettabladid.is
FH-ingar hafa komið hressilega á óvart í N1-deild karla í hand-
bolta og eru nú sem stendur í öðru sæti deildarinnar eftir að
hafa spilað fimm leiki og tapað aðeins einu sinni. Flestra augu
hafa þar beinst að leikstjórnandanum efnilega Aroni Pálmars-
syni en fleiri efnilegir leikmenn hafa einnig kveðið sér hljóðs hjá
Hafnarfjarðarliðinu. Skyttan Ólafur Guðmundsson er einn þeirra
og hann fór til að mynda á kostum í jafnteflisleik gegn Fram í
fyrrakvöld þegar hann gerði sér lítið fyrir og skoraði tólf mörk.
Hinn átján ára Ólafur segir velgengni FH í upphafi móts ekki
koma sér sérstaklega á óvart.
„Þessi byrjun kemur okkur leikmönnunum í sjálfu sér
ekkert á óvart þar sem við erum aldir upp við að vinna leiki
og höfum unnið allt sem í boði er með yngri flokkum FH,
bæði hérlendis og erlendis. Við vorum snemma látnir vita
af því að þessi kjarni myndi svo bara taka við meist-
araflokknum, þannig að þetta er búið að vera svona
ákveðið ferli og við erum mjög ánægðir með að fá
þetta tækifæri svona ungir og ætlum að nýta okkur
það,“ segir Ólafur.
Ólafur er þó með báða fætur á jörðinni og segir markmið-
ið hjá FH, að svo stöddu, sé enn fyrst og fremst að halda sér
í deildinni.
„Við náttúrulega vissum ekki alveg hvar við myndum
standa gegn hinum liðunum í deildinni fyrir mót, en við
erum núna alltaf að læra með hverjum leik. Mótið
er bara rétt byrjað og markmiðið hjá okkur er enn
bara að halda okkur í deildinni en síðan kemur
bara í ljós seinna hvort við þurfum eitthvað að
endurskoða það markmið og setja okkur nýtt. Við
ætlum allavega ekkert að fara fram úr okkur og
viljum bara halda áfram að bæta okkur og halda
sama hraðanum í spilinu, en minnka mistökin.
Það hefur verið svolítið einkennandi hjá okkur
að þegar líða tekur á leikina og þreytan fer að
segja til sín þá dettum við aðeins niður og við
þurfum að finna leiðir til þess að bregðast við
því,“ segir Ólafur að lokum.
SKYTTAN ÓLAFUR GUÐMUNDSSON: HEFUR LEIKIÐ MJÖG VEL MEÐ SPÚTNIKLIÐI FH Í N1-DEILDINNI Í HANDBOLTA
Góð byrjun kemur leikmönnum FH ekki á óvart
>Ummæli Viggós hugsanlega fyrir aganefnd
Viggó Sigurðsson, þjálfari Fram, fór hörðum orðum um
Hörð Aðalsteinsson dómara í viðtali við Morgunblaðið
eftir leik Fram og FH. „Ekki bætti úr skák að dómgæslan
var gjörsamlega út í hött og öll á einn veg
allan leikinn. Annar dómarinn, þá er ég ekki
að tala um parið, var í „missjón“ gegn okkur
frá upphafi til enda,“ sagði Viggó við Mogg-
ann. Þjálfarar hafa lent inn á borð aganefnd-
ar fyrir ýmis ummæli í gegnum tíðina og
Einar Þorvarðarson, framkvæmdastjóri
HSÍ, sagðist vera að skoða málið en
hann getur skotið ummælum Viggós
til aganefndar telji hann ástæðu til.
FÓTBOLTI Hinn sautján ára Björn
Bergmann Sigurðarson mun á
morgun gangast undir læknis-
skoðun og í framhaldi af því skrifa
undir þriggja ára samning við
norska úrvalsdeildarfélagið Lill-
eström. ÍA samþykkti nýlega
kauptilboð í framherjann efni-
lega.
Björn Bergmann var enn stadd-
ur í Makedóníu með U-19 ára
landsliði Íslands sem tók þar þátt í
undankeppni EM en var að búa sig
undir heimför þegar Fréttablaðið
náði tali af honum í gærdag. Hann
mun þó stoppa stutt á Íslandi þar
sem hann heldur aftur út á morg-
un til þess að ganga frá sínum
málum hjá Lilleström.
„Ég fer út á sunnudaginn til
þess að fara í læknisskoðun og
skrifa undir þriggja ára samning
við Lilleström og er mjög ánægð-
ur með það. Ég fór á dögunum og
skoðaði leikvanginn og æfingarað-
stöðuna hjá félaginu og leist strax
mjög vel á þetta allt saman. Eftir
spjall við knattspyrnustjórann þar
sem hann sagðist ætla að gefa mér
tækifæri þá ákvað ég að kýla á
þetta,“ segir Björn Bergmann. En
knattspyrnustjóri Lilleström er
áhugamönnum um enska boltann
að góðu kunnur því það er enginn
annar en Henning Berg, fyrrum
varnarmaður Manchester United.
