Tíminn - 24.10.1982, Blaðsíða 6

6
SUNNUDAGUR 24. OKTÓBER 1982
■ Sumir segja að það sé ekki erfiðara
að fljúga flugvél en að keyra bíl. En þar
sem hverju flugi verður að Ijúka hvað
sem það kostar, meðan hægt er að leggja
biluðum bíl út í vegarkant, þá krefst
flugnám meiri og nákvæmari undirbún-
ings en hitt. Það hefur þó ekki komið í
veg fyrir að mikill fjöldi manna hefur á
undanförnum árum drifið sig í að læra
að fljúga og nú er svo komið að hvorki
meira né minna en um 150 einkaflug-
vélar munu vera í eigu einstaklinga
hérlendis. Það er heldur ekki amalegt
að geta sest um borð í flugvél á
góðvirðisdegi og skroppið í nokkra
hringi yfir bæinn, eða farið og fengið sér
rjómaís og kaffi eftir klukkustundarflug
á stað sem tekið hefði meiri hluta
dagsins að ná til á bíl. í augum margra
er það að eiga flugvél lúxus sem ekki
er á jæri annarra en einhverra „stór-
laxa,“ en hvað segja þeir sem sjálfir hafa
reynslu af svona rekstri? Við ræddum
við tvo unga menn, þá Borgar Jónsteins-
son og Pétur Jónsson um þetta, en þeir
eiga franska Jodel flugvél TF-ULE
ásamt nokkrum öðrum.
„Við vorum að leita okkur að vél,
þegar við fréttum af því að þessi væri
til sölu,“ sögðu þeir Borgar og Pétur.
„Við vorum fjórir flugmenn og flug-
nemar sem stóðum að þessu, en vélin
var í eigu nokkurra manna, sem ætluðu
að kaupa sér stærri vél. Við höfðum
reyndar ekki peninga til þess að kaupa
vélina fjórir, svo það varð úr að við
skiptum þessu í sex hluta og eiga fyrri
eigendur tvo hluti áfram
Nei, þetta getur ekki kallast mjög
(Tímamynd Róbert)
■ Borgar Jónsteinsson og Pétur Jónsson: Þeir stefna báðir á atvinnuflugmanns prófíð
EI6A FLUGVÉL
Ef þú þarft allt í
En flugnámið er
dýrt. Hjá okkur kostaði hver hlutur um
20-30 þúsund og við greiðum um 300
krónur fyrir hverja flugstund. Við
höfum sérstakan gjaldkera sem reiknar
saman tímana og gerum upp mánaðar-
lega.
Já, það er margvíslegt gagn sem hægt
er að hafa af þessu. Við skutlum hver
öðrum út á land, þegar þörf gerist, og
einn af eigendunum, Ólafur Pálsson,
sem var að vinna uppi hjá Hrauneyjar-
fossi í sumar naut góðs af þessu á þann
hátt að við gátum skroppið og heimsótt
hann öðru hverju farið með hann upp
eftir og sótt hann, þegar hann kom og
fór í frí.“
Pétur er búinn að taka einkaflug-
mannsprófið en Borgar er enn að læra
og við spyrjum hvað það kosti.
„Ég er búinn að taka sólóprófið, sem
tekur 20 tíma,“ segir Borgar," en verð
að fljúga 70 tíma, áður en ég fæ að taka
einkaflugmannspróf. Mig vantar enn um
15 tíma í það. Eins og ég sagði þá kostar
tíminn hjá okkur eigendunum 300
krónur og ég borga það gjald fyrir
tímann að viðbættum svo 200 krónum
til kennarans. í flugskóla mundi tíminn
kosta um 750 krónur, svo þetta er tals-
verður sparnaður.
Jú, það hefur færst í vöxt að menn fari
í flugnám, þótt ég hafi heyrt að komið
hafi afturkippur í þetta á sl. ári vegna
þess að óneitanlega er flugnámið mjög
dýrt. Það er einkum menn um tvítugt
sem eru að þessu svo menn sem eru
komnir undir fertugt, hafa klárað að
byggja og allt sem því fylgir, og láta loks
undan gamalli löngun.“
Við spyrjum þá Pétur og Borgar hvað
þeir fljúgi marga tíma á ári.
