Fréttablaðið - 24.10.2008, Blaðsíða 41
FÖSTUDAGUR 24. október 2008
HVAÐ? HVENÆR? HVAR?
Föstudagur 24. október 2008
➜ Tónleikar
20.30 Bubbi Morthens verður með
tónleika í Duushúsi, Duusgötu 2-8,
Keflavík.
21.00 Seinni útgáfutónleikar KK í
tilefni af útgáfu plötunnar „Svona eru
menn“, verða í Salnum, Hamraborg 6,
Kópavogi.
➜ Fyrirlestrar
12.00 Mannréttindayfirlýsing
Sameinuðu þjóðanna Jakob Þ. Möller
flytur fyrirlestur í Háskólanum á
Akureyri, L201, Sólborg, v/Norðurslóð.
12.10 Menntun og starf Páls
Björnssonar prófasts í Selárdal
Gunnar Marel Hinriksson verður með
fyrirlestur í kaffisal Háskólaseturs
Vestfjarða, Suðurgötu 12, Ísafirði.
➜ Sýningar
Farvegir
Ólafur
Sveinsson
og Trausti
Dagsson sýna
í DaLí Galleryi,
Brekkugötu 9,
Akureyri. Opið
fös.-lau. kl.
14.00-17.00.
Sýningin
stendur til 1.
nóv.
➜ Tungumálavika
Ítalska sendiráðið í Ósló og ítölsku-
kennarar við Háskóla Íslands standa
fyrir Ítalskri tungumálaviku 20.-26. okt.
18.00 Í Norræna húsinu sitja rit-
höfundarnir Carlo Lucarelli og Yrsa
Sigurðardóttir fyrir svörum og fjalla
um skáldsögur sínar. Kvikmyndin
Almost Blue sem byggð er á skáldsögu
Carlos Lucarelli verður sýnd.
➜ Myndlist
15.00 New Beginning Rannveig
Helgadóttir sýnir málverk í Jónas Viðar
Gallery, Kaupvangsstræti 12, Akureyri.
Opið föst.-lau. kl. 13.00-18.00.
Sýningin stendur til 16. nóv.
Upplýsingar um viðburði sendist á
hvar@frettabladid.is
Leikhús andanna, nýstofnaður leik-
hópur, frumsýnir nýtt íslenskt verk
í kvöld. Það er eftir Þórdísi Elvu
Þorvaldsdóttur Bachmann, og kall-
ar hún það Dansaðu við mig. Leik-
stjóri er Jón Gunnar Þórðarson.
Dansaðu við mig er ekki dansverk,
þótt það beri þetta heiti. Leikendur
eru tveir, Höskuldur Sæmundsson
og Þrúður Vilhjálmsdóttir. Vegg-
spjald sýningarinnar byggir á
mótífi úr einu þekktasta endur-
reisnarmálverki sögunnar, Venus
stígur úr hafi, sem hefur sterkar
tilvísanir í leikritið sjálft.
Sýningin er algerlega sjálfstætt
framtak og ekki styrkt af neinum
svo um er að ræða hreina hug-
sjónastarfsemi ungra listamanna
sem hafa nú þegar látið talsvert í
sér heyra. Leikhópurinn hefur
mátt bíða með frumsýninguna
vegna bókana forsætisráðuneytis á
sölum í Iðnó fyrir blaðamanna-
fundi og hefur átt erfitt með að
klára æfingar á verkinu. Leikhús
andanna ætlar að koma til móts við
landann og bjóða sérstakt kreppu-
verð á 2., 3. og 4. sýningu verksins.
Tónlistarhönnuður verksins er
ung tónlistarkona, Jarþrúður
Karlsdóttir, en hún er að fara að
gefa út sína fyrstu plötu eftir örfáa
mánuði. Öll tónlist hennar í verk-
inu er frumsamin og er þetta í
fyrsta sinn sem hún tekur sér leik-
hústónsmíðar fyrir hendur. Hún er
þó ekki ókunnug leikhúsi, enda
hefur hún starfað sem hljóðmaður
í Þjóðleikhúsinu í talsverðan tíma.
