Fréttablaðið - 27.03.2009, Side 52

27. mars 2009 FÖSTUDAGUR
menning@frettabladid.is
Framlag Listasafns Íslands til
hönnunardaga Hönnunarmið-
stöðvar Íslands 2009 er Kúlan.
Hún var húsgagnaverslun við
Skólavörðustíg 10 í Reykjavík
sem var stofnuð í apríl 1962. Þar
átti að selja ódýr og nýstárleg
húsgögn og listmuni.
Magnús Pálsson og Dieter
Roth voru hvatamenn að Kúlunni
og þeim varningi sem þar var
seldur og framleiddur. Magnús
Jóhannsson, kaupmaður í Skeif-
unni, lagði til húsnæði og framleiddi húsgögnin en Dieter Roth
og Magnús Pálsson sáu um reksturinn. Fleiri komu að hönnun
og framleiðslu: Manfreð Vilhjálmsson, Jón Gunnar Árnason,
Sigríður Björnsdóttir og Gunnar Malmberg. Kúlan var opin í þrjá
mánuði og eins og Magnús Pálsson segir sjálfur; „seldist sama og
ekki neitt, þetta var bara næs draumur og meira til gamans gert“.
Í dag milli kl. 12.10-13.30 mun Björn Roth myndlistar maður segja
frá líftíma Kúlunnar í Listasafninu við Fríkirkjuveg. - pbb
Sögur úr lífi Kúlunnar
Hagstofan hefur um langt árabil
unnið gagnagrunn um rekstur leik-
flokka og leikhúsa. Er stöðugt bætt í
grunninn og gefur hann orðið grein-
argott yfirlit um hvað er í gangi á
þessu sviði menningarlífsins. Nú
eru birtar á vef Hagstofunnar tölur
um aðsókn á liðnu leikári 2007-2008
en áhorfendur leikhúsa, leikhópa og
áhugaleikfélaga voru ríflega 414 þús-
und það árið. Hver landsmaður sótti
leiksýningu 1,3 sinnum á leikárinu.
Gestum fækkaði frá fyrra leikári
2006/2007 um tæplega 25 þúsund
gesti. Á síðasta leikári voru settar
á fjalirnar 231 uppfærsla. Sýningar
voru 3.339 talsins.
Frá aldamótum hefur aðsókn rokk-
að nokkuð. Samdráttur liðins árs frá
aðsókn leikársins 2006/7 sem var um
440 þúsund gestir er því mun minni
en þegar mesta lægðin í aðsókn var
2002/3 þegar hún fór niður fyrir 350
þúsund. Allan þennan áratug hefur
aðsókn þó verið langt yfir toppum
áranna fyrir 2000 þegar hún náði
mest 300 þúsund gestum.
Telja má víst að á þessu leikári
fjölgi sýningargestum og ræður þar
mestu um góð aukning í aðsókn að
Borgarleikhúsinu. Þá er í vændum
að endurupptekinn rekstur í Loft-
kastalanum bæti líka í gestafjölda.
Á síðasta leikári voru starfrækt
sex atvinnuleikhús með aðstöðu í
fimm byggingum. Á vegum þeirra
voru 12 leiksvið sem rúmuðu 2.798
gesti í sæti. Leikhúsin settu 78 upp-
færslur á svið hér innanlands, þar
af voru leikrit, eins og það kallast í
bókum Hagstofunnar, flest, 46 tals-
ins. Samanlagður fjöldi sýninga
var 1.205. Uppfærslur á verkum
íslenskra höfunda voru 33, en eftir
erlenda 38. Leikhúsgestir í húsum í
umráðum leikflokka, Þjóðleikhúsi,
Borgarleikhúsi, Íslensku óperunni,
Hafnarfjarðarleikhúsinu, Möguleik-
húsinu og Leikfélagi Akureyrar voru
samtals 275.207, að meðtöldum sam-
starfsverkefnum og gestasýningum.
Sýningargestum leikhúsanna fjölg-
aði um ríflega 16 þúsund frá fyrra
leikári.
Atvinnuleikhópar starfa stopult
en á liðnu ári fjölgaði þeim sem settu
upp eina eða fleiri leiksýningar. Voru
39 talsins en 22 leikárið 2000/2001. Á
síðasta leikári settu hóparnir á svið
innanlands 84 uppfærslur.
Leikrit og verk eftir innlenda
höfunda eru uppistaðan í uppfærsl-
um hópanna. Sýningar innanlands
voru 1.925 að meðtöldum sýningum
í samstarfi við leikhús og sýningum
í skólum. Heildaraðsókn að þessum
sýningum var 178.125 og fækkaði
sýningargestum um 34 þúsund frá
leikárinu 2006/2007.
Á næstliðnu leikári færðu 35
áhugaleikfélög á fjalirnar 81 leik-
sýningu. Þrjár af hverjum fjórum
uppfærslum voru leikverk eftir inn-
lenda höfunda. Félögin sýndu 457
sinnum fyrir um 30 þúsund gesti.
Samkvæmt gögnum Hagstof-
unnar eru starfsmenn í leikstarf-
semi 835. Ætla má að afleidd störf
leikhúsiðnaðar í landinu séu á annað
hundrað. pbb@frettabladid.is
AÐSÓKN AÐ LEIKHÚSUM
LEIKHÚS Mikil aðsókn er aðeins að fáum leiksýningum. Flestar þeirra ná aðeins fáum
þúsundum gesta. Í kvöld verða tvær frumsýningar í stóru leikhúsunum: Sædýrasafn-
ið og Þú ert hér, sem er nýtt leikverk Jóns Atla Jónassonar og félaga, sjá mynd.
kl. 17.00
Kristján Eiríksson, formaður Íslenska
esperantosambandsins, sækir heim
101 Projects bak við Alþjóðahúsið þar
sem Susan Hiller er með sýningu og
fjallar um hugmyndir um alþjóðamál-
ið esperanto. Hann segir frá Zamen-
hof, höfundi málsins, og gerir grein
fyrir upphafi esperantos og stöðu þess
nú á tímum tölvutækni. Hugsjónir
esperantista eru nátengdar baráttu
lítilla málsamfélaga fyrir tungu sinni
og menningu en sú umræða skírskotar
beint til yfirstandandi sýningar Susan
Hiller í sýningarrýminu.
HÖNNUN Uppstillingar í Kúl-
unni 1962.
M
YN
D
/M
IN
D
G
R
O
U
P
www.forlagid.is
FRÓÐLEIKUR FYRIR ALLA
ÞJÓÐLEIKHÚSIÐ
Sími 551 1200 / midasala@leikhusid.is / www.leikhusid.is
Hart í bak
Þrettándakvöld
Sædýrasafnið
Skoppa og Skrítla í söng-leik
Eterinn
Kardemommubærinn