Fréttablaðið - 14.12.2008, Side 6

6 14. desember 2008 SUNNUDAGUR
VIÐSKIPTI „Það er fáránlegt að fólk
láti bílana standa á sölu á fullri
tryggingu og bifreiðagjöldum,“
segir Trausti Jónsson, löggiltur
bifreiðasali í Bílfangi.
Trausti telur það vera bæði hag
bíleigenda og bílasala að bílar í
sölumeðferð séu teknir af númer-
um.
Að sögn Trausta er algengt um
þessar mundir að bílar standi um
það bil þrjá mánuði á sölu. Í því til-
felli sé hægt að spara allt að 40 til
50 þúsund krónur í bifreiðagjöld
og tryggingar með því að skila
númerunum inn til Umferðar-
stofu. „Á meðan gætu bílasalarnir
gegn vægu gjaldi lagt til sérstök
rauð númer sem eru til reynslu-
aksturs og eru með kaskótrygg-
ingu,“ segir hann.
Trausti viðurkennir að það þyki
ef til vill ekki sölulegt ef bílar eru
númerslausir. Þess vegna þurfi
bílaumboð og bílasölur að ná víð-
tækri samstöðu um breytinguna
að erlendri fyrirmynd en þar tíðk-
ist ekki að bílar séu á númerum á
sölu.
„Þannig gætu seljendurnir spar-
að og strangari reglur myndu
gilda um reynsluakstur en nú við-
gengst. Menn gætu þá kannski
fengið að prófa bílana í tvær eða
þrjár mínútur og farið síðan með
þá í ástandsskoðun ef þeir hafa
áhuga á að kaupa. Þetta er vissu-
lega bæði gerlegt og mögulegt.“
- gar
Löggiltur bifreiðasali leggur til nýja siði við sölu á notuðum bílum:
Takið bílnúmerin af og sparið
TRAUSTI JÓNSSON „Þetta er mitt innlegg
í allt krepputalið,“ segir bílasali um
sparnaðartillögur sínar fyrir seljendur
notaðra bíla. FRÉTTABLAÐIÐ/GVA
HÖNNUN Arkitektafélag Íslands vill
annast sýningu á tillögum úr sam-
keppni um höfuðstöðvar Lands-
bankans. Úrslit liggja fyrir en eru
óbirt.
„Venjan er sú í samkeppnum að
verkkaupi sér alfarið um að til-
kynna úrslit opinberlega, halda
sýningu á innsendum tillögum og
gefa út samantekt á niðurstöðum
samkeppninnar. Vegna þeirrar
óvenjulegu aðstöðu sem komin er
upp treystir Landsbankinn sér
ekki til að standa þannig að
málum,“ segir Í bréfi Sigríðar
Magnúsdóttur, formanns Arki-
tektafélagsins til Hönnu Birnu
Kristjánsdóttur borgarstjóra.
Sigríður segir Arkitektafélagið
hafa átt aðild að samkeppni Lands-
bankans og vilja standa að kynn-
ingu á niðurstöðum hennar í sam-
vinnu við borgaryfirvöld.
Heimsfrægar arkitektastofur
voru meðal 21 stofu sem valdar
voru til þátttöku. Björgólfur Guð-
mundsson, aðaleigandi Landsbank-
ans, var sjálfur formaður dóm-
nefndarinnar og lágu niðurstöður
hennar fyrir í júní, að því er
Sigríður segir Fréttablaðinu.
Kveður hún mjög brýnt að þagn-
arskyldu á samkeppninni verði
aflétt og að til þess verði séð að til-
lögurnar komi fyrir almennings-
sjónir.
„Úrslitin voru kynnt í kyrrþey
en hafa ekki verið opinberuð og
um þær er enn þagnarskylda. En
við viljum endilega að haldin verði
sýning á þessum tillögum því
þarna er 21 tillaga um það hvernig
hægt er að nýta þetta svæði í
hjarta borgarinnar,“ útskýrir Sig-
ríður. Arkitektastofurnar 21 fengu
greiddar 50 þúsund evrur hver
fyrir þátttöku í fyrsta þrepi sam-
keppninnar. Fimm stofur voru
valdar inn á síðara þrepið og skiptu
þær með sér 300 þúsunda evra
verðlaunum. Þátttökuþóknanir og
verðlaunafé nemur þannig um 150
milljónum króna að núvirði. Það
og annar kostnaður hefur þegar
verið greitt. Samanlagt má gera
ráð fyrir að kostnaður við sam-
keppnina hafi hlaupið á hundruð-
um milljóna króna. Í ljósi gjör-
breyttra aðstæðna blasir við að
ekki verði byggt eftir tillögunni
sem hreppti fyrsta sætið. Sam-
kvæmt heimildum Fréttablaðsins
var vinningstillagan unnin í sam-
starfi íslenskra og útlenskra arki-
tekta.
