Fréttablaðið - 18.03.2009, Qupperneq 6

6 18. mars 2009 MIÐVIKUDAGUR
FERSKT
EINFALT &
ÞÆGILEGT
PANTAÐU SÓMA VEISLUBAKKA
*F
rí
h
ei
m
se
nd
in
g
gi
ld
ir
a
ðe
in
s
ef
p
an
ta
ði
r
er
u
4
eð
a
fle
ir
i b
ak
ka
r.
Pantaðu í síma 565 6000eða á www.somi.isFrí heimsending*
SAMGÖNGUMÁL Einar K. Guðfinns-
son, þingmaður Sjálfstæðisflokks-
ins, gagnrýnir samgönguyfirvöld
harðlega fyrir að hafa aðeins boðið
út fjögur verk það sem af er ári.
Samgönguráðherra minnir á að
aldrei hafi verið eins miklir pen-
ingar í umferð í vegagerð. Vega-
málastjóri áætlar að alls verði um
tuttugu verk boðin út árið 2009.
Einar segir að það ætti að hraða
útboðum í ljósi þess að atvinnu-
ástandið er alvarlegt. „Það er líka
ljóst af þeim tilboðum sem eru að
berast Vegagerðinni þessa dag-
ana að það er gríðarleg eftirspurn
eftir verkefnum hjá verktökum.
Tilboðin eru í kringum 60 prósent
af kostnaðaráætlunum Vegagerð-
arinnar.“ Einar segir að þess utan
þurfi vart að minna á þá „him-
inhrópandi þörf“ sem er á sam-
göngubótum um allt land. Féð sé
til og ekki eftir neinu að bíða.
Einar tók málið upp í óundirbún-
um fyrirspurnartíma á Alþingi
á fimmtudag. Kom fram í máli
Kristjáns L. Möller samgönguráð-
herra að nú séu í gangi verksamn-
ingar fyrir um 15 milljarða króna
og sex milljarðar séu ætlaðir til
nýrra útboða á þessu ári. „Á árinu
verða verk í gangi fyrir 21 milljarð
og tvö síðustu ár eru mestu fram-
kvæmdaár í vegagerð í Íslandssög-
unni.“
Kristján segir mörg útboð á
næstunni; þar á meðal stór og
mannaflsfrek verk. „Þetta er allt
að spilast fram. Við erum ekki að
bjóða þetta allt út í einum pakka,
enda er það ekki skynsamlegt af
fjölmörgum ástæðum.“
Hreinn Haraldsson vegamála-
stjóri áætlar að um tuttugu verk
verði boðin út á árinu, bæði stór
og smá. Fjöldi útboða sé hins
vegar nokkurri óvissu háð. „Þetta
ræðst af því hvaða tilboð við fáum
í útboðsverkunum, og á efnahags-
þróuninni, þar eð öll lengri og
stærri verk eru verðbætt. Lítil
verðbólga gefur rými fyrir fleiri
verk.“
Hreinn segir ekki mögulegt að
bjóða út verk af meiri krafti en nú
er gert. „Það strandar í raun fyrst
og fremst á undirbúningi og frá-
gangi af okkar hálfu, en oft koma
upp vandamál varðandi skipu-
lagsmál, landeigendur á síðustu
stundu, sem getur tafið það að
hægt sé að senda útboðin út. Frá-
gangur hönnunar og gerð útboðs-
gagna tekur auk þess alltaf tölu-
verðan tíma, og ekki eru margir
mánuðir frá því að við fengum að
vita hvaða fjármagn yrði til ráð-
stöfunar á árinu.“
Hreinn segir að flest af stærri
verkunum sem Vegagerðin ráð-
gerir á þessu ári verði boðin út á
næstu tveimur mánuðum eins og
ætlunin var. Það er til að ná besta
framkvæmdatímanum að sumr-
inu.“
svavar@frettabladid.is
Fjögur verk í útboð
en tuttugu á áætlun
Einar K. Guðfinnsson alþingismaður vill að vegaframkvæmdir séu boðnar út
án tafar og gagnrýnir samgönguyfirvöld fyrir seinagang. Samgönguráðherra og
vegamálastjóri segja ómögulegt og óskynsamlegt að hraða útboðum.
KRISTJÁN L.
MÖLLER
EINAR K.
GUÐFINNSSON
VEGAGERÐ Í REYÐARFIRÐI Þingmaður vill hraða útboðum enda er mikil eftirspurn frá
verktökum. Það sést á því að tilboð eru gjarnan aðeins 60 prósent af kostnaðaráætl-
unum. FRÉTTABLAÐIÐ/GVA
SJÁVARÚTVEGUR Veiðiskip hafa nú
hætt loðnuleit en hafrannsóknar-
skipin komu úr sinni síðustu loðnu-
leit fyrir tveimur vikum svo ljóst
má þykja að enginn loðnukvóti
verði gefinn út, segir Björn Jóns-
son hjá Landssambandi íslenskra
útvegsmanna. Það er í fyrsta sinn
síðan veturinn 1982 til 1983.
