Fréttablaðið - 28.10.2008, Síða 22

Snertu á nýjum
ævintýrum
PI
PA
R
/
SÍ
A
www.garmin.is
Garmin Oregon GPS með snertiskjá.
Oregon GPS handtæki með snertiskjá gerir alla útivist einfaldari. Þetta sterkbyggða
og vatnshelda leiðsögutæki er afar einfalt í notkun og færir þér björt þrívíddarkort,
hæðarmæli með loftvog auk áttavita á silfurfati. Hvort sem þú ert í fjallgöngu, á hjóli,
í bílnum eða bátnum, það eina sem þarf að gera er að snerta skjáinn og halda af stað.
Útivistin verður bara skemmtilegri. Þú getur deilt leiðum og upplýsingum með vinum
þínum eða sett aukakort fyrir það svæði sem þú ætlar að fara, hvort sem þú fylgir vegi,
vatni eða ert í óbyggðum. Garmin Oregon kemur þér í snertingu við ævintýrin.
TM
Fylgdu þeim fremsta!
Icefi n
Nóatúni 17 s:5343177
www.icefi n.is
Icefi n -Mest fyrir hverja krónu!
28. OKTÓBER 2008 ÞRIÐJUDAGUR
Eitt af því sem eykur vellíðan
starfsfólks á vinnustöðum er
iðkun jóga. Ásta María Þórar-
insdóttir, formaður Jógakenn-
arafélagsins, mælir með því.
„Jóga hefur ótvírætt gildi fyrir
heilsu fólks og á það er gott að
benda í þeim aðstæðum sem nú
eru í okkar samfélagi. Við vitum
að streita leggst á líkama og sál
og skerðir einbeitingu hugans,“
segir Ásta María og kveðst tala
af reynslu þegar hún segi að jóga
geti breytt lífi fólks til hins betra.
„Fyrir tíu árum var ég undirlögð
af verkjum og stoðkerfisvanda-
málum. Svo kynntist ég jóga og
hef verið að kenna það í átta ár. Nú
líður mér mjög vel andlega og lík-
amlega og læt ekkert hindra mig
lengur.“
Ásta María segir jógakennara
tilbúna til að koma á vinnustaði
með kynningar, þátttakendum að
kostnaðarlausu. „Okkur langar að
gera eitthvað til að liðsinna fólki
og því bjóðum við upp á prufu-
tíma annaðhvort á vinnutíma eða
á kvöldin ef hópar vilja taka sig
saman,“ segir hún.
Hver jógatími er hátt í klukku-
tíma og Ásta María segir um mis-
munandi jóga að ræða eftir kenn-
urum. Sumir leggi áherslu á
hressilegar æfingar, aðrir teygj-
ur og styrkingu en alltaf sé endað
á slökun. „Hjá mér byrja tímarn-
ir með öndunaræfingum og á því
að mýkja hálsinn og herðarnar.
Svo taka við aðrar æfingar og síð-
asta korterið er slökun við þægi-
lega tónlist, kerti og dempuð ljós,“
lýsir hún. Þá er það fatnaðurinn.
Þarf ekki fólk að vera í sérstök-
um göllum? „Jú, bara einhverju
mjúku,“ svarar Ásta María og
telur best að vera berfættur í æf-
ingunum og leggja tískufatnaðinn
til hliðar.
En hvað kostar að iðka jóga að
staðaldri ef fyrirtækið útvegar
húsnæði? „Ég reikna með að kenn-
arinn taki kringum 5.000 krónur
fyrir tímann og ef góð þátttaka
næst ætti tíminn ekki að vera dýr
fyrir hvern og einn,“ svarar Ásta
María og bendir á að jóganám-
skeið séu heppileg jólagjöf fyrir-
tækja til starfsfólks.“ - gun
Breytir lífinu til hins betra
„Jógatímarnir geta verið ýmist rólegir eða hressilegir,“ segir jógakennarinn Ásta
María og bendir á síðu félagsins www.jogakennari.is. FRÉTTABLAÐIÐ/ANTON
„Gjafakort á námskeið með áherslu
á sjálfsrækt og stjórnun hafa verið
eftirsótt undanfarið enda kjörin
aðferð til að efla andann,“ segir
Thelma Jónsdóttir, markaðs- og
kynningarstjóri hjá Endurmennt-
un Háskóla Íslands. Endurmennt-
un hefur gefið út gjafabréf á nám-
skeið sín frá árinu 1999. Þar er
lögð áhersla á starfstengt nám,
tómstundir eða sjálfsstyrkingu
hvers konar, en það síðastnefnda
nýtur vaxandi vinsælda.
„Við erum til dæmis með nám-
skeiðið Vinnusálfræði og sam-
skipti á vinnustað,“ nefnir Thelma
í því samhengi en þar er farið yfir
leiðir til að byggja upp sjálfsstyrk
og auka á hæfni til að ráða við flók-
in samskipti. Sálfræðingarnir Álf-
heiður Steinþórsdóttir og Guð-
finna Eydal standa að baki því.
Þær eru einnig með námskeiðið
Sjálfsstyrking og samskipti fyrir
konur.
„Við bjóðum líka upp á nám-
skeið um streitustjórnun,“ segir
Thelma. „Þar kemur Erna Agn-
arsdóttir, vinnusálfræðingur og
mannauðsráðgjafi, inn á orsak-
ir streitu í daglegu lífi og vinnu-
umhverfi. Hún fjallar svo um for-
varnir og úrbætur sem vinna gegn
streitu.“
Thelma bætir við að Steinunn
I. Stefánsdóttir, viðskiptasálfræð-
ingur og sérfræðingur í streitu-
fræðum, verði með námskeið um
jákvæða leiðtogahæfni. „Þá hefur
doktor Árelía Eydís Guðmunds-
dóttir, lektor við HÍ, sett saman
námskeiðið Stefnumótun í eigin
lífi – snúðu vörn í sókn. Þetta nám-
skeið gengur út á að skoða eigin
styrk- og veikleika og ná lengra í
lífinu.“ Hún bætir við að í flokkn-
um Menning og sjálfsrækt séu
spennandi námskeið; til dæmis
sé ein Íslendingasaga tekin fyrir
á hverju misseri. Eins sé margt í
boði fyrir unnendur góðrar tónlist-
ar. Sjá www.endurmenntun.is.
Sjálfsrækt og stefnumótun

Thelma Jónsdóttir segir námskeið með áherslu á sjálfsrækt og stjórnun njóta mikilla
vinsælda. Hún telur kjörið fyrir fyrirtæki að gefa starfsmönnum sínum gjafakort á
slík námskeið. FRÉTTABLAÐIÐ/GVA