„Ég flýg svona sextíu tíma á ári,“ segir
Pétur. „Tilefnin eru mismunandi stund-
um er það aðeins skemmtiflug hér yfir
bæinn og nágrenniö, en stundum geta
komið upp aðstæður sem það kemur sér
vel að eiga flugvél. Kunningi minn einn
sótti um starf úti á landi, sem var mjög
eftirsótt og margir spurðu um þegar það
var auglýst. Ég gat hins vegar skotist
með hann beint út á land og farið á fund
atvinnurekandans. Þetta varð til þess að
hann fékk vinnuna og gegnir henni enn
með prýði og er ánægður með sinn hag.
Hann hefur alltaf þakkað mér þetta
og auðvitað hefur maður gaman af að
hugsa til þess.
Það er einkum á sumrin sem við
fljúgum, því þegar kemur fram í október
einu að skreppa í kaffi austur á Hellu, þá er ekkert auðveldara.
nokkuð dýrt....
Tveir eigenda, Pétur Jónsson og Ólafur Pálsson eru hér við TF-ULE í Eyjum. Um borð í vélinni er óþekktur farþegi.
fara vellirnir að vera aurugir og slæmir.
En á sumrin er hægt að lenda mjög víða
núorðið og við höfum oftsinnis farið
austur á Hellu, til Vestmannaeyja og
víðar, - já, bara rétt til að fá okkur ís
eða kaffi. Þetta er auðvelt þegar maður
hefur svona tæki undir höndum. Margt
áður ómögulegt verður alveg bráð-
auðvelt. Vélin er með all sterkan mótor
og flýgur á svona 200 km. hraða, svo
það er engum vandkvæðum bundið að
heilsa upp á Akureyringa innan stuttrar
stundar, þegar svo stendur á.
En fara einkaflugmenn of ógætilega?
Hvað segja þeir Pétur og Borgar?
Á leið
„Menn verða að athuga sinn gang vel,
áður en lagt er af stað. Menn verða að
tala við Veðurstofuna, gæta að því að
vélin sé í fullkomnu standi athuga veður
og svo framvegis. Þegar farið er út á land
og ætlunin er að lenda á velli sem menn
þekkja ekki því betur verður að athuga
vandlega bæklingana yfir þann völl og
vera búnir að kynna sér hvernig hann
er. Það hefur komið fyrir að menn hafa
farið út af flugbraut, bara vegna þess að
þeir hafa ekki verið nógu kunnir
aðstæðum. Menn verða líka að hafa í
huga símalínur og aðrar hættur sem gert
er grein fyrir í handbók.
Svo er að huga að því að kunna að
snúa við í tíma. Flugmálastjóri sagði í
viðtali eitt sinn að flugmenn kynnu ekki
allir að snúa við. Mörgum hættir til að
halda áfram, þar til það er orðið of seint“
Já, þetta sögðu þeir Borgar og Pétur.
Þeir og félagar þeirra kynntust allir í
flugskóla Flugtaks hf. fyrir rúmu ári
síðan og eins og sjá má hefur hugurinn
stefnt upp á við eftir það. Þeir Borgar
og Pétur eru báðir ákveðnir í því að
stefna að atvinnuflugmannsprófi og hver
veit nema við eigum eftir að sitja í með
þeim til Ameríku eða Amsterdam eftir
nokkur ár... Nema við skellum okkur í
flugnámið lika og setjumst sjálf undir
stýri. Þetta virðist vel hægt, - ef þú ert
tilbúinn að splæsa 70 sinnum 750
krónum í fyrsta áfangann,- eða kaupa
vél sjálfur! AM
í loftið.
■ Mörgum fínnst mælaborð í flugvélum minna mest á stjómstöð í kjarnorkuveri,
en þeír segja að það sé nú samt hægt að læra á þetta, - kannski gætir þú....