Fréttablaðið - 24.01.2009, Side 85

LAUGARDAGUR 24. janúar 2009 57
Fjölskylda leikarans sáluga
Heaths Ledger segist vera
stolt og spennt yfir tilnefningu
hans til Óskarsins. Ledger, sem
lést fyrir ári síðan, fékk fyrir
skömmu Golden Globe-verðlaun-
in fyrir hlutverk Jókersins í The
Dark Knight.
Að sögn systur Ledgers var
hlutverkið það skemmtilegasta
sem hann hafði tekið sér fyrir
hendur. „Með hans eigin orðum
þá skemmti hann sér konung-
lega,“ sagði hún. „Við viljum nota
tækifærið og heiðra hans yndis-
lega líf og hugga okkur við það
að Heath mun snerta komandi
kynslóðir með frábærri listsköp-
un sinni.“
Skemmti sér
konunglega
HEATH LEDGER Fjölskylda leikarans
segist vera stolt og spennt yfir Óskarstil-
nefningu hans.
Kelly Osbourne, dóttir rokkar-
ans Ozzy, hefur skráð sig inn á
meðferðarstofnun skammt fyrir
utan Los Angeles. „Hún vissi að
þetta var það rétta fyrir hana á
þessum tímapunkti og við erum
stolt af því að hún lét verða af
þessu,“ sagði móðir hennar Shar-
on. „Fjölskyldan stendur þétt við
bakið á henni. Kelly vissi að hún
þurfti á hjálp að halda og hún
mun fá hana.“
Kelly verður í þrjátíu daga í
meðferðinni en Sharon vildi ekki
tjá sig um hvers vegna hún skráði
sig inn. Þetta er í þriðja sinn sem
hin 24 ára Kelly fer í meðferð.
Hin tvö skiptin voru vegna fíknar
í lyfseðilsskyld verkjalyf.
Meðferð í
þriðja sinn
KELLY OSBOURNE Dóttir rokkarans Ozzy
er farin í meðferð í þriðja sinn.
Fyrsta plata Davids Bowie í lang-
an tíma virðist komin á teikni-
borðið. Að minnsta kosti segir nú
á Twitter-síðu kappans: „Kveðj-
ur frá snjónum í Berlín. Hér er
ég að vinna að nýju efni.“ Bowie
gerði einmitt bestu plötur sínar í
borginni. Síðast var Bowie á ferð-
inni árið 2003 með stúdíóplötuna
Reality.
David Bowie
í upptökum
BOWIE Er í Berlín.
Tónleikaferð hljómsveitarinn-
ar Hjaltalín um Evrópu lýkur í
ensku borginni Coventry í kvöld.
Söngkonan Sigríður Thorlacius
segir að ferðin hafi gengið fram-
ar vonum. „Þetta er búið að vera
mjög skemmtilegt og það er eig-
inlega búið að vera skemmtilegt
alls staðar. Það var mjög gaman
í Þýskalandi og líka á Eurosonic í
Hollandi,“ segir Sigríður.
Eurosonic er einnig nokkurs
konar viðskiptaráðstefna þar sem
hljómsveitir mynda sambönd við
útgefendur og aðra aðila úr tón-
listarbransanum. Sigríður viður-
kennir að einhver plötufyrirtæki
hafi sýnt hljómsveitinni áhuga,
auk þess sem bókanir á tónlistar-
hátíðir hafi komið til tals. Þær við-
ræður séu þó allar á byrjunarstigi.
Tónleikaferðin er sú stærsta hjá
Hjaltalín til þessa og hefur sveitin
spilað hvern einasta dag síðan förin
hófst í Kaupmannahöfn 8. janúar.
„Við höfum verið að spila á mis-
jafnlega stórum stöðum. Sumir eru
mjög litlir eins og í Brighton þar
sem við spiluðum fyrir 120 manns.
Það var alveg troðið. Í París var
líka fullur staður þar sem við spil-
uðum fyrir fimm hundruð manns,“
segir Sigríður.
Hjaltalín kemur heim til Íslands
á morgun og heldur síðan aftur
út í febrúar í aðra tónleikaferð.
Þá verður meðal annars spil-
að á norsku By:Larm-hátíðinni, í
París, Skandinavíu og hugsanlega
í Þýskalandi. - fb
Tónleikaferðin gekk framar vonum
HJALTALÍN Hljómsveitin lýkur tónleikaferð sinni um Evrópu í Coventry í kvöld.