Björn Bergmann vakti verð-
skuldaða athygli í fyrra þegar
hann skaust upp á stjörnuhimin-
inn með ÍA í Landsbankadeildinni,
þá aðeins sextán ára gamall. Fram-
herjinn hélt áfram að heilla í
sumar og skoraði þá fjögur mörk í
nítján leikjum með Skagaliðinu og
var undir smásjánni hjá fjölda
félaga í Evrópu.
Gísli Gíslason, formaður rekstr-
arfélags meistara- og 2. flokks ÍA,
var ánægður fyrir hönd Björns
Bergmanns þegar Fréttablaðið
ræddi málin við hann í gær og ósk-
aði Birni velfarnaðar en vildi ekk-
ert segja til um hvert kaupverðið
hafi verið. Gísli staðfesti þó að
mörg félög hefðu spurst fyrir um
framherjann unga.
Gríðarlega eftirsóttur
„Það hafa ýmis félög sýnt honum
áhuga á undanförnum mánuðum,
félög frá Englandi, Austurríki,
Hollandi og Noregi þannig að það
var engin vöntun á því. Við vildum
hins vegar, meðvitað, halda því í
lágmarki að senda hann á reynslu
hingað og þangað um Evrópu þar
sem við töldum hagsmunum hans
ekki borgið með því. En forráða-
menn Lilleström komu að máli við
okkur fyrir svona hálfum mánuði.
Það var allt saman mjög vel undir-
búið og hann fór þá í framhaldi af
því út til þess að skoða aðstæður
og annað. Þeir voru búnir að fylgj-
ast vel með honum og sáu hann
spila með ÍA gegn KR og líka með
U-19 ára landsliðinu. Félögin voru
heldur ekki lengi að ná endum
saman um kaupverðið og það er
vonandi að þetta sé heillaskref hjá
stráknum,“ segir Gísli.
omar@frettabladid.is
Björn Bergmann í raðir Lilleström
Skagamaðurinn Björn Bergmann Sigurðarson mun að öllu óbreyttu skrifa undir þriggja ára samning við
norska úrvalsdeildarfélagið Lilleström á morgun en ÍA samþykkti kauptilboð í framherjann á dögunum.
EFNILEGUR OG EFTIRSÓTTUR Mörg félög í Evrópu voru á eftir hinum unga og efnilega
Birni Bergmann en hann hyggst nú ganga til liðs við Lilleström og skrifa undir þriggja
ára samning við norska félagið. FRÉTTABLAÐIÐ/DANÍEL
Iceland Express karla
Breiðablik-Skallagrímur 78-66 (46-35)
Stig Breiðabliks: Nemanja Sovic 26 (16 frák.,
5 stolnir), Rúnar Ingi Erlingsson 12, Emil Þór
Jóhannsson 10, Aðalsteinn Pálsson 9, Rúnar
Pálmarsson 8, Kristján Sigurðsson 7, Halldór
Halldórsson 4, Loftur Þór Einarsson 2.
Stig Skallagríms: Sveinn Davíðsson 18 (10 frák.,
4 stoðs.), Þorsteinn Gunnlaugsson 14 (8 frák.,
5 stoðs.), Pálmi Þór Sævarsson 12 (10 frák., 7
varin), Trausti Eiríksson 5, Óðinn Guðmundsson
5, Finnur Jónsson 4, Sigurður Þórarinsson 4, Sig
urður Sigurðsson 2, Sigursteinn Hálfdánarson 2.
Keflavík-Þór Ak. 94-70 (48-31)
Stig Keflavíkur: Gunnar Einarsson 17, Sverrir Þór
Sverrisson 15, Vilhjálmur Steinarsson 14, Jón
Norðdal Hafsteinsson 13, Hörður Axel Vilhjálms-
son 13, Þröstur Leó Jóhannsson 11, Sigurður
Gunnar Þorsteinsson 9, Elvar Þór Sigurjónsson 2.
Stig Þórs: Cedric Isom 34 (9 frák., 5 stoðs.),
Óðinn Ásgeirsson 15 (10 frák.), Baldur Stefáns-
spon 6, Hrafn Jóhannesson 5, Milorad Damjanac
4 (11 frák.), Guðmundur Jónsson 2, Bjarki Odds-
son 2, Jón Orri Kristjánsson 2.
Snæfell-Tindastóll 55-57 (29-23)
NÆSTU LEIKIR
Tindastóll-FSu sun. kl. 19.15
Þór Ak.-Breiðablik sun. kl. 19.15
KR-Keflavík sun. kl. 19.15
Njarðvík-Grindavík mán kl. 19.15
Skallagrímur-Snæfell mán kl. 19.15
ÍR-Stjarnan mán kl. 19.15
Þýski handboltinn
Gummersbach-HSG Wetzlar 26-24
Róbert Gunnarsson skoraði 4 mörk fyrir Gum
mersbach í þessum leik.
