Fréttablaðið - 27.03.2009, Page 16

16 27. mars 2009 FÖSTUDAGUR
nær og fjær
„ORÐRÉTT“
„Mér finnst
þetta flott hjá
honum,“ segir
Marinó Thorlac-
ius ljósmyndari
um þá ákvörð-
un Ögmundar
Jónassonar
heilbrigðisráð-
herra, að afsala
sér ráðherra-
launum. Marinó
segir að með þessu hafi Ögmundur
gefið tóninn og erfitt verði fyrir aðra
ráðherra að gera ekki slíkt hið sama.
„Þetta er það sem fólk hefur verið
að kalla eftir, að menn gangi á
undan með góðu fordæmi og það
er Ögmundur að gera.“
Borið hefur á efasemdaröddum
sem telja að með þessu sé
Ögmundur eingöngu að fiska eftir
atkvæðum. Marinó tekur ekki undir
þær. „Ögmundur hefur sýnt það í
gegnum tíðina að hann er einn af
fáum á Alþingi sem er tiltölulega
samkvæmur sjálfur sér. Ég held að
enginn sem er ósammála þeirri
stefnu sem hann talar fyrir fari að
kjósa hann út af laununum. Og ef
þetta er bara lýðskrum, þá er það
að minnsta kosti ágæt nýbreytni frá
hinum hefðbundnu kosningaloforð-
um, þar sem menn lofa yfirleitt að
eyða meira frekar en minna.“
SJÓNARHÓLL
ÖGMUNDUR AFÞAKKAR
RÁÐHERRALAUN
Flott
MARINÓ THORLAC-
IUS LJÓSMYNDARI
Í aðgerð
„Heilbrigðismál eru atvinnu-
mál.“
ÖGMUNDUR JÓNASSON HEIL-
BRIGÐISRÁÐHERRA.
Fréttablaðið, 26. mars.
Til í slaginn
„Ja, ég hef ekkert á móti því
að menn takist harkalega á.“
KRISTJÁN ÞÓR JÚLÍUSSON,
FORMANNSEFNI SJÁLFSTÆÐIS-
FLOKKSINS.
Fréttablaðið, 26. mars.
Eina innfjarðarrækjan sem veidd
er hér á landi um þessar mundir
er í Arnarfirði. 150 tonna kvóti
var gefinn út í fyrra en nú í haust
var 500 tonna kvóti gefinn út fyrir
þetta fiskveiðiár.
„Þetta hefur gengið mjög vel,
við erum að skríða í tvö hundruð
tonnin,“ segir Björn Magnússon,
skipstjóri á Brynjari BA 128, en
hann er með um 290 tonna kvóta.
Hann segist ekki óttast að verið
sé að veiða of mikið í firðinum en
um nokkurra ára skeið voru horf-
urnar dökkar fyrir stofninn. Var
þá meðal annars gripið til þess
ráðs að fóðra þorskana utarlega
í firðinum svo hann gengi ekki á
rækjustofninn sem nú virðist vera
að braggast þótt enn sé hann langt
frá því sem var á 9. áratugnum.
Jón Páll Jakobsson býr á Bíldu-
dal en hafði ekki getað róið úr
heimahöfn undanfarin ár en rækj-
an breytti því. Hann og Snæbjörn
Árnason keyptu bát í síðasta mán-
uði og hafa nú hafið rækjuveið-
ar. „Það er óneitanlega þægilegt
að geta labbað niður á bryggju,
farið út og verið svo kominn
heim um klukkan átta á kvöld-
in,“ segir hann. Höfrungur BA er
síðan þriðji báturinn í
rækjuveiðunum.
Stefán Brynjólfsson,
rannsóknarmaður hjá
Hafrannsóknastofnun,
segir að í haust verði
rækjustofninn endur-
metinn í Arnarfirði en
eins verður ástandið
rannsakað í Ísafjarð-
ardjúpi, Öxarfirði,
Skjálfanda, Húnaflóa
og Skagafirði. Og hver
veit nema að veiði á
innfjarðarrækju hefj-
ist annars staðar og
fleiri geti farið að sigla
frá heimahöfn.
