Fréttablaðið - 10.12.2008, Blaðsíða 12
12 10. desember 2008 MIÐVIKUDAGUR
Í febrúar 2008 skrifuðu ríkisstjórn Íslands og aðilar vinnumarkaðarins undir yfirlýsingu um að stefna
skuli að því að ekki verði meira en 10% fólks á íslenskum vinnumarkaði án viðurkenndrar starfs- og
framhaldsskólamenntunar árið 2020.
Á ráðstefnunni verða ræddar mögulegar aðgerðir og leiðir að þessu markmiði, hvernig unnt sé að efla
mannauð á krepputímum, hlutkverk fyrirtækja í eflingu starfshæfni og ný frumvarpsdrög um framhalds-
fræðslu verða kynnt. Afurðir verkefna sem Menntaáætlun ESB hefur styrkt verða til sýnis á ráðstefnunni og í
lok hennar verða veittar gæðaviðurkenningar til fyrirmyndarverkefna Leonardó starfsmenntaáætlunarinnar.
DAGSKRÁ
Ráðstefnustjóri: Jón Sigurðsson, rekstrahagfræðingur
9.00 Nemendur úr Austurbæjarskóla flytja tónlist
9.10 Framtíðarsýn um menntunarþörf vinnumarkaðarins árið 2020
Þorgerður Katrín Gunnarsdóttir, menntamálaráðherra
9.20 How can industry contribute to enhancing employability ?
Jennifer Arcuni, yfirmaður alþjóðamála hjá Randstad vinnumiðlunni í Hollandi
10.15 Kaffi
10.45 Empowering human resources in times of financial crisis
Hanna Liski, forstjóri vinnumálaþjónustu Vinnumiðlunarinnar í Turku, Finnlandi
11. 10 Hópurinn sem um er að ræða?
Lárus Blöndal, deildarstjóri atvinnu- og félagsmáladeildar Hagstofunnar
11.30 Kynning á vinnu samráðshóps vegna erfiðrar stöðu á vinnumarkaði
Ingibjörg Elsa Guðmundsdóttir, framkvæmdastjóri Fræðslumiðstöðvar atvinnulífsins
12.00 Ný lög um framhaldsfræðslu á Íslandi - kynning á frumvarpsdrögum
Stefán Stefánsson, deildarstjóri símenntunardeildar menntamálaráðuneytis
12.30 Léttur hádegisverður
13.30 Hringborðsumræður og vinnustofur
• Hindrun brotthvarfs úr framhaldsskólum
• Vinnustaðurinn sem námsumhverfi
• Símenntunarmiðstöðvar og tenging þeirra við framhaldsskóla
• Náms- og starfsráðgjöf til fólks á vinnumarkaði, raunfærnimat og frekara nám
15.30 Kaffi
16.00 Samantekt úr vinnustofum og ráðstefnuslit Jón Sigurðsson, ráðstefnustjóri
16.15 Afhending gæðaviðurkenninga Leonardó starfsmenntaáætlunarinnar
16.30 Léttar veitingar og tónlist
Ráðstefnugjald er 3.500 krónur.
Skráning fer fram á heimasíðu Menntaáætlunar ESB, www.lme.is eða í síma 525 4900.
SVO LENGI LÆRIR SEM LIFIR
RÁÐSTEFNA UM MENNTUN FÓLKS Á VINNUMARKAÐI, FIMMTUDAGINN 11. DESEMBER, HÓTEL SÖGU
Hringdu í síma
ef blaðið berst ekki
GRIKKLAND, AP Framhald varð á
átökum lögreglu við grísk ung-
menni í gær þegar fimmtán ára
piltur, sem lögreglumaður varð að
bana á laugardag, var jarðsung-
inn.
Um sex þúsund manns mættu í
jarðarförina. Skólar um allt land
voru lokaðir og í miðborg Aþenu
komu hundruð kennara og nem-
enda saman til að mótmæla stjórn-
inni.
George Papandreou, leiðtogi
Sósíalistaflokksins, krefst þess að
Costas Karamanlis forsætisráð-
herra og ríkisstjórn hans segi af
sér hið fyrsta og boðað verði til
kosninga.
„Stjórnin er ófær um að takast á
við þetta ástand og hefur glatað
trausti þjóðarinnar,“ segir Pap-
andreou. „Það besta sem hún getur
gert er að segja af sér og láta þjóð-
ina um að finna lausn,“ og bætti
síðan við: „Við munum vernda
almenning.“
Ríkisstjórn landsins hefur
aðeins eins þingsætis meirihluta
á 300 sæta þingi Grikklands.
Stjórnarandstaðan segir að
afskiptaleysisstefna stjórnarinn-
ar eigi sök á óeirðunum, sem eru
þær verstu sem orðið hafa í land-
inu í áratugi.
Mikil óánægja hefur verið í
Grikklandi lengi vegna efnahags-
ástandsins, sem er erfitt. Nærri
þriðjungur landsmanna er talinn
vera við fátæktarmörk eða undir
þeim. Ungmenni eiga erfitt með
að fá vinnu, þótt yfirgnæfandi
meirihluti þeirra sé vel menntað-
ur.
