Fréttablaðið - 18.10.2008, Blaðsíða 9
LAUGARDAGUR 18. október 2008 13
Margir stærstu vogunarsjóðir
heims róa nú lífróður og selja eign-
ir í stórum stíl til að bæta eiginfjár-
stöðu sína. Bandaríska viðskipta-
sjónvarpsstöðin CNBC hefur eftir
heimildamönnum sínum að eignir
Citadel, sem er einn af stærstu vog-
unarsjóðum heims, hafi rýrnað að
verðgildi um fjórðung í ár. Til að
mæta kröfum lánadrottna hafa
sjóðirnir þurft að selja eignir.
Með stórfelldri eignasölu hafa
vogunarsjóðirnir enn frekar þrýst
niður hlutabréfaverði. - msh
Vogunarsjóðir hrynja
Vanskil á kreditkortaskuldum
bandarískra neytenda hafa aukist
um 48 prósent miðað við sama tíma
í fyrra. Þetta kemur fram í tölum
frá Moody‘s Investor Service.
Moodys áætlar að vanskil muni
aukast mikið á næstu misserum og
að reikna megi með því að afskrift-
ir muni halda áfram að hækka út
næsta ár og ná 8,5 prósentum.
Bankar hafa mætt þessum áföll-
um með frekari samdrætti í útlán-
um, meðal annars bílalánum og
öðrum lánum til neytenda. Sam-
kvæmt tölum frá Seðlabanka
Bandaríkjanna hafa bankar lækkað
úttektarheimildir korthafa og sam-
þykkt færri kortaumsóknir.
Áætlað hefur verið að 950 millj-
arðar dollara séu nú útistandandi í
kreditkortaskuldum í Bandaríkjun-
um. Þriðjungur þessara skulda
hefur verið vafinn inn í ýmsa
skuldavafninga og eru hluti hinna
„eitruðu“ verðbréfa sem banda-
rískir bankar glíma við. - msh
Vanskil á kortum aukast
Starfshópur Efnahags-
og framfarastofnunar-
innar (OECD) vegna bar-
áttu gegn mútum
gagnrýnir bresk stjórn-
völd harðlega fyrir að
hafa ekki uppfært og
samræmt löggjöf gegn
spillingu og mútugreiðsl-
um.
Bendir hópurinn á að
bresk löggjöf sé bæði
gloppótt og ómarkviss
og geri að verkum að nærri óger-
legt sé að sækja fyrirtæki til saka
fyrir mútur. Þótt Bretar hafi sam-
þykkt ályktun OECD um baráttu
gegn mútuþægni fyrir áratug, hafi
enn engum mútumálum gegn spillt-
um fyrirtækjum lyktað með sak-
fellingu í Bretlandi.
Segist starfshópurinn
hafa „orðið fyrir miklum
vonbrigðum og hafa þungar
áhyggjur“ af aðgerðaleysi
Breta og varar við því að
óvissa um lagaumhverfi í
Bretlandi kunni að verða til
þess að viðskiptamenn
breskra fyrirtækja þurfi að
hafa aukinn vara á sér og að
alþjóðlegir fjárfestinga-
bankar þurfi að auka eftirlit
með starfsemi breskra fyrirtækja
sem taka þátt í þróunarverkefn-
um.
Telur hópurinn að bresk stjórn-
völd verði að gera það að forgangs-
máli að uppfæra löggjöf sína í
þessum málum. -msh
Bretar taki á mútum
GORDON BROWN
FORSÆTISRÁÐ-
HERRA BRETA
Fjármálaeftirlitið skoðar
enn aðkomu lífeyrissjóð-
anna að Kaupþingi. Málið
verður skoðað eftir að nýtt
félag verður stofnað um
starfsemi bankans.
„Fjármálaeftirlitið og skilanefnd
Kaupþings vildu ekki taka ábyrgð
á erindi lífeyrissjóðanna, töldu
hugmyndina ekki nógu þroskaða.
Kjósi lífeyrissjóðirnir að koma
með fullmótaðri tillögu síðar gera
þeir það þegar bankinn verður
kominn í eigu ríkisins,“ segir
Björgvin G. Sigurðsson, viðskipta-
ráðherra.
Áður en Kaup-
þing fór í þrot í
síðustu viku
sendu fimm líf-
eyrissjóðir Fjár-
málaeftirlitinu
og skilanefnd
bankans bréf
þar sem óskað
var eftir við-
ræðum um kaup
á að minnsta
kosti 51 pró-
sents hlut í nýjum banka á móti
öðrum aðilum.
Stórir hluthafar Kaupþings, svo
sem Sigurður Einarsson, stjórnar-
formaður bankans, og Ólafur
Ólafsson, stjórnarformaður Sam-
skipa og Alfesca, eru orðaðir við
afganginn á móti sjóðunum.
Ólafur var með stærstu hluthöf-
um Kaupþings en Sigurður var í
hópi tuttugu stærstu hluthafa.
Engar upphæðir liggja á borð-
inu. Eftir því sem næst verður
komist þótti ekki verjandi að
Kaupþing yrði fært á milli eig-
enda með þeim hætti sem stóð til,
að einkavæða bankann beint úr
skilanefnd til fyrri eigenda.
Þannig yrði ekki gætt eðlilegs
jafnræðis auk þess sem aðferðin
væri í eðli sínu ógagnsæ.
Björgvin segir það ekki á ábyrgð
Fjármálaeftirlitsins að taka
ábyrgð á einkavæðingu Kaup-
þings. Heppilegra væri ef slíkt
lenti á herðum stjórnvalda eftir
stofnun nýs félags um reksturinn.
„Það má ekki skilja sem svo að til-
boðinu hafi verið hafnað heldur sá
Fjármálaeftirlitið ekki grundvöll
fyrir því,“ bætir Björgvin við.
Nýtt félag verður stofnað um
starfsemi Kaupþings á næstu
dögum og verður erindið tekið til
afgreiðslu að því loknu.
Víðar en á Íslandi velta stjórn-
völd fyrir sér mögulegri aðkomu
lífeyrissjóða að bönkum landsins.
Í viðskiptahluta Sunday Tribune á
Írlandi segir að ráðamenn þar í
landi velti nú fyrir sér möguleika
á ríkisvæðingu írskra banka að
hluta með aðkomu Lífeyrissjóðs
ríkisins. Vilji írskir ráðamenn eiga
þessa leið til vara til þess að
endurfjármagna írsku bankana.
Áður þurfi að vera búið að reyna
alla aðra kosti.
Hvorki náðist í Jón Sigurðsson,
formann stjórnar Fjármálaeftir-
litsins, né Þorgeir Eyjólfsson, for-
stjóra Lífeyrissjóðs verslunar-
manna, vegna málsins í gær.
jonab@markadurinn.is /
ingimar@markadurinn.is
BJÖRGVIN G.
SIGURÐSSON
KAUPÞING Erindi lífeyrissjóða um kaup á meirihluta í Kaupþingi verður væntanlega
tekið fyrir eftir stofnun nýs félags um starfsemi hans. FRÉTTABLAÐIÐ/GVA
Lífeyrissjóðirnir koma
síðar að Nýja-Kaupþingi
Allir regnbogans litir og fleira flott,
girnilegur matur og margt svo gott.
Opið 10–18 í dag
Komdu í heimsókn