Fréttablaðið - 21.12.2008, Blaðsíða 28

Lostæti TVÆR EFTIRRÉTTAKÖKUR
Ég geri ráð fyrir þessari köku þegar ég tek rifsberin inn á haustin,“ segir Svandís Kristi-
ansen, húsfreyja og hárgreiðslu-
kona, um rjómaosthring með rifs-
berjum sem hún kveðst gjarnan
eiga í frysti og bera á borð þegar til-
efni gefist, ekki síst í aðdraganda
jóla. Hún segir berjauppskeruna í
haust hafa verið slíka að annað eins
hafi ekki sést. „Sú var tíð að ég setti
álpappír yfir greinarnar til að fugl-
arnir færu ekki í berin en nú var
ekki þörf á því. Þeir fengu að borða
nægju sína.“
Spurð um uppruna ostahringsins
svarar hún: „Ég stunda leikfimi í
Hreyfingu með ágætum hópi
kvenna og þar er regla að mæta
með köku eða eitthvað annað gott
reglulega. Þessa smakkaði ég í einni
slíkri veislu fyrir svona þremur
árum og fékk uppskriftina.“ - gun
Góður hringur
þegar tilefni gefst
Rjómaostakaka Svandísar Kristiansen, húsfreyju og hárgreiðslukonu, hentar á jóla-
borð vegna bragðgæða og fegurðar. Rifsber úr garðinum gegna lykilhlutverki.
Ég bý þessa ostaköku
til í Tupperware
ísformi og byrja á að
strá frosnum berjum í
botninn. Síðan kemur
ostakremið. Læt það
aðeins stífna og set
síðan kexblönduna
ofan á. Þetta er fryst
og tekið út tveimur til
þremur klukkustund-
um fyrir notkun en
kökunni er hvolft
frosinni á disk.
RJÓMAOSTAKREM
200 g rjómaostur
1 stk. sítróna
(safi+börkur)
125 g sykur
3 blöð matarlím
2 dl rjómi
1 tsk. vanilludropar
rifsber til skrauts
Þeytið rjómaost og
sykur saman ásamt
rifnum sítrónuberkin-
um. Leysið matarlím
upp í volgum sítrónu-
safa og blandið
varlega út í ostahræru.
Blandið þeyttum rjóma
loks varlega saman við
ásamt vanilludrop-
um.
BOTN
200 g hafrakex mulið
125 g brætt smjör ½
dl púrtvín eða sherrý
(má vera meira)
Blandið öllu saman.
FROSIN OSTAKAKA MEÐ RIFSBERJUM
Svandís kveðst gjarnan eiga svona rjómaosthring í frysti til að kippa með í boð eða
á kökuhlaðborð. FRÉTTABLAÐIÐ/GVA
Svandís fékk
uppskrift að
kökunni fyrir
þremur árum.
FR
ÉT
TA
B
LA
Ð
IÐ
/G
VA
Peugeot framleiddi sína fyrstu piparkvörn 1840.
Verkið í kvörnunum er ennþá það áreiðanlegasta
á markaðinum og ástæðan fyrir því að Peugeot
býður 30 ára ábyrgð. Peugeot kvarnir fást hjá:
Kokku á Laugavegi 47, Duka Kringlunni, Tekk
Company Bæjarlind 14-16 í Kópavogi, Pottum
og Prikum á Strandgötu 25 á Akureyri og Cabo
við Hafnargötu 23 í Keflavík. Svo er auðvitað
hægt að kaupa þær á kokka.is
Peugeot,
skoðaður
til 2038