„Dauði þessa drengs var drop-
inn sem fyllti mælinn hjá okkur,“
segir Petros Constantinou, starfs-
maður Sósíalíska verkamanna-
flokksins. „Þessi stjórn vill að
hinir fátæku borgi fyrir öll vanda-
mál þjóðarinnar, aldrei hinir ríku,
og þeir halda þeim sem mótmæla í
skefjum með lögreglukúgun.“
Óeirðirnar brutust út á laugar-
daginn eftir að lögregluþjónn
skaut til bana fimmtán ára pilt,
sem var í hópi ungmenna í mið-
borg Aþenu. Einn lögreglumaður
hefur verið ákærður fyrir morð
og bæði forseti landsins og félag
lögregluþjóna hefur beðið fjöl-
skyldu piltsins afsökunar.
Um allt land hafa ungmenni
brugðist reið við þessu atviki og
haldið út á götur dag eftir dag til
að mótmæla. Innan um eru hópar,
sem sýna hörku, kasta grjóti og
eldsprengjum að lögreglunni,
brjóta rúður og kveikja í verslun-
um og bifreiðum.
gudsteinn@frettabladid.is
Vilja afsögn
ríkisstjórnar
Ekkert lát á óeirðum í Grikklandi. Jarðarför piltsins,
sem lögregluþjónn skaut á laugardag, snerist upp í
átök. Papandreou krefst afsagnar stjórnarinnar.
TÁRAGAS Í AÞENU Mótmælendur reyna að forðast táragas sem lögreglan í Grikklandi
hefur beitt óspart síðustu daga. NORDICPHOTOS/AFP
SLÁTRUN Í LAHORE Fjöldi fórnardýra
var færður til slátrunar á fyrsta degi
fórnarhátíðar múslima víða um heim í
gær, eins og sjá má á þessari mynd sem
tekin var í borginni Lahore í Pakistan.
NORDICPHOTOS/AFP
VINNUMARKAÐUR Skúli Thoroddsen,
framkvæmdastjóri Starfsgreina-
sambandsins, SGS, segir að útrás-
arfyrirtækið Bakkavör Group hafi
„skipað sér á bekk illa þokkaðra
fyrirtækja í Evrópu og á heims-
vísu að mati launþegasamtaka“ í
grein sem hann skrifar á vef SGS
undir fyrirsögninni „Bakkavör á
svörtum lista“.
Skúli segir að Bakkavör virðist
eiga við fjárhagserfiðleika að
stríða og stefni í uppsagnir um
2.000 af 14.000 starfsmönnum í
Bretlandi. Bakkavör virðist ekki
fara að lögum um evrópskt sam-
starfsráð í fjölþjóðlegum fyrir-
tækjum á Evrópska efnahags-
svæðinu. Þá hafi fyrirtækið ekki
viljað undirgangast „þá eðlilegu
kröfu að virða grundvallarréttindi
launafólks og hafnar samstarfi við
hina evrópsku og alþjóðlegu
verkalýðshreyfingu.“ Skúli grein-
ir frá því að Bakkavör hafi brotið
á bak aftur tilraun starfsmanna til
að stofna verkalýðsfélag í Banda-
ríkjunum og forystumönnum
starfsmanna og verkalýðssinnum
þar verið sagt upp eða hótað upp-
sögnum ef félag yrði stofnað.
Skúli segir að alþjóðasamtökun-
um hafi borist beiðni um aðstoð
þar sem Bakkavör hafi ekki viljað
semja við bandaríska starfsmenn
og dregið í efa rétt þeirra til að
stofna verkalýðsfélag. Samband
hafi verið haft við SGS og haldinn
fundur með Ágústi Guðmunds-
syni, forstjóra Bakkavarar, og
síðar með öðrum stjórnanda fyrir-
tækisins. Hjá Bakkavör hafi komið
fram að farið hafi verið að lögum í
Bandaríkjunum þar sem ekki sé
skylt að gera kjarasamning við
starfsmenn. Félagið fylgi leikregl-
um um grundvallarréttindi launa-
fólks en hafi þá stefnu að skrifa
ekki undir viljayfirlýsingar.
Samstarfi „um úrbætur og
aðstoð við að vinna hlutina rétt og
lögum samkvæmt, var hafnað“,
segir Skúli og bætir við að málefni
Bakkavarar séu nú í skoðun hjá
stéttarfélögum í Evrópu.
Ekki náðist í Ágúst og Lýð Guð-
mundssyni, eigendur Bakkavarar.
- ghs
Á BEKK ILLA ÞOKKAÐRA Skúli Thor-
oddsen, framkvæmdastjóri SGS, segir
að Bakkavör hafi „skipað sér á bekk illa
þokkaðra fyrirtækja í Evrópu“.
Framkvæmdastjóri SGS gagnrýnir stjórnendur Bakkavarar fyrir framgöngu gagnvart launafólki erlendis:
Segir Bakkavör á svörtum heimslista
Þessi stjórn vill að hinir
fátæku borgi fyrir öll
vandamál þjóðarinnar, aldrei
hinir ríku, og þeir halda þeim
sem mótmæla í skefjum með
lögreglukúgun.
PETROS CONSTANTINOU
STARFSMAÐUR SÓSÍALÍSKA VERKAMANNA-
FLOKKSINS