- jse
Í Arnarfirði er veidd eina innfjarðarrækjan á landinu:
Það kætir menn að
koma með fullfermi
BJÖRN MAGNÚSSON VIÐ LÖNDUN Það kætir menn
óneitanlega að koma með fullfermi af rækju úr firðinum
sínum eins og sést á Birni. MYND/JÓN HÁKON
■ Upphaflega var vodka landi Aust-
ur-Evrópubúa, eða sá drykkur sem
bændur eimuðu úr tiltæku hráefni.
Helst var notast við rúg, en fátækari
bændur þurftu að nota kartöflur. Vel
gert vodka var hreint og
bragðlaust, en oft þurfti að
krydda það eða bragðbæta.
Í Vodka er notaður mjög
hreinn spíri, sem hefur
lítið bragð. Hægt er að
eima vodka úr korni,
kartöflum eða mólassa
(hrásykursýrópi). Rúgur
er mikið notaður í Aust-
ur-Evrópu og Rússlandi.
Hveiti er algengara í
Ameríku og Vestur-Evr-
ópu. Kartöflur voru helst
notaðar ef ekki var völ
á korni.
VODKA
BRAGÐLÍTILL SPÍRI
„Ég er atvinnulaus eins og margur,
en ekki aðgerðalaus því ég sæki
tíma í ritlist í bókmenntafræði
við HÍ,“segir Ragnheiður Clausen
sem flestir muna eftir sem vinsælli
sjónvarpsþulu á árum áður.
„Ragnheiður situr því ekki með
hendur í skauti í atvinnuleysinu
heldur notar þær til að hamra inn
smásögur í tölvuna. „Námið byggist á að skrifa
smásögur. Reyndar tók ég hrunið og samfélag-
insástandið svo nærri mér að ég hreinlega fékk
ritstíflu. Stíflan er brostin og ég skrifa smásögur af
kappi. Annars er mitt vandamál hvað ég er feimin
að sýna verkin mín. Það er vitaskuld ekki upp-
skrift að árangri á ritsviðinu. Það vinnur með mér
er að ég er einfari og því hentar mér vel að sitja
heima og skrifa. Ég fell að því leyti inn í mynstrið
um sérlundaða rithöfundinn,“ segir Ragnheiður
og hlær. „Mér líður best með hund-
unum mínum. Hundar eru yndislegar
verur, gáfaðir og með djúpt sálarlíf.“
Hún segir sögur sínar flestar tengjast
mannlífsskoðun og samfélaginu. „Ég
sæki söguefni víða, til dæmis var ég
sjálfboðaliði hjá Fjölskylduhjálpinni og
kynntist þar gríðarlegri neyð. Nýverið
skrifaði ég sögu sem byggist á þeirri
reynslu. Það sem kom mér mest á óvart voru
viðbrögð þeirra sem hafa heyrt söguna. Margir
héldu mig ýkja og „dramatísera“ en sannleikurinn
er að ég dró frekar úr. Flestir lifa í ákaflega vernd-
uðum heimi.“ Spurð um hvort von væri á sögu
um hunda flissar Ragnheiður og segist ekki búast
við því í bráð. „Það er þó líklegra heldur en að ég
taki upp á því að skrifa vísindaskáldsögu. Kannski
brýst fram áhugi á dýrasögum þegar glæpasagna-
áhugi Íslendinga dofnar,“ segir hún að lokum.
HVAÐ ER AÐ FRÉTTA? RAGNHEIÐUR ELÍN CLAUSEN, BÓKMENNTAFRÆÐINEMI
Skrifar smásögur um samfélagsmál
Elsta hjartaþræðingartæki
LSH er komið til ára sinna
og nýtt tæki mikið hjartans
mál. Hjartaheill skora á
almenning að taka þátt í því
þjóðþrifamáli að safna fyrir
nýju tæki í landssöfnun nú
um helgina. Lífið liggur við.
„Oft hefur framlag almennings og
félagasamtaka skipt sköpum um
hvort ráðist er í kaup á tækjum
eða lagt í nýbyggingar. Það hefur
jafnvel ýtt undir nýjungar á sviði
læknavísinda hér á landi,“ segir
Magnús Pétursson, ríkissáttasemj-
ari og fyrrum forstjóri Landspít-
alans. Honum er ekki kunnugt um
hvort safnanir og framlög hjálpar-
samtaka séu jafn algeng á öðrum
Norðurlöndum og hér.