THW Kiel-Füchse Berlin 38-29
Lærisveinar Alfreðs Gíslasonar fóru á toppinn en
Lemgo á leik inni gegn HSV Hamburg í dag og
hann er í beinni á Stöð2 Sport klukkan 13.00.
ÚRSLITIN Í GÆR
V
in
n
in
g
a
r
ve
rð
a
a
fh
e
n
d
ir
h
já
B
T
S
m
á
ra
lin
d
. K
ó
p
av
o
g
i.
M
e
ð
þ
v
í a
ð
t
a
k
a
þ
á
tt
e
rt
u
k
o
m
in
n
í
S
M
S
k
lú
b
b
. 1
4
9
k
r/
sk
e
yt
ið
.
SENDU SMS BTC MSB
Á NÚMERIÐ 1900!
ÞÚ GÆTIR UNNIÐ!
VINNINGAR ERU IRON MAN Á DVD, DVD MYNDIR, FULLTAF PEPSI, TÖLVULEIKIR, DVD...OGMARGTFLEIRA!
HVERVINNUR!
9.
HEROES AREN’T BORN. THEY ARE MADE.
ÚTGÁFUDAGUR 16.10.08
Dreifing
KÖRFUBOLTI Nýliðar Breiðabliks
fylgdu eftir árangri kollega
þeirra í FSU á fimmtudagskvöld-
ið með því að vinna 12 stiga sigur
á Skallagrími, 78-66, í vígsluleik
nýja parketsins í Smáranum í
gær. Á sama tíma unnu Íslands-
meistarar Keflavíkur auðveldan
sigur á Þór og Tindstóll vann
dramatískan tveggja stiga sigur
á Snæfelli í Stykkishólmi.
„Það var rosalega mikilvægt
fyrir okkur að ná í þennan sigur í
dag. Þeir eru baráttulið og gefa
ekkert eftir og fyrir þeim var
þetta eins og fyrir okkur gríðar-
lega mikilvægur leikur,“ sagði
Einar Árni Jóhannsson, þjálfari
Breiðabliks.
„Þetta eru tvö lið sem eru fyrir
fram í botnbaráttu og hver sigur
þar á milli er gríðarlega mikil-
vægur. Það er líka ánægjulegt að
byrja mótið með sigri,“ sagði
Einar Árni.
„Ég er heilt yfir sáttur við það
að menn voru að leggja sig fram
og við spiluðum fína vörn og höld-
um þeim í 66 stigum,“ sagði Einar
sem var sáttur með framlag
Nemanja Sovic sem sneri aftur
til Blika á dögunum og var með
26 stig, 16 fráköst og 5 stolna
bolta í gær. „Ég var mjög ánægð-
ur með hans frammistöðu, hann
er okkur mikilvægur og er þetta
sóknarvopn sem heldur jafnvæg-
inu fyrir okkur,“ sagði Einar.
Nemanja Sovic átti eins og
áður sagði mjög góðan leik en þá
var Rúnar Ingi Erlingsson drjúg-
ur í lokin, sérstaklega þegar hann
stal boltanum og kom Blikum sex
stigum yfir þegar aðeins mínúta
var eftir og Borgnesingar voru á
góðri leið með að ná muninum
niður í tvö stig.
Sveinn Davíðsson (18 stig, 10
fráköst, 4 stoðsendingar) og Þor-
steinn Gunnlaugsson (14 stig, 8
fráköst, 5 stoðsendingar) byrjuðu
vel í Skallagrímsbúningnum en
fyrirliðinn og nú annar þjálfar-
inn, Pálmi Þór Sævarsson, fór
fyrir liðinu með baráttu sinni og
endaði leikinn með 12 stig, 10
fráköst og 7 varin skot. Það vakti
athygli að Ken Webb stjórnaði
liði Skallagríms í gær en hann er
hættur að þjálfa liðið.
Keflvíkingar fóru létt með
Þórsara og unnu að lokum 24
stiga sigur þar sem sex leikmenn
liðsins skoruðu ellefu stig eða
meira og sjá sjöundi var með 9
stig. Það dugði lítið fyrir Þór að
Cedric Isom skoraði 34 stig því
gestirnir að norðan áttu ekki
möguleika í breidd Keflavíkur-
liðsins. Gunnar Einarsson setti
niður 5 af 9 þriggja stiga skotum
sínum og var stigahæstur hjá
Keflavík með 17 stig
Tindastóll byrjar vel og vann
57-55 sigur á Snæfelli í Hólmin-
um þar sem Snæfell var 29-23
yfir í hálfleik. Sigurður Þorvalds-
son var stigahæstur Snæfells-
manna með 12 stig en Svavar
Birgisson skoraði 14 fyrir Tinda-
stól. - óój
Tindastóll vann sigur í Stykkishólmi í Iceland Express deild karla í gærkvöldi:
Blikar vígðu parketið með sigri
BARÁTTA Þorsteinn Gunnlaugsson
fær hér einn á lúðurinn frá Blikan-
um Lofti Þór Enarssyni.
FRÉTTABLAÐIÐ/ARNÞÓR