Þetta er önnur frumsýning Þór-
dísar á sex vikum, en nýlega var
frumsýnt verk hennar „Fýsn“ í
Borgarleikhúsinu og er sýningum
á því að ljúka. Það var fyrsta frum-
sýningin undir hatti nýráðins Borg-
arleikhússtjóra: Magnúsar Geirs
Þórðarsonar – sem er einmitt bróð-
ir Jóns Gunnars en hann vakti
verulega athygli fyrir sviðsetningu
sína á Fool for love, eftir Sam Shep-
ard í fyrra. Þrátt fyrir ungan aldur
höfundar og leikstjóra, en þau eru
bæði fædd 1980, hafa fyrri verk
þeirra verið tilnefnd til níu Grímu-
verðlauna samanlagt. Meðalaldur
allra meðlima Leikhúss andanna er
raunar 29 ár.
Dansaðu við mig verður frum-
sýnt í kvöld en næstu sýningar
verða á sunnudagskvöld og fimmtu-
dagskvöld í næstu viku. - pbb
Dansaðu við mig
LEIKLIST Hópurinn sem að sýningunni stendur. MYND LEIKHÚS ANDANNA
Kristján Sigurleifsson bassaleikari
stendur fyrir allsérstæðum tón-
leikum í hádeginu á morgun. Þá
kemur hann fram ásamt kammer-
kórnum Hljómeyki og flytur þrjú
ný verk eftir íslensk kventónskáld.
Tónskáldin sem um ræðir eru
þær Hildigunnur Halldórsdóttir,
Anna Þorvaldsdóttir og Þóra Mart-
einsdóttir. Kristján er þó heilinn á
bak við tónleikana enda segist hann
lengi hafa haft áhuga á því að flytja
tónlist fyrir kontrabassa og kór.
„Kontrabassinn er þannig hljóð-
færi að hljómur hans berst ekkert
sérstaklega vel. Það er því lítið vit í
að semja og flytja verk fyrir
kontrabassa og hljómsveit vegna
þess að hin hljóðfærin myndu ein-
faldlega yfirgnæfa bassann. En ég
hef alltaf séð fyrir mér að kór væri
mikið hentugri meðleikari fyrir
kontrabassa þar sem röddin er svo
mjúkt hljóðfæri. Ástæðan fyrir því
að ég fékk kventónskáld til þess að
semja verkin er svo sú að mér
hefur alltaf þótt íslensk kventón-
skáld semja afar hljómræna og fal-
lega tónlist fyrir kóra; kannski er
það vegna þess að þær hafa marg-
ar verið í kór sjálfar.“
Enn sem komið er hafa aðeins
ofangreindu tónskáldin þrjú tekið
þátt í verkefninu með Kristjáni, en
hann vill gjarnan bæta fleirum
við.
„Draumurinn hjá mér er að fara
lengra með þessa hugmynd; ég vil
endilega fá kventónskáld til að
semja tvö til þrjú verk til viðbótar
og stefni að því að taka þau svo upp
síðar meir. En þetta er langtíma-
verkefni, þannig að ég veit ekki
hvenær af þessu verður.“
Á tónleikunum á morgun flytur
Hljómeyki að auki eitt verk eftir
Ríkharð Örn Pálsson. Tónleikarnir
fara fram í tónleikasalnum Hásöl-
um í Hafnarfjarðarkirkju og hefj-
ast kl. 12 á hádegi. - vþ
Konur, kór og kontrabassi
TÓNLISTARFÓLK Kristján ásamt Önnu Þorvaldsdóttur tónskáldi en hún á einmitt verk
á tónleikunum á morgun. FRÉTTABLAÐIÐ/GVA
Skilaboðaskjóðan
Þorvaldur Þorsteinsson
og Jóhann G. Jóhannsson
Geysivinsælt ævintýri
fyrir alla fjölskylduna!
sun. 26/10
uppselt
Macbeth
William Shakespeare
Blóð vill blóð...
fös. 24/10 uppselt
Klókur ertu, Einar Áskell
Bernd Ogrodnik
Heillandi og krúttleg brúðusýning
sun. 26/10 örfá sæti laus,
sýningum fer fækkandi
Hart í bak
Jökull Jakobsson
Mögnuð sýning. , EB FBL.
fim. 23/10, föst 24/10 uppselt
uppselt á næstu tíu sýningar!
www.leikhusid.is
ÞJÓÐLEIKHÚSIÐ
Þjóðleikhúsið
Miðasala í síma 551 1200 og á www.leikhusid.is
Utan gátta
Sigurður Pálsson
Snarskemmtileg sýning í Kassanum
forsýn. 22/10 uppselt, frumsýn. 24/10 uppselt
lau. 25/10 uppselt
Ástin er diskó,
lífið er pönk
Hallgrímur Helgason
lau. 25/10,
sýningum að ljúka