Borgarstjóri vísaði erindi Arki-
tektafélagsins til umfjöllunar hjá
skipulagsfulltrúa borgarinnar.
gar@frettabladid.is
Leynd verði aflétt af
Landsbankatillögum
Arkitektar vilja liðstyrk borgarinnar til að sýna tillögur í samkeppni upp á
hundruð milljóna um höfuðstöðvar Landsbankans. Niðurstöður lágu fyrir í
júní en bankinn treystir sér ekki til að birta þær. Úrslitin eru enn trúnaðarmál.
HANNA BIRNA
KRISTJÁNSDÓTTIR
BJÖRGÓLFUR
GUÐMUNDSSON
AUSTURBAKKI Höfuðstöðvar Landsbankans voru fyrirhugaðar við austurendann á
Tollhúsinu þar sem hvíta líkanið er sýnt lengst til vinstri á myndinni.
Ertu sátt(ur) við skattahækkun
ríkisstjórnarinnar?
Já 13,3%
Nei 86,7%
SPURNING DAGSINS Í DAG:
Ætlar þú að flytja af landi brott
vegna kreppunnar?
Segðu skoðun þína á vísir.is
MEXÍKÓ, AP Umhverfisráðherra
Mexíkó lýsti því yfir á loftslags-
ráðstefnu SÞ í Poznan í Póllandi
að mexíkósk stjórnvöld hefðu
ákveðið að setja sér það markmið
að helminga losun gróðurhúsa-
lofttegunda fyrir árið 2050, miðað
við losun ársins 2002. Mexíkó er
eitt fárra þróunarlanda sem hefur
lýst sig reiðubúið að taka á sig
bindandi markmið af þessu tagi.
Umhverfisráðherra Mexíkó
sagðist vonast til að áætlunin yrði
öðrum löndum hvatning til dáða,
og til að hjálpa Mexíkóum með
þær fjárfestingar í umhverfis-
vænni tækni sem þarf til að
markmiðið náist. - aa
Loftslagsstefna Mexíkó:
Helmingslækk-
un losunar
STJÓRNMÁL „Mér sýnist málin liggja þannig að aðild að
ESB er sú lausn sem Samfylkingin hafi boðið upp á og
í raun sé hún að bíða eftir Sjálfstæðisflokknum,“ segir
Eiríkur Bergmann, dósent í stjórnmálafræði við
Háskólann á Bifröst. „Og ef
Sjálfsstæðisflokkurinn klárar ekki
málið þá líti Samfylkingin til
annarra kosta.”
Er hann þar að vísa til ummæla
Ingibjargar Sólrúnar Gísladóttur,
formanns Samfylkingar, sem sagði í
gær að stjórnarsamstarfinu yrði
sjálfhætt ef Sjálfstæðisflokkurinn
ákvæði á landsfundi í janúar að
sækja ekki um aðild að ESB.
Hann segir jafnframt að Sjálf-
stæðisflokkurinn sé í raun að reyna
að breyta afstöðu sinni í Evrópu-
málum án þess að koma við kaunin á andstæðingum
aðildar og vísar þar til dæmis til greinar Illuga
Gunnarssonar og Bjarna Benediktssonar í Fréttablað-
inu í gær. „Það er stórmerkileg yfirlýsing að sækja um
aðild og leggja síðan samninginn í þjóðaratkvæða-
greiðslu,“ segir hann. „Þeir eru í raun að segja að það
eigi ekkert að hlusta á það sem kemur út úr landsfund-
inum í janúar. Stjórnmálamenn eiga yfirleitt erfitt
með það að segjast hafa skipt um skoðun en það er
einmitt það sem menn virðast vera að gera hér en nota
þessi orð til þess.“
Hann segir að nú heyrist mun meira í þeim sjálf-
stæðismönnum sem eru jákvæðir í garð ESB en minna
í þeim sem séu því andvígir. Áður hafi því verið öfugt
farið. - jse
Stjórnmálafræðingur segir ESB-sinna í Sjálfstæðisflokknum hafa tekið yfir:
Breyta stefnunni lymskulega
EIRÍKUR
BERGMANN
EINARSSON

FORSÆTISRÁÐHERRANN OG FORSETINN Geir H. Haarde er hér
ásamt José Manuel Barroso, forseta framkvæmdastjórnar ESB.
KJÖRKASSINN