Fréttablaðið - 14.12.2008, Qupperneq 50

26 14. desember 2008 SUNNUDAGUR
folk@frettabladid.is
> HAMINGJUSÖM
Scarlett Johansson segir lífið eftir
brúðkaup vera „fallegan tíma“. Hin
24 ára gamla leikkona giftist leikaran-
um Ryan Reynolds 32 ára í september
og kann vel við breytinguna sem hefur
orðið á sambandi þeirra eftir að þau
gengu í hjónaband. Scarlett segir að
þau Ryan séu yfir sig ástfangin og
njóti að þróa samband sitt. Hún
segir það ekki sjálfgefið að hitta
rétta manneskju á réttum tíma
og það sé mikilvægt að þekkja
sjálfan sig áður byrjað er í sam-
bandi.
Guillermo del Toro segir það ólíklegt að hann kvikmyndi á
nýjan leik í heimalandi sínu Mexíkó. Ástæðan er öryggisleysi
eftir að föður hans var rænt þar í landi fyrir tíu árum. Honum
var á endanum sleppt en fjölskylda leikstjórans segir að
henni hafi borist dauðahótanir eftir atvikið. Del Toro, sem er
þekktastur fyrir Hellboy-myndirnar og Pan´s Labyrinth,
finnur fyrir óöryggi sem leikstjóri í landinu vegna þess að
hans daglega rútína fer fram fyrir opnum tjöldum.
„Ekki allir þeir sem tóku þátt í mannráninu voru hand-
teknir,“ sagði del Toro, sem leiðist mjög að geta ekki starfað
í heimalandinu. Um þessari mundir býr hann í Nýja Sjálandi
þar sem tökur á Hobbitanum hefjast á næstunni.
Einna flest mannrán í heiminum eiga sér stað í Mexíkó,
eða 72 á mánuði að meðaltali. Eitthvað hefur þó dregið úr
þeim síðan í ágúst eftir að stjórnvöld ákváðu að taka betur
á þessu alvarlega vandamáli.
Leikstýrir ekki aftur í Mexíkó
GÓÐIR SAMAN Guillermo del Toro,
lengst til hægri, ásamt kollegum sínum
Alejandro Inárritu og Alfonso Cuarón.
Svo óvenjulega vill til að all-
ir íbúar hússins að Starhaga
5 eru samkynhneigðir. Felix
Bergsson og Baldur Þór-
hallsson munu þó brátt sjá
á eftir leigjendum sínum,
þeim Ólínu Viðarsdóttur og
Eddu Garðarsdóttur.
„Þetta eru miklir heimsborgarar,
þeir Baldur og Felix,“ segir Edda
Garðarsdóttir, landsliðskona í fót-
bolta og verðandi leikmaður sænska
liðsins Örebro. Hún leigir ásamt
unnustu sinni, Ólínu Guðbjörgu Við-
arsdóttur, stúdíóíbúð af þeim Baldri
Þórhallssyni og Felix Bergssyni á
Starhaga í Vesturbænum. Sambúð
paranna tveggja hefur gengið ágæt-
lega fyrir sig en samneytið hefur
reyndar ekki verið mikið. „Við erum
náttúrulega öll mjög önnum kafið
fólk og höfum því ekkert haft neitt
sérstaklega mikinn tíma til að kynn-
ast náið,“ segir Felix.
Þó var þeim Eddu og Ólínu Guð-
björgu boðið í úrvals lambalæri í
vikunni og þær fengu forláta plöntu
að gjöf nýverið fyrir árangurinn
með landsliðinu. Það tryggði sér,
eins og öllum ætti að vera kunnugt
um, sæti á Evrópumótinu næsta
sumar. Hins vegar upplýsir Edda,
með nokkrum trega í röddinni, að
plantan hafi því miður drepist enda
hefur verið í nægu að snúast. „Þeir
voru síðan svo góðir að lána okkur
bók um París þegar við fórum þang-
að og leiðbeindu okkur hvaða staði
maður ætti að skoða þar,“ segir
Edda og ekki laust við að hún eigi
eftir að sakna Baldurs og Felix
þegar þær halda utan í atvinnu-
mennsku. „Við höldum samt ekkert
út fyrr en í febrúar,“ segir Edda.
Hún viðurkennir að það sé smá
kvíði yfir því að vera að halda utan
í atvinnumennskuna. „Nú ríður
bara á að standa sig, það þýðir ekk-
ert að kaupa árskort í ræktina og
mæta síðan ekki.“ Samlíking sem
margir kannast við.
Felix viðurkennir að hann sjá
mikið eftir þeim stúlkum. Þær hafi
verið frábærir leigjendur. „Þetta
er nú það góða við að hafa íþrótta-
fólk sem leigjendur, þær eru svo
reglusamar og skilvirkar,“ segir
Felix sem sýtir það kannski helst
að Edda og Ólína hafa verið í
fremstu víglínu KR og leitt liðið til
ófárra meistaratitla. Felix er nefni-
lega dyggur stuðningsmaður KR.
„Við verðum bara að styðja þær í
gegnum landsliðið í sumar,“ segir
Felix sem er nú á að leika í sinni
árlegu jólasýningu, Ævintýri um
Augastein, en það er sýnt í Hafnar-
fjarðarleikhúsinu. Þetta er sjöunda
árið í röð sem Felix er með þessa
sýningu. „Svo erum við Gunnar
[Helgason] að gefa út allt efnið
okkar frá Stundinni okkar þannig
að það er í nægu að snúast.“ Bald-
ur, sem er stjórnmálafræðingur,
hefur væntanlega líka haft í nægu
að snúast enda hefur sjaldan eða
aldrei gengið jafnmikið á í heimi
stjórnmálanna og nú.
freyrgigja@frettblaðið.is
Hýrt hús í Vesturbænum
SÁTT OG SAMLYNDI Þeir Baldur og Felix
bera þeim Eddu og Ólínu vel söguna.
Pörin snæddu meðal annars úrvals
lambalæri á dögunum auk þess sem
landsliðskonurnar fengu plöntu að gjöf
fyrir framúrskarandi árangur með lands-
liðinu. Hún er hins vegar dauð.
Dúettinn Pikknikk, sem er skipaður parinu Þor-
steini Einarsyni úr Hjálmum og Sigríði Eyþórs-
dóttur, hefur gefið út plötuna Galdur. Útgáfu-
fyrirtækið Kimi Records dreifir plötunni sem
hefur að geyma túlkun þeirra á blússkotinni þjóð-
lagatónlist.
Útgáfutónleikar vegna plötunnar verða haldnir
í Fríkirkjunni kl 21 í kvöld og er miðaverð 500
krónur. Miðar verða seldir við innganginn og
verður platan á tilboðsverði. Nálgast má frekari
upplýsingar um Pikknikk á heimasíðunni www.
myspace.com/pikknikk.
Spila í Fríkirkjunni
PIKKNIKK Dúett-
inn Pikknikk heldur
útgáfutónleika í kvöld
til að fagna plötu sinni
Galdur.
w
w
w
.h
ir
zl
an
.i
s
Smiðsbúð 6 210 Garðabæ Sími 564 5040
Jólatilboð
20% afsláttur
af öllum skrifborðsstólum