Fréttablaðið - 18.10.2008, Blaðsíða 26
HEIMILISHALD
RAGNHEIÐUR TRYGGVADÓTTIR
● Forsíðumynd: Arnþór Birkisson tók mynd á heimili
HIldigunnar Hjálmarsdóttur Útgáfufélag: 365 miðlar
ehf., Skaftahlíð 24, 105 Reykjavík, s. 512 5000 Ritstjór-
ar: Roald Eyvindsson roald@frettabladid.is, Emilía
Örlygsdóttir emilia@frettabladid.is Auglýsingar: Hlynur
Þór Steingrímsson s. 512 5439 Útlitshönnuður: Kristín
Agnarsdóttir kristina@frettabladid.is.
● heimili&hönnun
Þ
að eru ákveðin forréttindi að fá að vera heima hjá sér í róleg-
heitunum. Nú þegar kólna fer í veðri fjölgar þeim stundum sem
við eyðum inni við og þess ættum við að njóta. Það ætla ég að
gera. Ég veit ekkert betra en að sýsla eitthvað heima hjá mér
meðan haustrigningin dynur á rúðunum. Bestu minningarnar sem ég
á úr æsku eru þegar ekki sást út úr húsi fyrir norðlenskum snjóbyl,
Silja Aðalsteins las framhaldssöguna um Christinu á Flambardssetr-
inu í útvarpinu og mamma var að baka inni í eldhúsi. Mamma var allt-
af eitthvað að sýsla í eldhúsinu og steikti heilu
fjöllin af kleinum meðan ég sat við eldhúsborð-
ið og lærði heimadæmin. Eldhússýsl finnst mér
því sérstaklega heimilislegt og ég vil gjarnan ala
mín börn upp við slík notalegheit.
Verst að ég er ómöguleg þegar kemur að
bakstri og öðrum húsverkum. Uppskriftir úr
matarbókum eru eins og stjarnlífeðlisfræði-
þrautir fyrir mér sem ekki nokkur leið er að
leysa úr og þegar ég tek mig til við bakstur er
það yfirleitt með það miklum fyrirgangi og óskipulagi að enginn krakki
gæti dundað sér undir þeim kringumstæðum. Ég hef margoft notið að-
stoðar frú Bettý við baksturinn en finnst það alltaf hálfgert svindl.
Sumir segjast líka finna muninn á Bettý eða alvöru köku bakaðri úr
Kötlukakói og Royal lyftidufti.
Það er eins og ég sé undir álögum því oft er eins og allt gangi að
óskum ef ég hef einhvern til aðstoðar, þótt sá hinn sami geri ekkert
annað en að smyrja formið. Þannig höfum við systurnar bakað saman
fyrir jólin og framleitt lystilegar smákökur í bauka. En þegar ég bjó í
erlendri borg ein jólin og reyndi að baka sömu uppskriftir hjálparlaust
varð afraksturinn stökkar flatar kexkökur, grunsamlega dökkar og
undarlegar á bragðið. Þetta gæti samt þýtt að þessi vanhæfni mín sé af
sálrænum toga. Að ég hafi bara það litla trú á sjálfri mér í eldhúsinu að
allt sem ég taki mér þar fyrir hendur gangi á afturfótunum. Ég þarf að
byggja upp sjálfstraustið og byrja frá grunni.
Því hefur bókin Heimilisfræði II fengið heiðurssess í hillunni en
hana fékk ég í heimilisfræðitímum í sjötta bekk. Þetta er gul kilja með
skilmerkilegum leiðbeiningum í máli og myndum. Þar er útskýrður
munurinn á gerbakstri og hrærðu deigi en hann get ég ekki sagt mér
sjálf. Þar er einnig farið nákvæmlega yfir hvernig á að hræra deig
og þeyta deig og í hvaða röð hráefnin fara út í eftir því hvaða deig er
verið að hræra. Nú býst ég við því að jólakökubaksturinn gangi eins og
í sögu og ég býð bara eftir því að RÚV endurflytji Flambardssetrið.
Heimilisfræði II
„Uppskriftir úr mat-
arbókum eru eins
og stjarnlífeðlis-
fræðiþrautir fyrir
mér sem ekki
nokkur leið er að
leysa úr.“
Jóhann Meunier, eigandi Libori-
us, á notalegt heimili skammt frá
verslun sinni á Laugavegi. Þar
er mikið af gömlum húsgögnum
héðan og þaðan sem er í talsverðri
mótsögn við látlaust yfirbragð
verslunarinnar.
„Heimili mitt er langt frá því
að vera mínimalískt og eru flest
húsgögnin gömul,“ segir Jóhann.
„Hlutirnir eiga sér ekki neinn
vísan stað og fá bókastaflarnir að
hrannast upp á víð og dreif. Mig
hvorki langar til né hef haft efni
á því að eyða peningum í rosalega
dýr húsgögn og legg meira upp úr
því að eyða í hluti sem eru í mik-
illi notkun,“ segir Jóhann sem er
afskaplega ánægður með að eiga
gaseldavél og góða kaffivél. „Ég
held að það dýrasta á heimilinu sé
silki- og ullargólfteppi á stofugólf-
inu.“
Jóhann segir stofuna vera hjarta
heimilisins en þar er bæði borðað,
unnið og slakað á. „Þar er ekkert
leðursófasett en ég á aftur á móti
rosalega góða bók eftir franska
ljóðskáldið Arthur Rimbaud sem
breytti lífi mínu.“
Á skrifborðinu á páfagaukur-
inn Panik sér heiðursess en Jó-
hann hefur átt páfagauka frá því
að hann man eftir sér. „Þessi er
svolítið taugaveiklaður og lítill í
sér. Hann er ekki mjög ævintýra-
gjarn og fer rétt út úr búrinu til
að teygja úr sér,“ lýsir Jóhann en
fyrri páfagaukar hans hafa marg-
ir verið félagslyndir. „Ég held að
þessi þjáist af ofsóknaræði og ber
hann því nafn með rentu.“ - ve
Ekkert leðursófasett
● Heimili Jóhanns Meunier er langt frá því að vera mínimalískt. Í stofunni er hann með
vinnuaðstöðu þar sem páfagaukurinn Panik vakir yfir bókastöflunum.
Jóhann á ekkert leðursófasett en aftur á móti góða bók eftir franska ljóðskáldið Arthur Rimbaud sem breytti lífi hans. FRÉTTABLAÐIÐ/GVA
● EINSTAKT TÆKIFÆRI Handverk og hönnun stendur fyrir sýn-
ingu á íslensku handverki, listiðnaði og hönnun í Ráðhúsi Reykjavíkur
um næstu mánaðamót. Listamennirnir sem taka þátt eru 54 talsins, en
þeir voru valdir af sérstakri valnefnd og munu sjálfir kynna vörur sínar á
sýningunni. Hún stendur frá 31. október til 3. nóvember og er aðgang-
ur ókeypis. Nánari upplýsingar á http://handverkoghonnun.is/default.
asp?sid_id=39490&tre_rod=001|016|001|&tId=1.
18. OKTÓBER 2008 LAUGARDAGUR2