Á sama tíma er mikið af loðnu
rétt fyrir utan fjöruna í Vest-
mannaeyjum og jafnvel má sjá
mikið af henni í fjörunni sjálfri.
Í vetur hafa menn í fyrsta sinn
veitt gulldeplu en töluvert minna
fæst fyrir hana en loðnu. Til
dæmis flutti Vinnslustöðin í Vest-
mannaeyjum út um 15 þúsund tonn
af loðnu í fyrra og nam útflutnings-
verðmæti hennar um 2,5 milljörð-
um á verðlagi ársins í ár. Í ár flutti
hún álíka mikið út af gulldeplu en
útflutningsverðmæti hennar nam
einungis um 370 milljónum.
Auk þess sem mikið er af loðnu
utan við fjörur Vestmannaeyja
segir Sigurgeir Brynjar Kristgeirs-
son, framkvæmdastjóri Vinnslu-
stöðvarinnar, að trillusjómenn
hafi orðið hennar mikið varir og
óttast hann að ekki hafi tekist að
mæla göngurnar nógu vel. „Ég er
enginn talsmaður ofveiða,“ segir
hann. „En ég óttast að menn nái
ekki að mæla loðnuna eftir að hún
er farin í gönguástand vestur með
suðurströndinni með sömu vissu
og þegar hún er mæld í djúpinu
fyrir austan land.“ - jse
Tekjur af gulldeplu nema einungis 15 prósentum af tekjum af loðnu:
Engin loðna nema við fjöruna
HVERSU MIKIÐ FANNST AF LOÐNU?
Það mældust um 385 þúsund tonn.
Kerfið er þannig að kvóti er gefinn
fyrir jafnmiklu og finnst umfram 400
þúsund tonn.
Á HB Grandi að greiða starfs-
fólki sínu launauppbót vegna
góðrar rekstrarafkomu árið
2008?
Já 90,3%
Nei 9,7%
SPURNING DAGSINS Í DAG:
Fylgist þú með fréttum af réttar-
höldum yfir níðingnum Josef
Fritzl í Austurríki?
Segðu skoðun þína á Vísir.is
FINNLAND Finnsk og þýsk stjórnvöld takast nú á um
það hvað eigi að gera í máli finnskrar konu sem hefur
haldið til á einum af flugvöllunum í Berlín í þrjá mán-
uði. Þýsk stjórnvöld hafa sent konuna á heimili fyrir
heimilislausa en finnskir sérfræðingar telja að hún
þurfi aðstoð sérfræðinga þegar í stað.
Konan flaug frá Helsinki til Berlínar í desember og
stöðvaði ferð sína á flugvellinum Tegel þar sem hún
hefur haldið til síðan. Eftir þriggja mánaða dvöl þar
taldi lögreglan nóg komið og hótaði að flytja hana svo
langt í burtu að hún myndi ekki rata til baka, hefur
Hufvudstadsbladet eftir konunni.
Finnskum presti í Berlín hafði tekist að fá konuna
lagða inn á geðdeild meðan hún biði eftir að vera send
heim til Finnlands. Þegar læknirinn Patrick Währn
fór til Berlínar að sækja hana fékk hann kaldar mót-
tökur. Þýskir kollegar hans bentu á að finnsk lög giltu
ekki í Þýskalandi og því gæti hann ekki fengið hana
nauðuga með heim.
Samkvæmt þýskum lögum er hvorki hægt að neyða
sjúkling í meðhöndlun eða gefa honum lyf gegn vilja
hans. Þýsku læknarnir sendu konuna því á heim-
ili fyrir heimilislausa en finnski læknirinn er mjög
ósáttur við það. Hann telur að verið sé að vísa henni á
götuna og hefur því óskað eftir aðstoð finnska dóms-
málaráðherrans Tuija Brax við að ná sjúklingnum
aftur heim til Finnlands. - ghs
FRÁ HELSINKI Í DESEMBER Finnsk kona flaug frá Helsinki til
Berlínar í Þýskalandi í desember. Hún settist að á flugvelli þar
í þrjá mánuði.
Finnsk og þýsk stjórnvöld takast á um geðsjúkan ferðamann í Berlín:
Bjó á flugvelli í þrjá mánuði
SJÁVARÚTVEGSMÁL Samtök atvinnu-
lífsins, Landssamband íslenskra
útvegsmanna og Samtök fisk-
vinnslustöðva hvetja til þess að
matvælalöggjöf ESB verði inn-
leidd á Íslandi. Verði það ekki
gert getur það leitt til þess að
aðgangur íslenskra sjávarafurða
að mörkuðum innan ESB verði
takmarkaður.
„Mikilvægt er að Alþingi
samþykki að innleiða matvæla-
löggjöfina áður en það lýkur
störfum á næstu vikum þar sem
miklir viðskiptahagsmunir þjóð-
arinnar eru í húfi“, segir í sam-
eiginlegri tilkynningu samband-
anna. - shá
Samtök vilja ESB-löggjöf:
Matvælalöggjöf
ákaflega brýn
KJÖRKASSINN