Fréttablaðið - 10.12.2008, Blaðsíða 38
10. desember 2008 MIÐVIKUDAGUR
Rokkararnir í Kings of Leon eru
þegar búnir að semja fjögur til
fimm lög fyrir næstu plötu sína
þrátt fyrir að aðeins nokkrir
mánuðir séu liðnir síðan sú
síðasta, Only By the Night, kom
út.
Að sögn trommarans Nathans
Followill er léttara yfir þessum
nýju lögum heldur en þeim sem
hljóma á síðustu plötu.
„Þau hljóma meira eins og við
séum í miklu stuði, bara að spila
og skemmta okkur,“ sagði hann.
Undirbúa
nýja plötu
KINGS OF LEON Bandarísku rokkararnir
eru strax farnir að undirbúa nýja plötu.
Boy George, fyrrverandi
söngvari Culture Club, má
muna sinn fífil fegurri.
Þessi mikla stjarna níunda
áratugarins á yfir höfði sér
allt að fimmtán ára fangelsi.
Boy George hefur verið fundinn
sekur um að hafa haldið vændis-
manni föngnum í handjárnum og
lamið hann á heimili sínu í austur-
hluta London. Maðurinn heitir
Auden Carlsen og er 29 ára Norð-
maður. Þegar hann reyndi að yfir-
gefa heimili George eftir að hafa
setið fyrir hjá honum nakinn í
„ljósmyndatöku“ um miðja nótt
gerði George sér lítið fyrir og
lamdi hann með stálkeðju. Dómur í
málinu verður kveðinn upp sex-
tánda janúar.
Sópaði götur í New York
Boy George heitir réttu nafni
George O´Dowd og er 47 ára. Eftir
að hafa slegið í gegn með Culture
Club og lögum á borð við Karma
Chameleon og Do You Really Want
to Hurt Me? hefur hann marga
fjöruna sopið. Fíkniefni hafa átt
þar stóran hlut að máli auk þess
sem glíma við laganna verði hefur
verið fyrirferðarmikil.
Fyrir tveimur árum var George
handtekinn fyrir að hafa sóað tíma
lögreglunnar þegar hann laug því
að brotist hafi verið inn íbúð sína í
New York. Er lögreglan mætti á
vettvang vildi ekki betur til en svo
að hún fann þar kókaín og handtók
George. Hann slapp við að vera
ákærður fyrir fíkniefnavörslu en
af því hann hafði sóað tíma lögregl-
unnar var hann dæmdur til að sópa
götur borgarinnar í fimm daga. Jók
það mjög á niðurlægingu George
að blaðaljósmyndarar létu hann
ekki í friði allan þann tíma.
Í stanslausri neyslu
Á hátindi fræðgar sinnar á níunda
áratugnum var George orðinn for-
fallinn eiturlyfjasjúklingur. Heró-
ínið var allsráðandi í lífi hans og
lést hljómborðsleikari Culture
Club, Michael Rudetski, einmitt af
völdum of stórs heróínskammts á
heimili George. Það varð þó ekki til
þess að söngvarinn gæfi neysluna
upp á bátinn.
Árið 1995 lýsti hann baráttu sinni
við fíkniefnadjöfulinn í sjálfsævi-
sögunni Take It Like A Man og fyrr
á þessu ári sagði hann þetta í við-
tali við tímaritið Q: „Ég hef verið
útúrdópaður undanfarin fimm ár.
En núna er ég laus við dópið. Ég vil
ekki deyja.“ Þrátt fyrir þessi
ummæli var kókaín á boðstólum
við „myndatökuna“ á heimili hans
á dögunum og greinilegt að dópið
er enn stór þáttur í lífi Boy
George.
Endurkoman í súginn
Áætlarnir Boy George um að end-
urvekja fyrri frægð eru nú farnar í
súginn, í bili að minnsta kosti.
Hann gaf út smáskífulagið Yes We
Can í október síðastliðnum og ætl-
aði síðan í umfangsmikla tónleika-
ferð með sín bestu lög í farteskinu.
Ekki galin hugmynd, því einhver
hlýtur áhuginn að vera á manni
sem hefur átt sjö lög á toppi breska
vinsældarlistans, níu á þeim banda-
ríska og selt hvorki meira né minna
en 50 milljónir platna.
Endurkoman verður þó að bíða
betri tíma því fyrst þarf að hann að
borga fyrir syndir sínar með fang-
elsisvist á sama tíma og hann þarf
að finna leið til að losna við fíkni-
efnadjöfulinn í eitt skipti fyrir öll.
Frægð, fangelsi og fíkniefni
Í TÓMU TJÓNI Boy George hefur oft komist í kast við lögin á undanförnum árum.
Hann á yfir höfði sér allt að fimmtán ára fangelsi. NORDICPHOTOS/GETTYIMAGES
Á HÁTINDI FRÆGÐARINNAR Boy George
fyrir mörgum hárum og kílóum á hátindi
frægðar sinnar með hljómsveitinni
Culture Club.
> Blur í Hyde Park
Hljómsveitin Blur heldur stórtónleika
í Hyde Park í London þriðja júlí, níu
árum eftir að sveitin spilaði síð-
ast saman í upprunalegri mynd.
Þá spilaði sveitin í Royal Festival
Hall í London þegar gítarleikar-
inn Graham Coxon var enn innan-
borðs. Nú snýr hann aftur. Þá eiga
Damon Albarn og félagar í viðræð-
um um að spila á ýmsum tónlistar-
hátíðum næsta sumar.
„Ég er rosalega ánægður með þetta. Það eru
þrjú þúsund eintök farin og ég er búinn að
panta þrjú þúsund í viðbót,“ segir Eyjólfur
Kristjánsson um plötuna Sýnir sem
hann gaf út fyrr á árinu með lögum
Bergþóru Árnadóttur.
„Geisladiskar eru svolítið vinsælir í
kreppunni. Það eru svona tuttugu
þúsund Íslendingar sem eru ekki
á leið til útlanda í verslunarferð-
ir. Fólk leyfir sér frekar að kaupa
eitthvað hérna heima í staðinn,“
segir Eyfi, sem nýlega samdi
lagið Aldrei verða án hans haldin
jól fyrir jólaplötuna Rauð jól.
„Þetta er „tribute“ til jólasveins-
ins,“ segir hann. - fb
Eyfi selur grimmt
EYJÓLFUR KRISTJÁNSSON Selur grimmt
af plötum þessa dagana.
folk@frettabladid.is
Léttöl
PILSNER Drukkinn í 91 ár
G
ot
t
fó
lk
Það er ekki að ástæðulausu að sumt stenst tímans tönn.
Íslendingar hafa haldið tryggð við Egils Pilsner í blíðu jafnt
sem stríðu í tæpa öld, þökk sé hressandi bragði og hagstæðu verði.
Endurnýjaðu kynnin við ölið sem Íslendingar hafa drukkið allar götur síðan 1917.
Laugavegi 176, gamla sjónvarpshúsið | Sími 533 2220 | www.lindesign.is
Mjúka gjöfi n fyrir börnin
Hjá Lín Design færðu mjúku íslensku sængurverin fyrir börnin.
Í barnarúmfatnaðinum sameinast íslensk hönnun, gæðalín og litríkt
mynstur. Einstaklega falleg og lífl eg rúmfatalína fyrir íslensk börn.