„Hins vegar tel ég að þátttaka
almennings sé af hinu góða. Það
getur ekki verið nema gott að
almenningur, hollvina- og félaga-
samtök komi að heilbrigðiskerfinu
og eigi sinn hlut í að góðum hlut-
um er ýtt úr vör. Fyrir nú utan
að allt veltir þetta hlassi og heil-
brigðiskerfið er þungt hlass,“ segir
Magnús og hlær við. Hann leggur
hins vegar á það ríka áherslu að
safnanir og gjafir eigi ekki að leiða
til þess að hið opinbera velti af sér
skyldunni.
„Uppbygging heilbrigðiskerfis-
ins á ekki að ráðast af vilja fólks og
fyrirtækja til að gefa. Það er ekki
kerfi sem við viljum. Hins vegar er
þetta ómetanleg viðbót. Það gefur
líka vísbendingu um áherslur og
áhuga almennings. Þá skapa stór-
ar safnanir umræðu og hugarfars-
breytingu. Bara það getur bjarg-
að mannslífum.“ Magnús segir
það óumdeilt að hjartadeild LSH
sé góð. Vissulega mætti húsakost-
ur vera betri en deildin er að hluta
byggð inn í vörumóttöku.
„Ef deildin er vel búin tækjum
og starfsfólk gott þá skiptir hús-
næði minna máli. Það sem skiptir
höfuðmáli er að hægt er að bregð-
ast skjótt við. Allir sem þurfa á
bráðri þjónustu að halda fá hana.
Það er svo sannarlega ekki þannig
alls staðar,“ segir Magnús.
Hann segir mikla framför hafa
orðið í hjartalækningum og að
með tilkomu nýrra tækja hafi
mörgum mannslífum verið bjarg-
að. Fyrir utan að færri fara í stór-
ar hjartaaðgerðir sem er augljós
sparnaður. „Góð og öflug hjarta-
deild er þar að auki eitt af aðals-
merkjum góðs háskólasjúkra-
húss,“ segir Magnús að lokum og
snýr sér að núverandi starfi sínu
sem sáttasemjari.
Í tilefni af söfnun Hjartaheilla
verður skemmtidagskrá á Stöð 2
í opinni útsendingu. Fjöldi valin-
kunna listamanna skemmta fólki
af hjartans list. Hægt verður að
hringja í símanúmerin 903 1000,
903 3000 og 903 5000 allt eftir
efnum og aðstæðum gefanda. Beint
númer fyrir hærri eða lægri fjár-
framlög en þúsund krónur er 551
9020. - she
Öflug hjartadeild er eitt af aðals-
merkjum góðs háskólasjúkrahúss
MAGNÚS PÉTURSSON Segir mikla framför hafa orðið í hjartalækningum og að ný
tæki hafi bjargað mörgum mannslífum. FRÉTTABLAÐIÐ/STEFÁN
Helgarblaðið:
Alinn upp af konum. Björn Hlynur Haraldsson leikari í helgarviðtali.
Þegar þjóðin er göbbuð – skemmtileg 1. aprílgöbb
Frægustu fjölskylduerjurnar.
Heimili og hönnun:
Safnar hreindýrum. Kolbrún Hjartardóttir er haldin söfnunaráráttu
á háu stigi.
Fjölskyldan:
Grunnur að velferð. Waldorfskólinn tengir saman líkamlegt starf,
til inningalíf og hugsanasvið.
Ágúst Kvaran ofurhlaupari
er kominn til Marokkó en
á sunnudaginn hefst þar
Sahara-eyðimerkurmaraþonið
sem stendur í eina viku en það
eru Frakkar sem standa fyrir
því. Ágúst er annar tveggja
Íslendinga sem ætla að taka
þátt í maraþoninu.
Fyrstu þrjá dagana hlaupa
keppendur 30-40 kílómetra á
dag, fjórða daginn hlaupa þeir
75-80 kílómetra, fimmta dag-
inn hvíla þeir en sjötta daginn
eru hlaupnir 42 kílómetrar
og sjöunda daginn 15-20 kíló-
metrar. Hlaupið nær því
samtals um 250 kílómetrum.
Keppendur hlaupa með vatn
og allar vistir. Aldrei er hlaup-
in sama leið frá ári til árs. - ghs
Afrekshlaupari í Sahara:
Hleypur 250
kílómetra
Á HLAUPUM Ágúst Kvaran tekur
þátt í eyðimerkurmaraþoni þessa
dagana.