Fréttablaðið - 10.12.2008, Blaðsíða 22
10. desember 2008 MIÐVIKUDAGUR2
„Hér er sól og blíða og yndislegt
veður,“ segir Arna Árnadóttir þegar
Fréttablaðið slær á þráðinn til henn-
ar í Tarifa á syðsta tanga Spánar. Á
þessum sólríka stað, með útsýni yfir
til Afríku og örskammt frá borgum
á borð við Malaga, Sevilla og Cadiz,
ætlar Arna að stofna spænskuskóla
í janúar.
„Ég valdi Tarifa því ég vildi ekki
vera í stórum túristabæ,“ segir
Arna, sem hefur verið búsett á
Spáni meira og minna í tólf, þrettán
ár. „Ég var að vinna sem flugfreyja
fyrir spænskt flugfélag og starfaði
lengi sem fararstjóri bæði með
Íslendinga á Spáni og Spánverja á
Íslandi,“ segir Arna. Hún hefur
kennt spænsku við Fjölbrautaskól-
ann í Garðabæ og er með BA-próf í
spænsku frá Háskóla Íslands og
MA-próf í mannfræði frá háskóla í
Madrid.
Arna hefur komið sér upp hús-
næði í gamla bænum í Tarifa sem er
að hennar sögn mjög heillandi. „Hér
er allt lítið og sætt enda íbúarnir
ekki nema sextán þúsund. Gamli
bærinn býr yfir mikilli sögu með
gömlum kastala og borgarmúr. Göt-
urnar eru þröngar og við þær standa
sætar búðir og barir,“ segir Arna,
sem ætlar að bjóða upp á þrenns
konar námskeið, byrjenda-, mið- og
efsta stig og hefur fengið til liðs við
sig nokkra innfædda spænskukenn-
ara.
Arna býst við að Íslendingar verði
í meirihluta nemenda þótt hún stíli
ekki einvörðungu inn á þá. En hefur
hún áhyggjur af kreppunni? „Jú,
því er ekki að neita, en maður verð-
ur bara að vona það besta og að
Íslendingar nái sér upp úr þessu,“
segir hún og bætir við að ástandið á
Spáni sé einnig slæmt með sextán
prósenta atvinnuleysi. Hún segist
samt hafa fengið góð viðbrögð við
hugmynd sinni bæði frá Íslending-
um og meðborgurum sínum í Tarifa,
en þar hefur lengi verið þörf á fleiri
spænskuskólum.
Í skólanum verður þó ekki ein-
vörðungu lært enda ætlar Arna að
reyna að höfða til sem flestra. Hún
ætlar í framtíðinni að bjóða upp á
námskeið þar sem kennd er spænska
á morgnana og matreiðsla og mynd-
list síðdegis. Þá ætlar hún að fara
með fólk í skoðunar- og menningar-
ferðir til dæmis til Marokkó í Afr-
íku en einungis tekur 45 mínútur að
fara með ferju þangað frá Tarifa.
Fyrir þá sem kjósa hreyfingu
hefur Tarifa upp á margt að bjóða.
„Hér eru fallegar strendur og stað-
urinn hefur verið kallaður mekka
vindsurfs og kætsurfs. Hér er mikið
um útreiðar, klifur og köfun,“ segir
Arna og bætir glettin við að Íslend-
ingar geti einnig skellt sér í hvala-
skoðun út á Njörvasund.
Nánari upplýsingar má nálgast á
heimasíðunni www.alandalustarifa.
com. solveig@frettabladid.is
Spænskunám í Andalúsíu
Frá smáborginni Tarifa á Spáni er gott útsýni yfir til Afríku. Þar ætlar Arna Árnadóttir að stofna spænsku-
skóla sem verður opnaður í janúar.
Göturnar í Tarifa eru þröngar og heillandi.
Mikið er að gera fyrir þá sem kjósa útiveru á Tarifa. MYND/ÚR EINKASAFNI Arna ásamt dóttur sinni Victoriu.
ÁRAMÓT Í BÁSUM Ferðafélagið
Útivist stendur fyrir áramótaferð í Þórs-
mörk. Lagt verður af stað 30. desember
og komið heim 2. janúar. www.utivist.is
Gott úrval af fóðruðum
leðurstígvélum fyrir dömur.
Stærðir: 36 - 40
Verð frá 16.750.- til 21.650.
www.salka.is
Sölkukvöld með Maxine
• Reikimeistarinn og metsöluhöfundurinn Maxine Gaudio kynnir
lífsspeki sína og metsölubókina Ferðalagið að kjarna sjálfsins.
• Jón Ólafsson segir frá kynnum sínum af Maxine en hún hefur
verið andlegur leiðbeinandi hans um skeið.
• Malín Brand, þýðandi bókarinnar, mun lesa upp úr bókinni
og segja örstutt frá tengslum sínum við Maxine.
Ég gerði Max að fararstjóra á ferðalagi mínu um andlega heima.
Því er þessi bók um líf hennar og starf nú komin út á íslensku.
Vonandi verður hún til þess að fleiri leggja upp
í ferðalag og finni sinn fararstjóra.
Jón Ólafsson
Gefandi og góð kvöldstund.
Miðvikudagur 10. des. kl. 1800
Maður lifandi, Borgartún 24.
Aðgangur ókeypis og allir velkomnir.
Hjálpaðu umhverfinu með
Blaðberanum
Þú færð Blaðberann þinn í Skaftahlíð 24
alla virka daga frá kl. 8-17.
...góðar fréttir fyrir umhverfiðBlaðberinn...
Alla föstudaga